काठमाडौं (हाम्रो खेलकुद) – नेपालले एसिसी एसिसी महिला इमर्जिङ टिम्स टि२० एसिय कपमा पाकिस्तान एविरुद्ध टस जितेर पहिला फिल्डिङ गर्ने निर्णय लिएको छ । हङकङको मोंग कोकमा रहेको टिंग ग्राउन्डमा नेपाली कप्तान रुविनाले टस जितेर पहिला फिल्डिङ गर्ने निर्णय लिएकी हुन् ।

नेपालको कप्तानी रुविना क्षेत्री बेलबासे र पाकिस्तानको फतिमा सानाले गनेछिन् । भिसाको कारण थाईल्यान्डले सहभागीता जनाउन नपाउने भएपछि नेपालले यस प्रतियोगिता खेल्न लागेको हो ।

बलियो टोली पाकिस्तानविरुद्ध नेपाल आफ्नो उत्कृष्ट क्रिकेट खेल्ने सोचमा हुनेछन् । दुई साता अघि नेपालले मलेसियासँग पाँच खेलको सिरिज ३-२ ले जितेको थियो ।

उता पाकिस्तानकी सुपर स्टार फतिमा साना प्रमुख हतियार हुन् । उनले पाकिस्तानको सिनियर टोलीबाट महिला २४ टि२० आई र ३१ डब्लू ओडिआई खेल खेलेकी छिन् । उनले तल्लोक्रममा राम्रो प्रदर्शन गर्नसक्छिन् । नेपालले बिहीबार भारत र शनिबार घरेलु टोली हङकङसँग खेल्नेछ ।

नेपालको प्लेइङ ११ :

रुविना क्षेत्री, सीता राना मगर, इन्दु बर्मा, कविता कुँवर, कविता जोशी, अश्मिना कर्माचार्य, कृतिका मरासिनी, विन्दु रावल, अप्सरी बेगम, सम्झना खड्का र ज्योति पाण्डे ।