1 year ago
April 7, 2023
एजेन्सी – इन्डियन प्रिमियर लिग (आइपिएल) २०२३ को १० औं खेलमा आज सनराइजर्स हैदराबाद र लखनऊ सुपर जायन्ट्सबीच प्रतिस्पर्धा हुँदैछ । खेल नेपाली समय अनुसार साँझ ७ : ४५ मा लखनऊमा सुरुहुनेछ।
लखनउले पहिलो खेलमा दिल्ली क्यापिटल्सलाई ५० रनले पराजित गरेको थियो । तर दोस्रो खेलमा चेन्नई सुपर किंग्ससँग १२ रनले पराजित हुन पुगेको थियो । पहिलो खेलमा हैदराबाद राजस्थान रोयल्ससँग ७२ रनले पराजित भएको थियो । पहिलो खेलमा कप्तान एडेन माक्ररम टोलीमा उपलब्ध थिएनन् ।
२ सय ४ रनको विजयी लक्ष्य पछ्याएको हैदराबादले १ सय ३१ रन मात्रै बनाएको थियो । हैदराबादको कप्तान एडेन माक्ररमको आगमनले ब्याटिङ मजबुत बन्ने अनुमान गरिएको छ । माक्ररम हैदराबादका प्रमुख ब्याटर हुन् ।
भरपर्दा युवा ब्याटर माक्ररमले नेदरल्यान्ड्सविरुद्ध तेस्रो ओडिआई खेलमा यसै साता १ सय ७५ रनको सानदार इनिङ खेलेका थिए । उच्च लयमा रहेका माक्ररम हैदराबादका प्रमुख ब्याटर हुन् । उनको प्रदर्शन निकै महत्वपूर्ण हुनेछ ।
त्यस्तै फजलहक फारुकीको स्थानमा मार्को यानसन खेल्ने सम्भावना छ । यानसन तीव्र गतिसँगै तल्लोक्रममा राम्रो ब्याटिङको क्षमता राख्छन् । ग्लेन फिलिप्सको स्थानमा हेनरिक क्लासेनलाई खेलाउन सक्छ ।
हैदराबादमा मयंक अग्रवाल, ह्यारी ब्रुक र माक्ररम प्रमुख ब्याटर हुन् । यी तीन ब्याटरको प्रदर्शनले हैदराबादको योगफल निर्धारण गर्नेछ । पहिलो खेलमा चल्न नसके पनि ह्यारी ब्रुक दोस्रो खेलमा सानदार प्रदर्शन गर्नसक्छन् ।
अलराउन्डर अब्दुल सामद र अभिषेक शर्मा पनि राम्रो ब्याटिङ गर्दछन् । हैदराबादको तीव्र गतिको बलरमा टि नटराजन, उमरान मलिक, भुवनेश्वर कुमार र मार्को यानसन हुनेछन् । स्पिनरमा आदिल राशिद र वासिन्टन सुन्दर हुनेछन् ।
उता लखउनका ओपनर कायल मयर्सले सुरुवाती दुबै खेलमा आक्रामक अर्धशतक हानेका छन् । आक्रामक ब्याटिङका लागि चर्चित युवा ब्याटर मेयर्स हैदराबादका बलरलाई घातक बन्नसक्छन् । दक्षिण अफ्रिकी ओपनर क्विन्टन डि कक पनि आजको खेलमा उपलब्ध हुनेछन् । डि कक पनि राम्रो लयमा छन् ।
दुई साता अघि वेस्टइन्डिजविरुद्ध टि२० आई खेलमा २ सय ५९ रनको विशाल लक्ष्य पूरा गर्न डिककले १ सय रनको सानदार शतकीय इनिङ खेलेका थिए । डि कक र कप्तान लोकेश राहुलले ओपनिङ गर्ने सम्भावना छ । मेयर्स तेस्रो नम्बरमा खेल्न सक्छन् ।
सुरुवाती दुई खेलमा राम्रो प्रदर्शन गर्न नसकेको राहुल आफैं दबाबमा हुनेछन् । डि कक मार्कस स्टोइनिसको स्थानमा खेल्ने सम्भावना छ । मध्यक्रममा निकोलस पुरन हुनेछन् । पुरन आक्रामक लयमा देखिएका छन् । युवा ब्याटर आयुष बदोनी फिनिसरको रुपमा खेल्नेछन् ।
तीव्र गतिका बलर मार्क वुड प्रमुख बलर हुन् । पहिलो खेलमा दिल्लीसँग पाँच र चेन्नईसँग तीन विकेट लिएका वुडबाट लखनऊ उत्कृष्ट प्रदर्शन चाहन्छ । स्पिनर रवि विश्रोईले पनि राम्रो प्रदर्शन गर्दै आएका छन् ।
हेड टु हेड :
आइपिएलमा हैदराबाद र लखनऊबीच एक खेल भएको छ । जसमा लखऊ १२ रनले विजयी भएको थियो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]