2 years ago
May 8, 2023
काठमाडौं (हाम्रो खेलकुद) – नेपाली राष्ट्रिय क्रिकेट टोलीका स्पिनर सन्दीप लामिछानेको सामान्य शल्यक्रिया सम्पन्न भएको छ । लामो समयदेखि दुख दिइरहेको छालाको सामान्य समस्या नेपाल नेशनल हस्पिटलमा शल्यक्रिया गरेर हटाइएको हो ।
क्रिकेट टोलीसँग पछिल्लो समय डाक्टरको भूमिकामा काम गरिरहेका डाक्टर अभिषेक राज सिंहले योजना अनुसार नै सन्दीपको शल्यक्रिया गरिएको जानकारी दिए । ‘हामीले योजना अनुसार नै शल्यक्रिया गरेका हौं । सामान्य समस्या भएकाले खेल नभएको समयमा गर्नुपर्ने थियो । अहिले विश्राम रहेकाले शल्यक्रिया गरेका हौं । भोली नै डिस्चार्ज गर्ने कार्यक्रम छ,’ सिंहले जानकारी दिए ।
सन्दीप यसै महिना सम्पन्न एसीसी प्रिमियर कपको सर्वोत्कृष्ट खेलाडी घोषित भएका थिए । नेपालले प्रतियोगिताको उपाधि जित्दै एसिया कपमा छनोट हुँदा सन्दीपले उत्कृष्ट प्रदर्शन गरे । विशेषगरी समूह चरणमा कतारविरुद्ध सन्दीपको अलराउन्ड प्रदर्शन उत्कृष्ट थियो । ब्याटिङ र बलिङ दुवैमा चम्किएका सन्दीपले नेपालको अपराजित यात्रा कायम राखेका थिए ।
बलात्कार आरोपका कारण हिरासतमा बस्नुपर्दा केहि समय मैदानबाहिर रहेका सन्दीपले पुनरागमन गरेसँगै उच्च प्रदर्शन गरिरहेका छन् । उनको मुद्दामा भने लगातार पेशी सरिरहेका कारण अन्तिम फैसला आउन सकेको छैन ।
July 15, 2025
काठमाडौं (हाम्रो खेलकुद) – सप्तरीको राजविराजमा जारी सातौँ संस्करणको मेयर कप सप्तरी प्राइड लिग (एसपिएल) को सेमीफाइनल समीकरण पुरा भएको छ। मंगलबार सेमिफाइनल पुग्ने दुई टोली तय भएसँगै प्रतियोगिताको सेमिफाइनल पुग्ने चार टोलीको टुंगो लागेको हो । आजको खेल जित्दै कन्चनरुप राइनोज समुह ‘ए’ को तथा खडक वारियर्स समुह ‘बि’ को उपविजेताको रुपमा सेमीफाइनल प्रवेश […]
July 15, 2025
एजेन्सी – दक्षिण अफ्रिकाले घरेलु टोली जिम्बाब्वेलाई त्रिकोणात्मक टि ट्वान्टी आई सिरिजको पहिलो खेलमा पराजित गरेको छ । जिम्बाब्वेको हारारे स्पोर्टस क्लबमा सोमवार भएको खेलमा दक्षिण अफ्रिका ५ विकेटले विजयी भयो । सिरिजमा न्युजिल्याण्ड पनि सहभागी छ । १ सय ४२ रनको लक्ष्य दक्षिण अफ्रिकाले १५.५ ओभरमा ५ विकेट गुमाएर पूरा गर्यो । दक्षिण अफ्रिकाको […]
July 15, 2025
एजेन्सी – पाहुना टोली अस्ट्रेलियाले वेस्ट इण्डिजविरुद्धको ३ टेस्टको सिरिजमा क्लिन स्विप गरेको छ । तेस्रो टेस्ट मंगलवार सहजै जितेपछि अस्ट्रेलियाले सिरिज ३-० ले जितेको हो । २ सय ४ रनको लक्ष्य पछ्याएको घरेलु टोली मात्र २७ रनमा अल आउट भयो । जस्टिन ग्रेभ्स सर्वाधिक ११ रनमा आउट भए । ७ ब्याटर रनको खाता नखोल्दै […]