default_image

10 months ago

September 1, 2023

नेपालले आज बहराइनसँग खेल्दै

1794 views

0 Bookmark

काठमाडौं (हाम्रो खेलकुद) – नेपालले आइसिसी महिला टि२० विश्वकप एसिया क्षेत्र छनोटमा आज बहराइनसँग खेल्दैछ । खेल नेपाली समय अनुसार बिहान ११ : १५ मा क्वालालाम्पुरमा सुरु हुनेछ । नेपाल लगातार दोस्रो जित हात पार्न चाहन्छ । पहिलो खेलमा नेपालल घरेलु टोली मलेसियालाई पाँच रनले पराजित गरेको थियो ।

ब्याटिङ नेपालको सबैभन्दा बढी चिन्ताको विषय हो । मलेसियाविरुद्ध सुरुवाती तीन बलमा तीन विकेट गुमाएको अवस्थामा सीता रानामगरले जिम्मेवारी ३८ रनको इनिङ खेल्दै जितको आधार बनाएकी थिइन् । सीता, इन्दु बर्मा र रुविना क्षेत्री नेपालका प्रमुख ब्याटर हुन् । यी तीन खेलाडीले जिम्मेवारी प्रदर्शन गर्न आवश्यक छ ।

नेपालले ओपनर काजोल श्रेष्ठको स्थानमा रुवि पोदारलाई डेब्यू दिनसक्छ । काजोलले लगातार कमजोर प्रदर्शन गर्दै आएकी छिन् । पुजा महतोको स्थानमा विन्दु रावललाई खेलाउन सक्छ । अश्मिना कर्माचार्य र कविता कुँवर नेपालका प्रमुख बलर हुन् । यी दुई बलरबाट नेपाल उत्कृष्ट प्रदर्शन चाहन्छ । स्पिनर खुशी डंगोलले पनि राम्रो प्रभाव छाड्दै आएकी छिन् ।

नेपालले गत जनुमा बहराइनलाई ८ विकेटले हराएको थियो । वर्षाको कारण प्रभावित खेलमा बहराइनले ७ ओभरमा ६ विकेट गुमाउँदै १४ रन बनाएको थियो । उक्त लक्ष्य नेपालले ३.४ ओभरमै पूरा गरेको थियो । तुलनात्मक रुपमा कमजोर बहराइनमाथि सहज जितको आशा गरिएको छ ।

नेपालले आइतबार भुटान, मंगलबार कतार र बुधबार युएईसँग खेल्नेछ । समूह बी मा चीन, हङकङ, कुवेत, म्यानमार र थाईल्यान्ड छन् । शीर्ष दुई टोली सेमिफाइनल खेल्नेछन् । फाइनल पुग्ने दुई टोलीले २०२४ मा ग्लोबल महिला टि२० विश्वकप खेल्न पाउनेछन् ।

June 16, 2024

अष्ट्रेलियाको जितसँगै इङ्ल्यान्ड सुपर ‘एट’मा

एजेन्सी – अष्ट्रेलियाले स्कटल्यान्डलाई हराएपछि इङ्ल्यान्ड आइसिसी टि-२० विश्वकपको सुपर ‘एट’ मा प्रवेश गरेको छ । आइतबार बिहान भएको खेलमा अष्ट्रेलियाले स्कटल्यान्ड माथि ५ विकेटको जित निकालेपछि इङ्ल्यान्ड नेट रन रेटका आधारमा स्कटल्यान्ड भन्दा अगाडि रहँदै अन्तिम आठमा पुग्ने पक्का भएको हो । गएराति अर्को खेलमा इङ्ल्यान्डले डकवर्थ लुइसका आधारमा नामिबियालाई ४१ रनले पराजित गरेको […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.