काठमाडौं (हाम्रो खेलकुद) – नेपाली यू-१९ क्रिकेट टोलीका कप्तान देव खनालले आगमी वर्ष श्रीलंकामा हुने यू-१९ विश्वकपमा पुगेको विश्वास नै नलागेको बताएका छन् । आइसिसी यू-१९ विश्वकप एसिया क्षेत्र छनोटमा घरेलु टोली युएईलाई ७ रनले हराउँदै नेपाल ८ वर्षपछि विश्वकपमा पुगेको छ ।

युएईमाथि नेपालले विहीबार अविश्वसनीय जित हात पार्दै विश्वकपमा पुगेको हो । नेपालको जितम स्पिनर दीपेश कँडेलले ह्याट्रिकसहित पाँच विकेट लिए । जितको लागि अन्तिम ८ रन चाहिँदा दीपेशले लगातार तीन विकेट लिँदै जित पक्का गराए । तर कप्तान देव खनालको प्रदर्शन र कप्तानी पनि त्यतिनै उत्कृष्ट रह्यो ।

एक समय १९-३ को अवस्था पुगेको नेपाललाई देवले ५१ रनको एक उत्कृष्ट इनिङ खेले । चौथो विकेटका लागि उत्तम थापामगर र देवले ८४ रनको महत्वपूर्ण साझेदारी गरेका थिए । खेलपछि आफूहरु विश्वकपमा पुगेको विश्वास नै नलागेको देव बताउँछन् ।

‘अव आज (बिहीबार) विश्वकपमा पुग्दा सर्वप्रथम मलाई विश्वास नै भएको छैन । जसरी हामीले क्रिकेट खेल्यौं । विश्वकपमा पुग्नी भनेर एउटा लक्ष्य लिएर आएका थियौं। विश्वकपमा नपुगेको ८ वर्ष भई सकेको थियो । जगत टमाटा गुरु हामीसँग हुनुन्थ्यो । वहाँ लक्की चाम हुनुन्थ्यो । मैले धेरै पटक भनेको छु’, जितपछि देवले भने ।

‘टिमको एउटा कम्बिनेसन थियो । जसरी हाम्रो सुरुवात भएको थियो । बोर्डमा १ सय ९१ रन थियो । जसरी उनीहरुले सुरुवात गरेका थिए । उनीहरुले पहिलो बल देखि हामीलाई डोमिनेट गर्न खोजेको थिएँ । जव म गए । मलाई त्यतिमात्रै थियो कि म टोलीलाई एउटा सम्मानजनक स्कोर सम्म लगेर जान्छु । मसँग जो खेल्छ त्यसलाई खेलाउछु भने । यो ५१ नको इनिङ मेरो जिन्दगीको उत्कृष्ट इनिङ हो । हामीले जुन अवस्थामा पूनरागमन गयौं त्यो एकदमै राम्रो थियो । विश्वकपमा जादा अहिलेसम्म विश्वास नै भएको छैन” उनले भने ।

त्यो उमेर समूह होस् वा सिनियर क्रिकेट टोलीको पछिल्लो समय युएईविरुद्ध निर्णायक खेलमा नेपालको इतिहास राम्रो छैन । सिनियर टोली गतवर्ष विश्वकपमा पुग्न निर्णायक खेलमा युएईसँग ६८ रनले पराजित भएको थियो ।

२०१९ मा यू-१९ टोली युएईसँग एक रनले हार्दै दुई विश्वकप गुमाएको थियो । महिला टोली त झनै हाबी बन्दै आएको छ । तर नेपालले त्यो खराब इतिहासलाई अन्त्य गर्यो । देव एक दुई विकेट लिँदा खेलमा फर्किन सक्ने विश्वास रहेको बताउँछन् ।

‘मलाई यति मात्रै थाहा थियो कि हामीले एक दुई विकेट निकाल्यौं भने खेलमा पूनरागमन गर्न सक्छौं । अनि हामीले त्यो गयौं पनि । यतिधेरै महिनादेखि अभ्यास गरेका थियौं । धेरै कुराहरु प्रभाव पार्छ । भाग्य त म भन्दिन । १० प्रतिशत भाग्य होला । ९० प्रतिशतक कडा मिहिनेत नै हो’, देवले भने ।

नेपालले अन्तिम १८ बलमा ११ रन चाहिँदा स्पिनर दीपेश कँडेललाई बलिङ दिने निर्णय लियो । कप्तान देव खनालले उत्कृष्ट कप्तानी गर्दै एक ओभर स्पिनरको बचाएर राखेका थिए । उनको निर्णय सहि सावित भयो । तर देवले कसलाई बलिङ दिने भनेर निर्णय लिन धेरै कठिन परेको थियो ।

‘मैले कसलाई बलिङ देउ भनेर सोच्न ४-५ मिनेट नै खाए होला । त्यति बेला एकदमै दिमाग रन गर्नुपर्ने थियो । मैले धेरै सोचे । आफ्नो निर्णयलाई ब्याक गरे । आकाश चन्द र सबै खेलाडीहरुले मलाई साथ दिएँ । दीपेशले आज जे गर्यो त्यो मेरो कल थियो’, उनले भने ।

‘मैले नढाटी भन्दा जुन दिन यू१९ क्याम्पमा जोडिएको थिए । त्यो दिनै लागेको थियो त्यो टोली भित्र युएईलाई युएईको घरमा गएर हराएर विश्वकप खेल्न सक्छौं । म चाहिँ एकदमै केन्द्रित भएर आएको थिए । मेरो लागि यो प्रतियोगिता धेरै महत्वपूर्ण थियो । ब्यक्तिगत ५-६ महिना नराम्रो भएको थियो । मेरो लागि एकदमै महत्वपूर्ण प्रतियोगिता थियो । म जसरी यहाँ आए र प्रदर्शन गरे । म र मेरो परिवारको लागि यो सबैभन्दा ठूलो कुरा हो । मैले आफ्नो देशलाई जिताए र विश्वकपमा पुर्याए’, देवले भने ।

देव यो टोली धेरै अगाडि पुग्ने बताउँछन् । ‘मलाई लाग्छ यो टोली धेरै अगाडि पुग्छ । तीन चार जनालाई हामीले विकास गयौं भने त्यो तीन चार जना आगमी दिको भविष्य जस्तो लाग्छ । सबैजनाले जिम्मेवारी लिए । विशेष धन्यावाद जगत गुरुलाई । वहाँलाई त म मिस गर्ननै सक्दैन । वहाँले जसरी खेलाडीलाई साथ दिनु भएको थियो । जगत गुरु आफैंमा मिराकल गर्नु भएको छ । नेपालको लागि धेरै गर्नु भएकोछ’, उनले भने ।