2 years ago
December 5, 2023
काठमाडौं (हाम्रो खेलकुद) – नेपाली युवा कप्तान देव खनालले एसिसी यू१९ एसिया कपमा नेपालको मुख्य लक्ष्य टेस्ट टोलीलाई हराउँदै सेमिफाइनलमा पुग्ने बताएका छन् । सोमबार अन्तिम तयारीको क्रममा देवले उक्त प्रतिक्रिया दिएका हुन् ।
नेपाली क्रिकेट टोलीलाई क्यानले आज एक कार्यक्रमकाबीच बिदाई गर्नेछ । टोली बुधबार युएई जानेछ । देवले तयारी राम्रो भएको बताएका छन् ।
‘समग्रमा सबै तयारी राम्रो भयो । सिनियर दाइहरुसँग केपी ओली कप खेल्न जानु अघि चार पाँच वटा अभ्यास खेल खेल्यौं । हामीले टियु र मुलपानीमा आफैंमा फरक पिचमा खेल पनि खेल्यौं’, तयारी बारे देवले भने ।
यस पटक यू१९ टोलीका सिनियर टोलीका अलराउन्डर गुलशन झा आएका छन् । गुलशनको आगमनले टोली सन्तुलित भएको उनी बताउँछन् ।
‘गुलशन आएपछि मिडिल अडरमा ब्याटिङ र बलिङ दुबै विकल्प दिएकोछ । नयाँ बल र डेथ ओभरमा सबै बलिङ गर्छ । गुलशनले भारत र पाकिस्तानको सिनियर टोलीविरुद्ध खेली सकेको छ । उसलाई त्यो नर्भस कन्ट्रोल गर्न आउँछ जस्तो लाग्छ मलाई । उसको आगमनले टिम एकदमै सन्तुलित भएको छ’, उनले गुलशन बारे भने।
देवले २०२१ मा पनि यू१९ एसिया कपमा नेपालको कप्तानी गरेका थिए । तर त्यस बेला नेपालको समूहमा कुुवेत, श्रीलंका र बंगलादेश थिए । त्यसैले देवले पहिलो पटक भारत र पाकिस्तानसँग खेल्ने अवसर पाउनेछन् । उक्त चुनौतीको लागि तयार भएको बताउँछन् ।
‘म पहिलो पटक भारत, पाकिस्तान र अफगानिस्तानसँग खेल्दैछु । त्यसैले ती चुनौतीको लागि उत्साहित छु । पहिला पाकिस्तानसँग खेल छ । एक एक खेल गरेर हेर्ने छौं । हामी राम्रो क्रिकेट खेलेर फर्किन्छौं’, उनले भने ।
कप्तान देवले नेपालको मुख्य लक्ष्य टेस्ट टोलीलाई हराउने बताएका छन् । ‘हाम्रो मुख्य लक्ष्य टेस्ट टोलीलाई हराउनेछ । सकेसम्म सेमिफाइनल खेल्ने हुनेछ’, उनले भने ।
देव नेपाली यू१९ क्रिकेटमा तीन शतक हान्ने एक्लो क्रिकेटर हुन् । उनले पछिल्लो एक वर्षमा यू१९ टोलीबाट तीन शतक हानेका छन् ।
‘कीर्तिमानहरु सुन्दा राम्रो लाग्छ । तर अहिले अव आउने इनिङहरु धेरै महत्वपूर्ण हुन्छ । वर्तमानमा बसेको छु । सकरात्मक छु । भारत, पाकिस्तान र अफगानिस्तानविरुद्ध अझैं एक शतक र अर्धशतक हानेर आउँ’, उनले भने ।
मंसिर २२ देखी पुष १ सम्म चल्ने प्रतियोगितामा नेपाल समूह ए मा छ । समूह ए मा नेपाल, भारत, पाकिस्तान र अफगानिस्तान छन् । समूह बी मा बंगलादेश, श्रीलंका, जापान र युएईछन् ।
प्रतियोगिताबारे सम्पूर्ण जानकारी यहाँ पढ्नुहोस् : यू-१९ एसिया कप : नेपालको खेल तालिका, समय, लाइभ लगायत सम्पूर्ण जानकारी
December 19, 2025
एजेन्सी – भारत र पाकिस्तान युएईमा जारी यु १९ एसिया कपको फाइनलमा पुगेका छन्। दुबैले सेमिफाइनलमा प्रभावशाली प्रदर्शन गर्दै फाइनलको यात्रा तय गरेका हुन्। आज भारतले श्रीलंका र पाकिस्तानले बंगलादेशलाई समान ८ विकेटले हराउँदै एकअर्कासँगको भेट पक्का गरेका हुन्। आइतवार हुने फाइनलमा फेरि एकपटक भारत र पाकिस्तानबीच प्रतिस्पर्धा हुनेछ। एउटै समूहबाट भारत विजेता र पाकिस्तान […]
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
