default_image

1 year ago

April 5, 2023

युएई र अमेरिका विश्वकप छनोटमा

220 views

0 Bookmark

एजेन्सी – अमेरिका र युएई आइसिसी विश्वकप क्वालिफायर प्लेअफमा शीर्ष दुईमा रहँदै आगमी जुन जुलाईमा जिम्बावेमा हुने विश्वकप छनोटमा बनाएका छन् । ६ टोली सहभागी प्रतियोगितामा नामिबिया र क्यानडालाई पछि पार्दै युएई र अमेरिकाले विश्वकप छनोटमा स्थान पक्का गरेका छन् ।

प्रतियोगितामा अमेरिका, युएई, पपुवा न्युगिनी, जर्सी, क्यानडा र नामिबिया थिए । प्रतियोगिता अन्तिम दुई खेल अघिनै शीर्ष दुई टोलीको टुङ्गो लागेको हो । अमेरिका ५ खेलमा ४ मा जित र १ मा हारसहित ८ अंकका साथ विश्वकप छनोटमा स्थान पक्का गरेको छ । अमेरिका क्यानडासँग २६ रनले स्तब्ध भएको थियो । नामिबियालाई ८० रन, युएईलाई पाँच विकेट, पपुवा न्युगिनीलाई १ सय १७ रन र जर्सीलाई २५ रनले हराएको थियो ।

युएई ४ खेलमा ३ मा जित र १ मा हारसहित तेस्रो स्थानमा छ । युएईले बुधबार जर्सीसँग खेल्नेछ । युएई उक्त खेलमा पराजित भएपनि समान ६-६ अंक हुनेछ । हेड टु हेडमा युएई अघि हुँदा विश्वकप छनोटमा स्थान पक्का गरेको हो । युएई अमेरिकासँग ५ विकेटले पराजित भएको थियो ।

पपुवा न्युगिनीलाई २१, क्यानडालाई ६ विकेट र नामिबियालाई २८ रनले हराएको हुँदा विश्वकप छनोटमा पुगेको हो । क्यानडा र नामिबियालाई युएईले हराएको हुँदा यदि समान अंक भएमा पनि हेड टु हेडको कारण विश्वकप छनोटमा स्थान पक्का भएको हो ।

अन्तिम खेलमा जर्सीसँगको हारले युएईलाई कुनै फरक पर्ने छैन । समान अंक भएमा पहिला सर्वाधिक जित प्रतिशत हेरिन्छ । जित प्रतिशत पनि बराबर भएमा हेड टु हेड हेरिन्छ । हेड टु हेड बराबर भएपछि मात्रै नेटरनरेट हेर्ने गरिन्छ । हेड टु हेडमा अघि हुँदा युएई एक खेल अगावै विश्वकप छनोटमा पुगेको हो ।

नामिबिया ५ खेलमा ३ मा जित र २ मा हारसहित ६ अंकका साथ दोस्रो स्थानमा छ । युएई र अमेरिकासँगको हार नामिबियालाई भारी पर्यो । क्यानडा ४ खेलमा २ मा जित र २ मा हारसहित ४ अंकका साथ चौथो स्थानमा छ ।

पपुवा न्युगिनी ४ खेलमा जित विहीन हुँदै पुछारमा रहेर विश्वकप छनोट र ओडिआई मान्यता दुबै गुमाएको छ । जर्सी ४ खेलमा १ मा जित र ३ मा हारसहित पाँचौं स्थानमा छ । विश्वकप छनोटमा लिग-२ मा शीर्ष तीन टोली नेपाल, ओमान र स्कटल्यान्डसँगै सुपर लिगका पुछारका पाँच र प्लेअफका शीर्ष दुई टोली गरि कुल १० टोली हुनेछन् ।

सुपर लिगबाट नेदरल्यान्ड्स, श्रीलंका, वेस्टइन्डिज र जिम्बावेले विश्वकप छनोट खेल्ने पक्का भएको छ । आयरल्यान्ड र दक्षिण अफ्रिका मध्य एक टोली विश्वकप छनोट खेल्नुपर्ने हुन्छ । आयरल्यान्डले छनोट खेल्ने उच्च सम्भावना छ । विश्वकप छनोटमा १० टोलीलाई दुई समूहमा विभाजन गरिनेछ । सुपर सिक्स हुँदै शीर्ष दुई टोलीले आगमी अक्टोबर नोभेम्बरमा भारतमा हुने विश्वकप खेल्न पाउनेछन् ।

July 12, 2024

क्रिकेटर आसिफ इलाइट मुभर्सको ब्रान्ड एम्बासडर

काठमाडौं (हाम्रो खेलकुद)- नेपाली क्रिकेट टोलीका विकेटकिपर तथा ओपनर ब्याटर आसिफ सेख इलाइट मुभर्स एजुकेसन कन्सल्टेन्सीको ब्राण्ड एम्बासडरमा अनुबन्धित भएका छन्। इलाइटले शुक्रबार पत्रकार सम्मेलन आयोजना गर्दै आसिफसँग आफ्नो सद्भावना दुतको रुपमा सम्झौता गरेको हो । आसिफले इलाइटको ब्रान्ड एम्बासडर बनेकोमा खुसी व्यक्त गरे। उनले खेलाडीको मनोबल बढाउनको लागि इलाइटले चालेको कदम प्रति आभारी रहेको […]

July 12, 2024

एन्डरसनको अन्तिम टेस्टमा इङ्ल्यान्डको जित

एजेन्सी – टेस्ट क्रिकेटमा सर्वाधिक विकेट लिने तेस्रा बलर जेम्स एन्डरसनको बिदाइ खेलका रुपमा रहेको वेस्ट इन्डिज विरुद्धको टेस्ट इङ्ल्यान्डले एक इनिङ १ सय १४ रनको जित निकालेको छ । दोस्रो इनिङमा वेस्ट इण्डिज १ सय ३६ रनमा अल आउट भएपछि इल्यान्डले शुक्रबार फराकिलो जित हासिल गरेको थियो। पहिलो इनिङमा वेस्ट इन्डिजले १ सय २१ […]

July 10, 2024

दोस्रो अभ्यास खेलमा पनि नेपाली टोली पराजित

काठमाडौं (हाम्रो खेलकुद) – एसिसि महिला एशिया कपका लागि श्रीलंका पुगेको नेपाली राष्ट्रिय महिला क्रिकेट टोली दोस्रो अभ्यास खेलमा पनि पराजित भएको छ । बुधवार भएको खेलमा नेपाल श्रीलंका बोर्ड महिला विकास टोली विरुद्ध ४ विकेटले पराजित भएको हो । नेपालले दिएको १०७ रनको लक्ष्य घरेलु टोलीले १ बल बाँकी छँदा ६ विकेट गुमाएर भेटायो […]

Success

Thank you for your time.