2 years ago
September 25, 2023
काठमाडौं (हाम्रो खेलकुद) – घरेलु टोली नेपालले साफ यू१९ च्याम्पियनसिपको सेमिफाइनलमा भारतसँग भिड्ने भएको छ । भारतले समूह बी को अन्तिम खेलमा भुटानलाई २-१ ले हराउँदै सेमिफाइनलमा नेपालसँगको भेट पक्का गरेको छ ।
भारत २ खेलमा अपराजित रहँदै ६ अंकका साथ शीर्ष स्थानम रहँदै समूह बी को विजेता बन्यो । भुटान २ खेलमा ३ अंकका साथ समूह बी को उपविजेता बन्यो । समूह ए मा पाकिस्तान २ खेलमा ४ अंकका साथ समूह विजेता बनेको थियो । नेपाल २ खेलमा ३ अंकका साथ उपविजेता बनेको थियो ।
नेपाल र भारतबीचको सेमिफाइनल खेल बुधबार दिउँसो ५ : ३० मा दथरथ रंगशालामा सुरु हुनेछ । पहिलो सेमिफाइनल खेलमा सोही दिन दिउँसो १ : ३० मा भुटान र पाकिस्तानबीच प्रतिस्पर्धा हुनेछ ।
नेपाल पहिलो खेलमा पाकिस्तानसँग १-० ले पराजित भएको थियो । माल्दिभ्सलाई ४-१ ले हराउँदै सेमिफाइनलमा स्थान बनाएको थियो । उता भारतले पहिलो खेलमा बंगलादेशलाई ३-० ले हराएको थियो ।
समूह ए बाट माल्दिभ्स १ अंक र समूह बी बाट बंगलादेश अंक बिहीन हुँदै समूह चरणबाटै बाहिरिए । फाइनल शनिबार हुनेछ ।
May 20, 2025
काठमाडौं (हाम्रो खेलकुद)- थाइल्याण्डले आइसिसी महिला टि२० विश्वकप एसिया छनोटको उपाधि जितेको छ। नेपाललाई आज ७८ रनको फराकिलो अन्तरले हराउँदै आयोजक थाइल्याण्ड च्याम्पियन बनेको हो। ग्लोबल क्वालिफायरमा नेपाल र थाइल्याण्ड दुवै छनोट भैसकेका छन्। टेडथाइई क्रिकेट मैदानमा १ सय ५९ रनको विशाल लक्ष्य पछाएको नेपाल २० ओभरमा ९ विकेट गुमाउँदै मात्र ८० रनमा समेटियो। नेपालले […]
May 20, 2025
काठमाडौं (हाम्रो खेलकुद) – आइसीसी महिला टि२० विश्वकपको एसिया क्षेत्र छनोटको उपाधि जित्न नेपाललाई थाइल्याण्डले १ सय ५९ रनको बलियो लक्ष्य प्रस्तुत गरेको छ । नेपालले टस जितेर पहिलो फिल्ड गर्ने निर्णय लिएपनि थाइल्याण्डलाई रोक्न सकेन । ओपनर नाताया बुचाथाम र नानापात कोन्चरोएन्काइले अर्धशतक प्रहार गरेपछि थाइल्याण्डले २० ओभरमा २ विकेट गुमाउँदै १ सय ५८ […]
May 20, 2025
काठमाडौं (हाम्रो खेलकुद) – आइसीसी महिला टि२० विश्वकप एसिया क्षेत्र छनोट अन्तर्गत सुपर थ्री को अन्तिम खेलमा नेपालले थाइल्याण्डविरुद्ध टस जितेर पहिलो फिल्डीङ गर्ने निर्णय लिएको छ । प्रतियोगिताको उपाधि जित्न नेपालले यो खेल जित्नुपर्ने हुन्छ । नेपाल र थाइल्याण्ड दुवै सुपर थ्री को शीर्ष दुईमा रहेर विश्वकपको ग्लोबल छनोटमा भने अघि बढिसकेका छन् । […]
