2 years ago
March 12, 2023
काठमाडौं (हाम्रो खेलकुद) – नेपाली क्रिकेट टोलीका बायाँ हाते स्पिनर ललितनारायण राजवंशी ओडिआई क्रिकेटमा पाँच विकेट लिने चौथो नेपाली खेलाडी बनेका छन् । ललितले आइसिसी विश्वकप लिग–२ त्रिकोणात्मक ओडिआई सिरिजमा आइतबार युएईविरुद्ध पाँच विकेट लिँदै आफ्नो अन्तर्राष्ट्रिय क्रिकेट करिअरकै उत्कृष्ट प्रदर्शन गरेका हुन् ।
जितको लागि २ सय ४९ रनको विजयी लक्ष्य पछ्याएको युएई २२.५ ओभरमा ७१ रनमा अल आउट भयो । युएईलाई अल आउट गर्न ललितले ७.५ ओभरमा २ मेडनसहित २० रन खर्चेर पाँच विकेट लिए । ललितको यो अन्तर्राष्ट्रिय क्रिकेट करिअरको उत्कृष्ट प्रदर्शन हो ।
ललित नेपालमा सोमपाल कामी, सन्दीप लामिछाने र करण केसीपछि ओडिआईमा पाँच विकेट लिने चौथो बलर बनेका छन् । नेपालबाट सोमपाल कामीले २०१९ मा युएईविरुद्ध दोस्रो ओडिआई खेलमा ६.३ ओभरमा १ मेडनसहित ३३ रन खर्चेर पाँच विकेट लिँदै इतिहास रचेका थिए ।
सोमपाल नेपालबाट ओडिआईमा पाँच विकेट लिने पहिलो बलर हुन् । सोमपालको पाँच विकेटको सहयोगमा २ सय ४३ रनको विजयी लक्ष्य पछ्याएको युएई १९.३ ओभरमा ९७ रनमा अल आउट भएको थियो । आइसिसी विश्वकप लिग २ मा २०२० मा अमेरिकालाई ३५ रनमा अल आउट गर्न सन्दीप लामिछानेले ६ ओभरमा १ मेडनसहित १६ रन खर्चेर ६ विकेट लिएका थिए ।
२०२१ मा पपुवा न्युगिनीविरुद्ध सन्दीप लामिछानेले ५.१ ओभरमा ११ रन खर्चेर ६ विकेट लिएका थिए । जुन प्रदर्शन ओडिआईमा नेपालबाट एक बलरले गरेको उत्कृष्ट हो । नेपालबाट ओडिआईमा सर्वाधिक तीन पटक करण केसीले पाँच विकेट लिएका छन् । करणले चार साताअघि नामिबियाविरुद्ध पाँच विकेट लिएका थिए । करणले गत जुनमा ओमानविरुद्ध दुबै खेलमा पाँच पाँच विकेट लिएका थिए ।
पिच स्पिनर सहयोगी भएपछि नेपालले करणलाई विश्राम दिँदै ललितलाई मौका दिएको थियो । २४ वर्षीय बायाँ हाते स्पिनर ललितले १४ औं ओडिआई खेलमा यस सफलता हात पारेका हुन् । ललितले २०१९ मा युएईविरुद्ध ओडिआईमा डेब्यू गरेका थिए । पछिल्लो एक वर्ष भने खुट्टामा चोटका कारण ललित टोली बाहिर थिए ।
ललितको यसअघि ओडिआईमा उच्च प्रदर्शन नामिबियाविरुद्ध गत डिसेम्बरमा १० ओभरमा ३६ रन खर्चेर ४ विकेट थियो । टियुमा गत नोभेम्बरमा युएईविरुद्ध दोस्रो ओडिआई खेलमा १० ओभरमा ४१ रन खर्चेर ३ विकेट लिएका थिए ।
ललितको टि२० आईमा भने उत्कृष्ट प्रदर्शन २०१९ को १३ औं दक्षिण एसियाली खेलकुदमा माल्दिभ्सविरुद्ध ४ ओभरमा ६ रन खर्चेर ३ विकेट थियो । त्यसपछि भने उनले टि२० आई खेल खेलेका छैनन् ।
June 20, 2025
एजेन्सी – ओपनर यशस्वी जैसवाल र कप्तान शुभमन गिलको शतकको सहयोगमा भारतले घरेलु टोली इङ्ग्ल्याण्डविरुद्धको पहिलो टेस्टमा उत्कृष्ट सुरुवात गरेको छ । पहिलो टेस्टको पहिलो दिन शुक्रवार भारतले उत्कृष्ट सुरुवात गरेको हो । पहिलो दिनको खेल सकिदा भारतले ३ सय ५९ रन बनाउँदा ३ विकेट गुमाएको छ । कप्तान गिल शतकमा र उपकप्तान ऋषभ पन्त […]
June 20, 2025
काठमाडौं(हाम्रो खेलकुद) – स्कटल्याण्डमा भएको त्रिकोणात्मक टि ट्वान्टी आई सिरिजको अन्तिम खेलमा नेपाल घरेलु टोलीसँग पराजित भएको छ । नेपाल शुक्रवार घरेलु टोलीसँग ३४ रनले पराजित भयो । १ सय ९४ रनको लक्ष्य पछ्याएको नेपालले १८.५ ओभरमा सबै विकेट गुमाउँदै १ सय ५९ रन मात्र बनाउन सक्यो । नेपाली टोलीका रुपेश सिंहले २२ बलमा १ […]
June 20, 2025
काठमाडौं (हाम्रो खेलकुद) – प्रथम विदुर मेयर कप अन्तर वडा टि२० क्रिकेट प्रतियोगिताको उपाधिका लागि वडा नम्बर ३ र वडा नम्बर ४ भिड्ने भएका छन् । शुक्रबार भएको सेमिफाइनलमा वडा ३ ले वडा नम्बर १ लाई १० विकेटले पराजित गर्दै फाइनलमा स्थान पक्का गरेको हो । टस जितेर ब्याटिङ रोजेको वडा १ ले २० ओभरमा […]
