default_image

1 year ago

March 29, 2023

पहिलो जितको खोजीमा नामिबिया र पपुवा न्युनिगी

75 views

0 Bookmark

एजेन्सी – आइसिसी विश्वकप क्वालिफायर प्लेअफमा आज घरेलु टोली नामिबियाले पपुवा न्युगिनीसँग खेल्दैछ । खेल नेपाली समय अनुसार दिउँसो १ : १५ मा युनाइटेड क्रिकेट क्लब ग्राउन्डमा सुरुहुनेछ ।

पहिलो खेलमा नामिबिया अमेरिकासँग ८० रनले पराजित भएको थियो । पपुवा न्युगिनी युएईसँग २१ रनले पराजित भएको थियो । शीर्ष दुईमा रहँदै आगमी जुन जुलाईमा जिम्बावेमा हुने विश्वकप छनोटमा स्थान बनाउन यी दुबै टोलीलाई जित आवश्यक देखिन्छ । ६ टोली सहभागी प्रतियोगिता शीर्ष दुई टोलीले मात्रै विश्वकप छनोट खेल्न पाउनेछन् ।

नामिबिया, युएई, अमेरिका र पपुवा न्युगिनी लिग २ बाट प्लेअफमा झरेका हुन् । क्यानडा र जर्सी भने च्यालेन्ज लिग ए र बी बाट आएका छन् । पपुवा न्युगिनीले लिग–२ मा नामिबियासँगै सबै ६ खेलमा नै पराजित भएको थियो । पपुवा न्युगिनीले युएईविरुद्ध २ सय ६१ रनको विजयी लक्ष्य पछ्याउनेक्रममा राम्रो सुरुवात गरेको थियो ।

ओपनर किप्लिङ डोरिगा र टोनी उराले २०.३ ओभरमा १ सय ४६ रनको साझेदारी गरेका थिए । ओपनरले लगातार राम्रो प्रदर्शन गर्दै आएका छन् । पपुवा न्युगिनीका मध्यक्रमका ब्याटर असद भाला र चाल्स अमिनीले राम्रो खेल्नुपर्ने हुन्छ ।
पपुवा न्युगिनीले लिग २ मा पुछारमा रहँदै सोझै ओडिआई मान्यता अवसर पनि गुमाई सकेको छ । ओडिआई मान्यता जोगाउन कम्तिमा जर्सी र क्यानडालाई पछि पार्नुपर्ने हुन्छ ।

लिग २ बाट ओडिआई मान्यता अवसर गुमाएको युएईलाई पनि जर्सी र क्यानडालाई पछि पार्नुपर्ने हुन्छ । पपुवा न्युगिनीका चाद सोफर र सेमा कमियाले लगातार राम्रो प्रदर्शन गर्दै आएका छन् । नर्मन भानुवाबाट उत्कृष्ट प्रदर्शन चाहन्छ । स्पिनरमा असद भालाको प्रदर्शन महत्वपूर्ण हुनेछ ।

यता घरेलु टोली नामिबियालाई शीर्ष दुईमा रहन आजको खेलमा जित्नै पर्ने दबाबछ । कप्तान जेरार्ड इरास्मस, माइकल भान लिंगेन र जान निकालेल लोफ्टीबाट उत्कृष्ट ब्याटिङ चाहन्छ । अमेरिकाले दिएको २ सय ३२ रनको विजयी लक्ष्य पछ्याउनेक्रममा नामिबिया १ सय ५१ रनमा अल आउट भएको थियो ।

डेविड विजा र जेजे स्मित नहुँदा केहि समस्यामा पर्दै आएको छ । तीव्र गतिका बलर रुबेन ट्रम्पलम्यान नामिबियाका प्रमुख हतियार हुन् । त्यस्तै आजको अर्को खेलमा दुई छिमेकी टोली अमेरिका र क्यानडाबीच प्रतिस्पर्धा हुनेछ । दुबै टोली लगातार दोस्रो जितको सोचमा छन् ।

क्यानडाले डेब्यू गरेको जर्सीलाई पहिलो खेलमा ३१ रनले हराएको थियो । अमेरिका उपाधिको दाबेदार टोली हो । स्टिभ टेलर, सुशान्त मोदानी, मोनांक पटेल र आरोन जोन्स जस्ता अनुभवी ब्याटर छन् । टेलर र पटेलको प्रदर्शन महत्वपूर्ण हुनेछ । अमेरिकाका अली खान र सौरभ नेत्रवालकर प्रमुख बलर हुन् ।

क्यानडाका विजयरत्ने श्रीमन्था प्रमुख ब्याटर हुन् । उनले जर्सीविरुद्ध अर्धशतक प्रहार गरेका थिए । त्यस्तै अष्ट्रेलियामा घरेलु क्रिकेट खेलेर हुर्किएका म्याथ्यु स्पोर्स नायक बन्न सक्छन् । निखिल दत्त अलराउन्डर हुन् । साद बिन जाफर र कलिम साना प्रमुख बलर हुन् ।

June 21, 2024

अष्ट्रेलियाको बंगलादेशविरुद्ध जित

एजेन्सी – आइसिसी टि-२० विश्वकप अन्तर्गत सुपर एट को आफ्नो पहिलो खेलमा अष्ट्रेलियाले बंगलादेश माथि जित हात पारेको छ । एन्टिग्वामा वर्षाले प्रभावित खेलमा अष्ट्रेलियाले डकवर्थ-लुइस पद्धति अनुसार २८ रनको जित हार पारेको थियो । बंगलादेशले दिएको १४० रनको लक्ष्य पछ्याउने क्रममा अष्ट्रेलिया ११.२ ओभरमा २ विकेटको क्षतिमा १०० रनको अवस्थामा हुँदा खेल वर्षाका कारण […]

June 21, 2024

भारतद्वारा अफगानिस्तान सहजै पराजित

एजेन्सी – आइसिसी टि-२० विश्वकप २०२४ अन्तर्गत सुपर एट चरणको आफ्नो पहिलो खेलमा भारतले अफगानिस्तान विरुद्ध सहज जित दर्ता गरेको छ । बार्बाडोसमा भएको खेलमा भारतले ४७ रनको फराकिलो अन्तरले जित हात पारेको हो । भारतले दिएको १ सय ८२ रनको लक्ष्य पछ्याउने क्रममा अफगानिस्तान अन्तिम ओभरमा अलआउट हुदै १ सय ३० रनमै रोकियो । […]

June 20, 2024

इङ्ल्यान्डको सुपर एटमा सानदार सुरुवात

एजेन्सी – इङ्ल्यान्डले आइसिसी टि-२० विश्वकपको सुपर एट चरणमा सानदार सुरुवात गरेको छ । इङ्ल्यान्डले बिहीबार बिहान भएको खेलमा घरेलु टोली वेस्ट इन्डिज माथि ८ विकेटको फराकिलो जित दर्ता गरेको हो । एक समय समूह चरणबाट बाहिरिने अवस्थामा रहेको इङ्ल्यान्डले वेस्ट इन्डिजले दिएको १८१ रनको विशाल लक्ष्य १५ बल बाँकी छँदै २ विकेट मात्र गुमाएर […]

Success

Thank you for your time.