default_image

1 year ago

March 29, 2023

नामिबिया बन्यो ओडिआईमा सर्वाधिक रन बनाउने एसोसिएट टोली

113 views

0 Bookmark

एजेन्सी – नामिबिया ओडिआई इतिहासमा एकै खेलमा सर्वाधिक रन बनाउने एसोसियट टोली बनेकोछ । आइसिसी विश्वकप क्वालिफायर प्लेअफमा पपुवा न्युगिनीविरुद्ध घरेलु टोली नामिबियाले ५० ओभरमा ८ विकेट गुमाउँदै ३ सय ८१ रन बनाउँदै उक्त इतिहास रचेको हो ।

नामिबियाले स्कटल्यान्डको कीर्तिमान तोडेको हो । यसअघि एसोसिएट टोलीको रुपमा ओडिआईमा सर्वाधिक ठूलो योगफल स्कटल्यान्डले इंग्ल्यान्डविरुद्ध २०१८ जुनमा ५० ओभरमा ५ विकेट गुमाउँदै ३ सय ७१ रन बनाएको थियो । उक्त खेलमा स्कटल्यान्ड ६ रनले विजयी हुँदै विश्व क्रिकेटमा सनसनी मच्चाएको थियो । अन्य कुनैपनि एसोसिएट टोलीले ओडिआईमा ३ सय ५० योगफल कटाएका छैनन् ।

ओडिआईमा सर्वाधिक रन बनाउने कीर्तिमान इंग्ल्यान्डको नाममा छ । इंग्ल्यान्डले गतवर्ष नेदरल्यान्ड्सविरुद्ध ५० ओभरमा ४ विकेट गुमाउँदै ४ सय ९८ रन बनाएको थियो । इंग्ल्यान्डले नै अष्ट्रेलियाविरुद्ध २०१८ मा ६ विकेट गुमाउँदै ४ सय ८१ रन बनाएको थियो । अन्य कुनैपनि टोलीले ओडिआईमा ४ सय ५० को योगफल कटाउन सकेका सकेका छैनन् ।

सर्वाधिक रन बनाउने तेस्रो स्थानमा पनि इंग्ल्यान्डनै छ । २०१६ मा इंग्ल्यान्डले पाकिस्तानविरुद्ध ३ विकेट गुमाउँदै ४ सय ४४ रन बनाएको थियो । श्रीलंकाले २००६ मा नेदरल्यान्ड्सविरुद्ध ९ विकेट गुमाउँदै ४ सय ४३ रन बनाएको थियो । नामिबियाले बनाएको उक्त रन ओडिआई इतिहासकै ४५ औं ठूलो योगफल पर्दछ ।

यसअघि नामिबियाले ओडिआईमा २०२० मा ओमानविरुद्ध ७ विकेट गुमाउँदै ३ सय २४ रन बनाएको थियो । उक्त लक्ष्य नामिबियाको ओडिआईमा उच्च रहँदै आएको थियो । घरेलु मैदान र कन्डिसनको फाइदा उठाउँदै नामिबियाले रनको वर्षा गराएको हो । आइसिसी विश्वकप लिग २ मा नेपालसँग एक अंकले पछि परेपछि नामिबियाले विश्वकप प्लेअफ खेल्नुपरेको हो ।

नेपाल ३६ खेलमा १९ मा जित र १५ मा हारसहित ४० अंकका साथ शीर्ष तीनमा रहेर सोझै विश्वकप छनोटमा पुगेको थियो । नामिबिया ३६ खेलमा १९ मा जित र १६ मा हारसहित ३९ अंकका साथ चौथो स्थानमा रहेपछि प्लेअफ खेल्नु परेको हो । नेपाल भ्रमणमा चारै खेल हार्नु नामिबियाको लागि घातक बनेको थियो ।

प्लेअफमा लिग-२ का पुछारका चार टोली घरेलु टोली नामिबिया, अमेरिका, युएई, पपुवा न्युगिनीसँगै च्यालेन्ज लिग ए, बी का विजेता क्यानडा र जर्सी गरि कुल ६ टोली छन् । हरेक टोलीले एक अर्कासँग खेल्नेछन् । शीर्ष दुई टोलीले आगमी जुन जुलाईमा जिम्बावेमा हुने विश्वकप छनोटमा स्थान बनाउनेछन् ।

नामिबिया र अमेरिकाले लिग-२ बाटनै ओडिआई मान्यता जोगाई सकेका छन् । युएई र पपुवा न्युगिनीलाई ओडिआई मान्यता जोगाउन जर्सी र क्यानडालाई पछि पार्नुपर्ने हुन्छ । अन्यथा चार वर्षको लागि ओडिआई गुम्नेछ । विश्वकप छनोटमा लिग-२ का शीर्ष तीन टोली नेपाल, स्कटल्यान्ड, ओमानसँगै प्लेअफका शीर्ष दुई र सुपर लिगका पाँच टोली हुनेछन् । १० टोलीलाई दुई समूहमा विभाजन गरिनेछ ।

सुपर सिक्स हुँदै शीर्ष दुईमा रहने टोलीले मात्रै भारतमा अक्टोबर नोभेम्बरमा हुने विश्वकप खेल्न पाउनेछन् । पहिलो खेलमा नामिबिया अमेरिकासँग ८० रनले पराजित भएको थियो । अव नामिबियालाई विश्वकप छनोटमा पुग्न बाँकी सबै खेलमा जित आवश्यक पर्दछ ।

नामिबिया कप्तान जेरार्ड इरास्मसले १ सय १३ बलमा ११ चौका र ५ छक्कासहित १ सय २५ रनको कप्तानी इनिङ खेले । एक समय नामिबिया १०–२ को दयनीय अवस्थामा पुगेको थियो । आफ्नो ओडिआई करिअरको दोस्रो खेल खेलेका ओपनर निकोलस डेविनले ७९ बलमा १३ चौका र १ छक्कासहित ९० रनको एक यादगार इनिङ खेले ।

तेस्रो विकेटका लागि जेरार्ड र डेविनले १ सय ५१ रनको शतकीय साझेदारी गरेका थिए । चौथो विकेटका लागि जेरार्ड र जान निकोल लोफ्टी इआटनले १ सय ३० रनको सानदार साझेदारी गर्दै विशाल योगफलको आधार तय गरेका थिए । निकोल ५९ बलमा ६ चौका र २ छक्कासहित ६१ रनमा आउट भए ।

June 13, 2024

वर्षाका कारण क्रिकेट टोली फ्लोरिडामै रोकियो

फ्लोरिडा (हाम्रो खेलकुद)- आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि सेन्ट भिन्सेन्ट जानुपर्ने नेपाली राष्ट्रिय क्रिकेट टोली अमेरिकाको‌ फ्लोरिडाको खराब मौसमका कारण यही रोकिएको छ। फ्लोरिडाबाट नेपाली‌ टोली बुधबार साँझ सेन्ट भिन्सेन्ट जाने तालिका रहेपनि लगातारको वर्षाका कारण नेपाली‌ टोलीको‌ उडान रद्द भएको नेपाल क्रिकेट संघ (क्यान) का सदस्य तथा टोलीका […]

June 12, 2024

महिला एशिया कपको दोस्रो चरणको प्रशिक्षणमा २० खेलाडी

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि दोस्रो चरणको बन्द प्रशिक्षणमा २०-सदस्सीय टोली घोषणा गरेको छ । क्यानले इन्दु वर्माको कप्तानीमा २० जनालाई समेट्दै दोस्रो चरणका लागि बुधबार नेपाली टोली घोषणा गरेको हो । बन्द प्रशिक्षणका लागि सुरुवाती चरणमा परेका ८ खेलाडी टोलीबाट बाहिरिएका छन् । सुरुवातमा टोलीमा अटाएका […]

June 12, 2024

‘श्रीलंकाविरुद्ध खेलेर अंक जोड्न चाहन्थ्यौं’ – प्रशिक्षक देशाइ

फ्लोरिडा (हाम्रो खेलकुद) – नेपाली राष्ट्रिय क्रिकेट टोलीका मुख्य प्रशिक्षक मोन्टि देशाइले आइसीसी टि२० विश्वकप अन्तर्गत समूह चरणको दोस्रो खेलमा श्रीलंकाविरुद्ध खेलेर नै अंक जोड्न चाहेको बताएका छन् । फ्लोरिडास्थित ब्रोआर्ड काउन्टी रंगशालामा वर्षाका कारण खेल रद्द हुँदा नेपाल र श्रीलंकाले १-१ अंक बाँडे । खेलपछि पत्रकार सम्मेलनमा बोल्दै प्रशिक्षक देशाइले खेलेर नै अंक जोड्ने […]

Success

Thank you for your time.