काठमाडौं (हाम्रो खेलकुद) – नेपालले घरेलु मैदान टियुमा सानदार प्रदर्शन गर्दै आएकोछ । घरेलु मैदान, कन्डिसन र समर्थकको भरपूर्ण फाइदा उठाएको नेपालले पछिल्ला ९ ओडिआई खेलमा टियुमा लगातार जित हात पारेकोछ।

नेपालले आइसिसी विश्वकप लिग–२ त्रिकोणात्मक ओडिआई सिरिज अन्तर्गत बिहीबार युएईसँग निर्णायक खेल खेल्दैछ।युएईलाई पराजित गर्दा जुन जुलाईमा जिम्बावेमा हुने विश्वकप छनोटमा सोझै स्थान बनाउनेछ। पराजित भएमा भने नेपालले यसै महिना अन्तिममा नामिबियामा हुने क्वालिफायर प्लेअफ खेल्नुपर्ने हुन् ।

वर्षा वा कुनै कारण खेलको नतिजा नआएपनि नेपालले सोझै विश्वकप छनोट खेल्ने अवसर गुमाउनेछ । नेपालले गुमाउँदा नामिबिया सोझै विश्वकप छनोटमा पुग्नेछ।

पछिल्लो खेलमा नेपालले युएईलाई आइतबार ७१ रनमा अल आउट गर्दै १ सय ७७ रनले विजयी भएको थियो । नेपालले खेलेका पछिल्ला १० मध्य ९ ओडिआई खेल टियुमा जितेको छ । पछिल्ला ९ खेलमा हार व्यहोर्नु परेको छैन । नेपालले टियुमा ओडिआईमा अन्तिम पटक हार २०२२ नोभेम्बर १४ मा युएईविरुद्ध पहिलो ओडिआई खेलमा ८४ रनले पराजित भएको थियो।

२ सय ६४ रनको विजयी लक्ष्य पछ्याएको नेपालले ५० ओभरमा ९ विकेट गुमाउँदै १ सय ७९ रन बनाएको थियो । त्यसपछि नेपालले दोस्रो खेलमा ३ विकेट र तेस्रो खेलमा ६ विकेटले युएईलाई पराजित गर्दै सिरिज जितेको थियो । अघिल्लो महिना नेपालले आइसिसी विश्वकप लिग–२ त्रिकोणात्मक ओडिआई सिरिज अन्तर्गत नामिबियालाई २ विकेट र ३ विकेटले हराएको थियो।
स्कटल्यान्डलाई स्कटल्यान्डलाई ३ विकेट र २ विकेटले हराएको थियो । त्यस्तै यसै साता पपुवा न्युगिनीलाई ५२ रन र ९ विकेटले हराएको थियो । युएईलाई १ सय ७७ रनले हराएको थियो।

पछिल्ला ९ जित मध्य नेपालको ७ जित लक्ष्य पछ्उँदा थियो । आइसिसी विश्वकप लिग २ मा नेपाल पछिल्ला ८ खेलमा अपराजित छ । नेपालले २०२० को फेब्रुअरीमा अमेरिकालाई ३५ रनमा अल आउट गर्दै ८ विकेटले विजयी भएको थियो ।

त्यसपछि लिग २ मा कुनै हार व्यहोरेको छैन । नेपालले टियु मैदानमा आइसिसी लिग २ का ११ खेल खेल्दा ९ खेलमा जित र २ खेलमा हार व्यहोरेको छ । नेपाल घरेलु मैदानको फाइदा उठाउँदै युएईलाई स्तब्ध पार्दै सोझै विश्वकप खेल्ने सोचमा हुनेछ।