default_image

9 months ago

August 24, 2023

नाटकीय अन्तिम ओभरमा पाकिस्तानको रोमान्चक जित

10296 views

0 Bookmark

एजेन्सी – नाटकीय अन्तिम ओभरमा पाकिस्तानले दोस्रो ओडिआई खेलमा अफगानिस्तानलाई एक विकेटले हराएको छ । योसँगै पाकिस्तानले तीन खेलको सिरिज एक खेल अगावै जितेको छ ।

जितको लागि ३ सय १ रनको बलियो विजयी लक्ष्य पछ्याएको पाकिस्तानले ४९.५ ओभरमा ९ विकेट गुमाउँदै पूरा गर्यो । पाकिस्तानका ओपनर इमाम उल हकले १ सय ४ बलमा ४ चौकासहित सर्वाधिक ९१ रन बनाए । पाकिस्तानको जितमा नसिम शाह ५ बलमा २ चौकासहित १० रनमा अविजित रहे ।

पाकिस्तानलाई अन्तिम १२ बलमा जितको लागि २७ रन चाहिँदा हातमा दुई विकेट बाँकी थियो । शादब खानले तीव्र गतिका बलर अब्दुल रहमानलाई अन्तिम दुई बलमा चौका र छक्कासहित कुल १६ रन प्रहार गरेपछि खेल रोचक बनेको थियो । अन्तिम ६ बलमा जितको लागि ११ रन चाहिँएको थियो ।

तर अन्तिम ओभरको पहिलो बलमा फजलहक फारुकीले खेल भावना विपरित शादब खानलाई नन स्ट्राइकरमा रन आउट गरेका थिए । नन स्ट्राइकबाट रन कुद्न थोरै अघि बढेको अवस्थामा फारुकीले बल रोक्दै रन आउट गरेका थिए ।

नसिम शाहले पहिलो बलमा चौका प्रहार गरेका थिए । दोस्रो बल डट हुँदा तेस्रो बलमा एक रन बटुले । चौथो बलमा हरिस रौफले तीन रन जोडेपछि बाँकी दुई बलमा जितको लागि तीन रन चाहिँएको थियो ।

पाँचौं बलमा नसिम शाहले फारुकीलाई थर्डम्यानमा चौका प्रहार गर्दै पाकिस्तानलाई रोमान्चक जित दिलाए । विकेटकिपर र प्वाइन्टको वीचमा एज लागेर चौका गएको थियो । नाटकीय अन्तिम ओभरमा पाकिस्तानले जित हात पारेको हो ।

शादब खानले ३५ बलमा ३ चौका र १ छक्कासहित ४८ रन बनाए । पाकिस्तानलाई ओपनर फखार जमान र इमाम उल हकले पहिलो विकेटका लागि ९ ओभरमा ५२ रनको साझेदारी गरेका थिए । तीव्र गतिका बलर फजलहक फारुकीले जमानलाई ३० बलमा बोल्ड आउट गरेका थिए । उनले ३४ बलमा ५ चौका प्रहार गरे ।

दोस्रो विकेटका लागि बाबर आजम र इमाम उल हकले १ सय १८ रनको शतकीय साझेदारीका साथ सहज जितको सम्भावना देखाएका थिए । बाबर आउट हुनुअघि पाकिस्तान ३०.३ ओभरमा १७०-१ को अवस्थामा थियो । बाबर फारुकीको बलमा शाहिलीबाट क्याच आउट हुँदै ६६ बलमा ६ चौकासहित ५३ रनमा आउट भए ।

तर मध्यक्रम पाकिस्तानको पुन चल्न सकेन । मोहम्मद रिजवान २ रनमा रन आउट भए । अघा सलमान १४ र उस्मा मिर शून्यमा एकै ओभरमा नाबीको बलमा आउट भएपछि पाकिस्तान दबाबमा परेको थियो । इफ्तिखर अहमद २४ बलमा १ चौकासहित १४ रनमा क्याच आउट भए ।

अफगानिस्तानका फजलहक फारुकीले ९.५ ओभरमा ६९ रन खर्चेर ३ विकेट लिए । मोहम्मद नाबीले १० ओभरमा ४६ रन खर्चेर २ विकेट लिए । मुजिब उर रहमान र अब्दुल रहमानले समान एक विकेट लिए ।

त्यसअघि श्रीलंकाको हम्बान्टोतामा टस जितेर पहिला ब्याटिङ रोजेको अफगानिस्तानले निर्धारित ५० ओभरमा ५ विकेट गुमाउँदै ३ सय रन बनाएको थियो ।

अफगानिस्तानका ओपनर तथा विकेटकिपर रहमानउल्लाह गुरबाजले १ सय ५१ बलमा १४ चौका र ३ छक्कासहित सर्वाधिक १ सय ५१ रनको शतकीय इनिङ खेलेपनि जितको लागि पर्याप्त हुन सकेन । यो उनको ओडिआइ करिअरको पाँचौ र उत्कृष्ट प्रदर्शन हो ।

यसअघि उनको ओडिआईमा उच्च प्रदर्शन गत जुलाईमा बंगलादेशविरुद्ध १ सय ४५ रन थियो । पहिलो विकेटका लागी रहमानउल्लाह गुरबाज र इब्राहिम जद्रानले ३९.५ ओभरमा २ सय २७ रनको दोहोरो शतकीय साझेदारी गरेका थिए ।

इब्राहिम जद्रान १ सय १ बलमा ६ चौका र २ छक्कासहित ८० रनमा आउट भएका थिए । मोहम्मद नाबी २९, राशिद खान २, शाहिदुल्लाह १ र कप्तान हश्मातुल्लाह शाहिदी १५ बनाए ।

पाकिस्तानको जितमा शाहिन शाह अफ्रिदीले १० ओभरमा ५८ रन खर्चेर २ विकेट लिए । नसिम शाह र उस्मा मिरले एक एक विकेट लिए । पहिलो खेलमा पाकिस्तान १ सय ४२ रनले विजयी भएको थियो । पहिलो खेलमा पाकिस्तानले अफगानिस्तानलाई ५९ रनमा अल आउट गरेको थियो । तेस्रो तथा अन्तिम खेल आइतबार हुनेछ ।

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

May 26, 2024

ह्युस्टनसँग चलेन नेपालको ब्याटिङ

ह्युस्टन (हाम्रो खेलकुद)- नेपाली क्रिकेट टोलीले दोस्रो टि ट्वान्टी अभ्यास खेलमा ह्युस्टन हरिकेन्सलाई १ सय २४ रनको मध्यम लक्ष्य दिएको छ । प्रेरी भ्यू कम्प्लेक्स ह्युस्टनमा टस जितेर पहिला ब्याटिङ रोजेको नेपालले २० ओभरमा ६ विकेट गुमाउँदै १ सय २३ रन बनाएको थियो । नेपालका कप्तान रोहित पौडेलले ४० बलमा १ चौकासहित सर्वाधिक ३७ रन […]

Success

Thank you for your time.