default_image

9 months ago

September 30, 2023

नेपालले दोस्रो रोजाईको माल्दिभ्ससँग खेल्दै

1946 views

0 Bookmark

हाङ्गचौं (हाम्रो खेलकुद) – नेपालले १९ औं एसियाली खेलकुद (एसियाड) अन्तर्गत क्रिकेट प्रतियोगितामा आइतबार माल्दिभ्ससँग खेल्दैछ । खेल नेपाली समय अनुसार आइतबार बिहान ६ : ४५ मा सुरु हुनेछ । नेपाल माल्दिभ्समाथि सहज जितका साथ क्वाटरफाइनलमा स्थान पक्का गराउन चाहन्छ ।

उता माल्दिभ्सले पहिलो खेलमा मंगोलियालाई ९ विकेटले हराएको थियो । मंगोलियाले दिएको ६१ रनको विजयी लक्ष्य माल्दिभ्सले ६.४ ओभरमै १ विकेटको क्षतिमा पूरा गरेको थियो । नेपालले भने मंगोसियाविरुद्ध ३ सय १४ रन बनाएको थियो । २ सय ७३ रनको जित हात पारेको थियो ।

नेपालको जितमा–११ विश्व कीर्तिमान बनेका थिए । टि२० आई इतिहासमा ३ सय रन बनाउने नेपाल पहिलो टोली बनेको थियो ।
माल्दिभ्सको पहिलो रोजाईको टोली भने एसियाडमा आएको छैन ।

माल्दिभ्सको पहिलो रोजाईको टोलीले भोली नै आइसिसी टि२० विश्वकप एसिया रिजनल क्वालिफायर ए मा घरेलु टोली कतारसँग खेल्दैछ । क्वालिफायरमा साउदी अरेबिया, कतार, माल्दिभ्स र कुवेत छन् । विजेता टोली नेपाल टि२० विश्वकप एसिया क्षेत्र छनोट खेल्न आउनेछ ।

क्वालिफायरलाई ध्यानम राख्दै एसियाडमा दोस्रो रोजाईको टोली पठाएको छ । त्यसैले पहिला ब्याटिङ गरेको खण्डमा नेपालले रनको वर्षा र विश्वकीर्तिमान पुन बनाउन सक्छ । माल्दिभ्सको टोलीमा अधिकाम्स खेलाडी पहिलो पटक परेका छन् । कप्तान हसन हजिक राशिदले १९ टि२० आई खेलेका छन् । उनको प्रदर्शन महत्वपूर्ण हुनेछ ।

नयाँ खेलाडी हुँदा नेपाललाई सुरुवातमा बुझ्न केहि कठिन पर्न सक्छ । तर मंगोलिया जस्तो कमजोर भने छैन । नेपाललाई राम्रो चुनौती दिनसक्छ । यता नेपालले पहिलो खेलमा ५० बलमा १ सय ३७ रनको इनिङ खेलेका कुशल मल्ललाई विश्राम दिनसक्छ । कुशलले टि२० आई इतिहासकै सर्वाधिक छिटो ३४ बलमा शतक हानेका थिए । ९ बलमै अर्धशतक हानेका दीपेन्द्र सिंह ऐरीलाई पनि विश्राम दिनसक्छ ।

नेपालले यी दुई ब्याटरको स्थानमा विनोद भण्डारी र विवेक यादवलाई मौका दिनसक्छ । टि२० विशेष खेलाडी विवेक र विनोदको प्रदर्शन नेपाल हेर्न चाहन्छ । अर्को महिना विश्वकप एसिया क्षेत्र छनोट हुँदा नेपाल आफ्ना सबै खेलाडीलाई एसियाडमा विशेषगरी कमजोर टोलीविरुद्ध मौका दिने राम्रो रणनीति हुनसक्छ ।

गुलशन झाको स्थानमा प्रतिश जि.सीलाई मौका दिनसक्छ । सन्दीपको स्थानमा सागर ढकाललाई मौका दिने सोच्न सक्छ । क्वाटरफाइनल अनौपचारिकता मात्रै बाँकी देखिन्छ ।

त्यसैले बेन्चका खेलाडीलाई मौकादिनसक्छ । क्वाटरफाइनलमा नेपालले भारत, पाकिस्तान, बंगलादेश, अफगानिस्तान र श्रीलंका मध्य एक टोलीसँग खेल्नेछ । टेस्ट टोलीविरुद्ध खेल्नुअघि नेपाल आफ्नो सबै विकल्प हेर्न सक्छ ।

नेपालले पहिला ब्याटिङ गर्दा रनको वर्षा नै गराउने हुनेछ । पहिला बलिङ गर्दा जतिसक्यो छिटो र कम रनमा रोक्ने हुनेछ । नेपालले सम्भव त टस जितेको खण्डमा बलिङ रोज्ने निर्णय लिनसक्छ ।

विश्व वरियतामा टि२० आईमा माल्दिभ्स ७८ औं र नेपाल १६ औं स्थानमा छ । त्यसमा पनि माल्दिभ्सको दोस्रो रोजाईको टोली छ । माल्दिभ्स र नेपालबीच हालसम्म दुई टि२० आई खेल भएको छ । २०१९ को १३ औं एसियाली खेलकुदमा टियु क्रिकेट मैदानमा माल्दिभ्स नेपालसँग ५ विकेट र ८४ रनले पराजित भएको थियो ।

यो पनि : एकै खेलमा नेपालका १० दुर्लभ विश्व कीर्तिमान

कीर्तिमानले छायाँमा परेको पक्ष – मंगोलियाले जोडेकोभन्दा नेपालले दिएको एक्स्ट्रा बढी

शक्तिका दुई विश्व कीर्तिमानी चेला

June 12, 2024

महिला एशिया कपको दोस्रो चरणको प्रशिक्षणमा २० खेलाडी

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि दोस्रो चरणको बन्द प्रशिक्षणमा २०-सदस्सीय टोली घोषणा गरेको छ । क्यानले इन्दु वर्माको कप्तानीमा २० जनालाई समेट्दै दोस्रो चरणका लागि बुधबार नेपाली टोली घोषणा गरेको हो । बन्द प्रशिक्षणका लागि सुरुवाती चरणमा परेका ८ खेलाडी टोलीबाट बाहिरिएका छन् । सुरुवातमा टोलीमा अटाएका […]

June 12, 2024

‘श्रीलंकाविरुद्ध खेलेर अंक जोड्न चाहन्थ्यौं’ – प्रशिक्षक देशाइ

फ्लोरिडा (हाम्रो खेलकुद) – नेपाली राष्ट्रिय क्रिकेट टोलीका मुख्य प्रशिक्षक मोन्टि देशाइले आइसीसी टि२० विश्वकप अन्तर्गत समूह चरणको दोस्रो खेलमा श्रीलंकाविरुद्ध खेलेर नै अंक जोड्न चाहेको बताएका छन् । फ्लोरिडास्थित ब्रोआर्ड काउन्टी रंगशालामा वर्षाका कारण खेल रद्द हुँदा नेपाल र श्रीलंकाले १-१ अंक बाँडे । खेलपछि पत्रकार सम्मेलनमा बोल्दै प्रशिक्षक देशाइले खेलेर नै अंक जोड्ने […]

June 12, 2024

अष्ट्रेलिया सुपर ८ मा प्रवेश

एजेन्सी – उपाधि दावेदार अष्ट्रेलिया आइसीसी टि२० विश्वकपमा लगातार तेस्रो जित दर्ता गर्दै सुपर ८ मा प्रवेश गरेको छ । मंगलबार भएको खेलमा नामिबियामाथि ९ विकेटको एकपक्षीय जित निकाल्दै अष्ट्रेलिया अघिल्लो चरणमा प्रवेश गरेको हो । नामिबियाले प्रस्तुत गरेको ७३ रनको सामान्य लक्ष्य अष्ट्रेलियाले छैटौं ओभरमा पूरा गर्यो । अष्ट्रेलियाका लागि ओपनर डेविड वार्नरले ८ […]

Success

Thank you for your time.