default_image

1 year ago

March 18, 2023

सुदुर सरकारले दीपेन्द्र र भीमलाई समान दुई लाख दिने

75 views

0 Bookmark

काठमाडौं (हाम्रो खेलकुद) – सुदूरपश्चिम प्रदेश सकारले नेपालका प्रमुख अलराउन्डर दीपेन्द्रसिंह ऐरी र युवा ब्याटर भीम सार्कीलाई समान दुई लाख दिने घोषणा गरेको छ । आइसिसी विश्वकप लिग २ त्रिकोणात्मक ओडिआई सिरिजमा नेपाललाई शीर्ष तीनमा रहँदै सोझै विश्वकप छनोटमा पर्याउन महत्वपूर्ण प्रदर्शन गरेको भन्दै आफ्ना प्रदेशका भीम र दीपेन्द्रलाई दुई दुई लाख दिने जनाएको छ ।

नेपाल क्रिकेट संघ (क्यान) का अध्यक्ष चतुरबहादुर चन्दका अनुसार कमलसिंह ऐरी, अर्जुन साउद र सन्दीप जोराले पनि पुरस्कार वापत रकम पाउनेछन् । सन्दीप जोराले एक लाख रुपैयाँ पाउने भएका छन् । अन्तिम १८ मा रहेका कमलसिंह ऐरी र अर्जुन साउदले समान ५० हजार पाउने छन् ।

सुदूरपश्चिम प्रदेशले दुई साता अघि नेपाललाई यू-१९ विश्वकप पुर्याउने आफ्ना पाँच खेलाडीलाई समान एक लाख दिने घोषणा गरेको थियो । भीम सार्कीले पछिल्ला चार खेलमा ६७, २९, ४४ र ७० रन बनाएका थिए । युएईलाई हराउनै पर्ने दुई खेलमा भीमले ६७ र ७० रन बनाएका थिए । दीपेन्द्र नेपालका प्रमुख अलराउन्डर हुन् । उनले लगातार ब्याटिङ र बलिङ दुवैमा सानदार प्रदर्शन गर्दै आएका छन् ।

सन्दीप जोरा पछिल्ला तीन मध्य दुई सिरिजमा नेपालको टोलीमा थिए । अन्तिम सिरिजमा नेपालको टोलीमा थिएनन् । विकेटकिपर अर्जुन साउद र कमलसिंह ऐरी भने वैकल्पिक खेलाडीको सूचिमा रहँदै आएका छन् । सुदूर नेपाली क्रिकेटको उर्भर भूमि मानिन्छ ।

नेपाली यू(१९ टोलीमा प्रतिनिधित्व गर्ने सुदूरका तीव्र गतिका बलर हेमन्त धामी, आकाश चन्द, दीपक बोहरा, दीपक बोहरा र मिलन बोहरालाई समान एक लाख दिने घोषणा गरेको थियो । त्यस्तै यू१९ टोलीका मुख्य प्रशिक्षक जगत टमाटा, टिम म्यानेजर विक्रम विष्ट, फिजियो पुरन तिरुवा र सायहक प्रशिक्षक धिरेन्द्र चन्दलाई समान ५० हजार दिने जनाएको थियो ।

तीन साता अघि नेपालले आइसिसी यू-१९ विश्वकप एसिया क्षेत्र छनोटमा युएईलाई ७ रनले हराउँदै आगमी वर्ष श्रीलंकामा हुने यू१९ विश्वकपमा स्थान बनाएको थियो । जसबाट सुदूरपश्चिमका पाँच खेलाडी र चार अफिसियल थिए ।

नेपाल सरकारले नेपाललाई सोझै विश्वकप छनोटमा पुर्याउने सिनियर टोलीका हरेक खेलाडीलाई समान तीन लाख दिने घोषणा गरि सकेको छ । नेपालले आइसिसी विश्वकप लिग–२ को अन्तिम खेलमा बिहीबार युएईमाथि ९ रनको डकवर्थ लेविस पद्धतिको आधारमा जित हात पारेसँगै सोझै विश्वकप छनोटमा पुगेको थियो ।

ब्याड लाइट प्रकाशका कारण खेल पुरा हुन नसकेपछि नेपाल डिएल मेथर्डमा विजयी भएको हो। उक्त खेल हेर्न प्रचण्ड पनि टियु पुगेका थिए ।

जितको लागि ३ सय ११ रनको विशाल विजयी लक्ष्य पछ्याएको नेपाल ४४ ओभरमा ६ विकेट गुमाउँदै २ सय ६९ रन बनाउँदा खेल रोकिएको थियो । त्यसपछि डिएलमा नेपाल विजयी हुँदै सोझै विश्वकप छनोटमा पुगेको हो ।

जिम्बावेमा आगमी जुन जुलाईमा हुने छनोटमा कुल १० टोली हुन्छन् । विश्वकप छनोटमा सुपर लिग(२ का पुछारका पाँच टोली, लिग २ का शीर्ष तीन टोली नेपाल, ओमान र स्कटल्यान्ड र प्लेअफ क्वालिफायरमा शीर्ष दुई टोली गरि कुल १० टोली हुनेछन् ।

जिम्बावेमा हुने छनोटमा कुल १० टोलीलाई दुई समूहमा विभाजन गरिनेछ । जसबाट हरेक समूहबाट शीर्ष तीन तीन टोली सुपर सिक्समा स्थान बनाउछन् । सुपर सिक्समा एक अर्कासँग खेलेपछि शीर्ष दुईमा रहने टोली विश्वकपमा पुग्नेछन् । शीर्ष दुई टोलीले आगमी अक्टोबर नोभेम्बरमा भारतमा हुने एकदिवसीय विश्वकप खेल्न पाउनेछन् ।

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

Success

Thank you for your time.