एजेन्सी – विराट कोहलीको सानदार शतकमा भारतले चौथो टेस्ट खेलमा अष्ट्रेलियाविरुद्ध पहिलो इनिङमा विशाल योगफल बनाएको छ । भारत पहिलो इनिङमा चौथो दिन अन्तिम सेसनमा ५ सय ७१ रनमा अल आउट भयो । भारतले समग्रमा पहिलो इनिङमा ९१ रनको अग्रता लिएको थियो ।

भारतका विराट कोहलीले ३ सय ६४ बलमा १५ चौकासहित १ सय ८६ रनको सानदार शतकीय इनिङ खेले । कोहलीको यो टेस्ट करिअरको २८ औं शतक हो । कोहलीले टेस्टमा २०१९ पछि पहिलो शतक हानेका हुन् ।

तल्लोक्रमका अक्षर पटेलले १ सय १३ बलमा ५ चौका र ४ छक्कासहित ७९ रनको आक्रामक इनिङ खेले । छैटौं विकेटका लागि कोहलीले अक्षर पटेलसँग १ सय ६२ रनको सानदार शतकीय साभेदारी गरेका थिए ।

रविन्द्र जडेजा २८, केएस भरत ४४ रनमा आउट भए । तेस्रो दिन भारतका युवा ओपनर शुमभन गिलले २ सय ३५ बलमा १२ चौका र १ छक्कासहित १ सय २८ रनको शतकीय इनिङ खेलेका थिए ।

अष्ट्रेलियाका नाथन लायन र टोड मर्फीले तीन तीन विकेट लिए । दोस्रो इनिमा अष्ट्रेलियाले तीन रन जोड्दा चौथो दिनको खेल सकिएको छ ।

त्यअसघि अष्ट्रेलियाले पहिलो इनिङमा ४ सय ८० रनमा अल आउट भएको थियो । ओपनर उस्मान खवाजाले ४ सय २२ बलमा २१ चौकासहित १ सय ८० रनको सानदार शतकीय इनिङ खेलेका थिए ।

क्यामरन ग्रीन १ सय ७० बलमा १८ चौकासहित १ सय १४ रनमा आउट भए । ग्रीनको यो अन्तर्राष्ट्रिय कुनैपनि संरचनाको पहिलो शतक हो । पाँचौं विकेटका लागि ग्रीन र उस्मान खवाजाले २ सय ८ रनको सानदार दोहोरो शतकीय साझेदारी गरेका थिए ।

भारतका रविचन्द्रन आश्विनले सर्वाधिक ६ विकेट लिए । मोहम्मद शामीले दुई, रविचन्द्र जडेजा र अक्षर पटेलले एक एक विकेट लिए । चार टेस्ट खेलको सिरिजमा भारत २–१ ले अघि छ ।

अष्ट्रेलिया आइसिसी विश्व टेस्ट च्याम्पियनसिप २०२३ को फाइनलमा पुगि सकेको छ । भारतलाई भने फाइनल खेल खेल्न अन्तिम खेलमा जित आवश्यक पर्दछ।