काठमाडौं (हाम्रो खेलकुद) – नेपालले एसिसी प्रिमियर कपको पहिलो सेमिफाइनलमा कुवेतविरुद्ध टोलीमा एक परिवर्तन गरेको छ । टियु क्रिकेट मैदानमा भएको टसमा कुवेतका कप्तान मोहम्मद अस्लामले टस जितेर पहिला फिल्डिङ गर्ने निर्णय लिएका छन् । नेपालले केहि समयमा ब्याटिङ थाल्नेछ ।

नेपालले कतारको प्लेइङ–११ बाट नेपालले टोलीमा एक परिवर्तन गरेको छ । नेपालले गुलशन झाको स्थानमा करण केसीलाई मौका लिएकोछ । कतारमा बायाँ हाते बलरको बाहुल्यता हुँदा गुलशनलाई खेलाएको थियो । गुलशनको बलिङ भने राम्रो हुन सकेको थिए । गुलशनले कतारविरुद्ध ३ ओभरमा १७ रन खर्चिदा विकेट विहीन बनेका थिए ।

बलिङ मजबुत बनाउन गुलशनको स्थानमा करणलाई मौका दिएको हो । टोलीमा अन्य परिवर्तन गरेको छैन । नेपालको बेन्चमा ज्ञानेन्द्र मल्ल, प्रतिश जि.सी र गुलशन झा छन् । कुवेतले भने टोलीमा कुनै परिवर्तन गरेको छैन । हङकङलाई मुलपानीमा हराउँदाको टोलीलाई नै निरन्तरता दिएको छ ।

नेपालको प्लेइङ-११ :

रोहित पौडेल (कप्तान), कुशल भुर्तेल, आसिफ शेख, कुशल मल्ल, आरिफ शेख, सोमपाल कामी, दीपेन्द्रसिंह ऐरी, करण केसी, सन्दीप लामिछाने, भीम सार्की र ललित राजवंशी ।

कुवेतको प्लेइङ ११ :

मोहम्मद अस्लाम (कप्तान), आदनान इद्रिस, सैयद मोनिब, उस्मान पटेल, बिलाल ताहिर र रजिवा संदरुवान, मित भावसार, शिराज खान, परविन्दर कुमार, यसिन इशक पटेल र शाहरुख कुद्दुस ।