3 years ago
March 8, 2023
काठमाडौं (हाम्रो खेलकुद) – नेपाली क्रिकेट टोलीका युवा कप्तान रोहित पौडेलले आइसिसी विश्वकप लिग–२ सिरिजमा लगातार आठ खेलमा टस जित्न सफल भए । सम्भवत रोहित ओडिआई विश्व क्रिकेट इतिहासमा लगातार आठ खेलमा टस जित्ने पहिलो कप्तान थिए । यसअघि जिम्बावेका एन्डी फ्लावरले १९९६ को विश्वकपमा ६ खेलमा लगातार टस जितेका थिए ।

नेपालले दुई साताअघि स्कटल्यान्ड र नामिबियासँग चारै खेलमा टस र खेल जितेको थियो । त्यसअघि रोहितले डिसेम्बरमा नामिबिया भ्रमणका क्रममा अन्तिम दुई खेलमा टस जितेका थिए । यसै साता युएई भ्रमणमा रोहितले सुरुवाती दुई खेलमा टस जिते । रोहितको टस जित्ने यात्रा पपुवा न्युगिनीविरुद्धको दोस्रो खेलमा गएर ब्रेक लागेको थियो ।
समग्रमा उनले लगातार आठ खेलमा टस जिते । डिसेम्बर ७ मा नामिबियाविरुद्धबाट सुरुको टस जित्ने यात्रा पपुवा न्युगिनीविरुद्ध मार्च ३ मा गएर समाप्त भएको थियो । टस जितेका ८ मध्य नेपालले ५ जित र ३ हार बेहोर्यो ।
समग्रमा नेपालले पछिल्ला ८ मध्य ७ खेलमा लक्ष्य पछ्याएको छ । जसमा नेपालले लक्ष्य पछ्याउँदा ६ खेल जितेको छ । कप्तान रोहित आफू भाग्यमानी भन्दा पनि टिममा आफूले टस जित्नेमा विश्वास रहेको बताउँछन् । आफू भाग्यमानी कप्तान भन्दा पनि टिमको विश्वासले टस जितेको बताउँछन् । ‘टसमा पनि मलाई टिममा टस जित्छु भनेर सबैले भन्छन् । सबै टिमले प्ले गर्छ । टसमा जाँदा पनि पुरै टोलीले हेर्छन् । त्यसले गर्दा पनि टस जित्छु जस्तो हुन्छ’, रोहितले टसबारे हाँस्दै भने ।
नोभेम्बरमा रोहितले युएईसँगको तीन खेलको सिरिजमा दुई खेलमा टस जित्दा एक खेलमा हारेका थिए । रोहितले नेपालबाट कुल १५ खेलमा कप्तानी गर्दा ११ मा टस जितेका छन् । चार खेलमा टस हारेका छन् । ११ खेलमा टस जित्दा नेपालले दुई पटक मात्रै पहिला ब्याटिङ रोजेको छ ।

डिसेम्बरमा नामिबिया र स्कटल्यान्डसँग रोहितले सुरुवाती दुई खेलमा टस हारेका थिए । अन्तिम दुई खेल भने नामिबिया र स्कटल्यान्डविरुद्ध जितेका थिए । त्यसपछि रोहितले लगातार आठ पटक सम्म टस जिते । त्यसपछि घरेलु मैदानमा स्कटल्यान्ड र नामिबियासँग सबै खेलमा टस जितेका थिए । युएई भ्रमणमा रोहितले तीन खेलमा टस जित्दा एक खेलमा हारे ।
खेलमा टसले धेरै फरक पार्छ । विशेषगरि कन्डिसनको फाइदा उठाउन टसले नतिजामा प्रत्यक्ष फरक पार्दछ । रोहित टसमा लक्की देखिएका छन् । नतिजामा पनि नेपालले सानदार प्रदर्शन गरेको छ । रोहित पनि टसले नतिजामा फरक पार्ने स्वीकार गर्दछन् ।
‘टियुमा खेल्दा टस एकदमै महत्वपूर्ण हुने मलाई अनुभव हुन्छ । विहानको समयमा बलरलाई सहयोग मिल्छ । त्यसैले टसले प्रभाव पार्छ’, रोहितले स्कटल्यान्डलाई अन्तिम खेलमा हराएपछि दुई साताअघि भनेका थिए ।
रोहित ओडिआई क्रिकेटमा नेपालबाट सर्वाधिक खेलमा कप्तानी गर्ने र जित्ने खेलाडी बनिसकेका छन् । रोहितले नेपालबाट १५ खेलमा कप्तानी गर्दा ९ मा जित, ५ मा हार र १ खेल नजिता बिहीन बनेको थियो । रोहितपछि सन्दीप लामिछानेले २०२२ मा १४ खेलमा कप्तानी गर्दा ४ मा जित, ९ मा हार र १ खेल नतिजा विहीन बनेको थियो ।
रोहितपछि नेपालबाट ओडिआईमा सर्वाधिक जित दिलाउने कप्तान ज्ञानेन्द्र मल्ल हुन् । ज्ञानेन्द्रले २०२० र २०२१ मा १० खेलमा कप्तानी गर्दा ६ मा जित र ४ मा हार व्येहोरेका थिए । पारस खड्काले २०१८–२०१९ मा ६ खेलमा कप्तानी गर्दा ३ मा जित र ३ मा हार व्येहोरेका थिए ।
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]