default_image

2 months ago

January 2, 2024

क्यानले म्यानेजरमा दासलाई निरन्तरता दिने!

काठमाडौं (हाम्रो खेलकुद) – नेपाल क्रिकेट संघ (क्यान) ले म्यानेजर पदमा विनोद दासलाई निरन्तरता दिने भएको छ । दोस्रो वर्ष कार्यकाल उनको डिसेम्बरसँगै सकिएकोछ । क्यानका अध्यक्ष चतुरबहादुर चन्दले आगमी बोर्ड बैठकबाट उनको कार्यकाल थपिने बताएका छन् । ‘उनको कार्यकाल थप्ने हो । निर्णय भएको छैन । तर उनको कार्यकाल थप्नीमा सहमति छ । एक […]

1061 views

0 Bookmark

काठमाडौं (हाम्रो खेलकुद) – नेपाल क्रिकेट संघ (क्यान) ले म्यानेजर पदमा विनोद दासलाई निरन्तरता दिने भएको छ । दोस्रो वर्ष कार्यकाल उनको डिसेम्बरसँगै सकिएकोछ । क्यानका अध्यक्ष चतुरबहादुर चन्दले आगमी बोर्ड बैठकबाट उनको कार्यकाल थपिने बताएका छन् ।

‘उनको कार्यकाल थप्ने हो । निर्णय भएको छैन । तर उनको कार्यकाल थप्नीमा सहमति छ । एक एक वर्षमा थप्ने गरिएको छ । बोर्ड बैठक आगामी फेब्रुअरीमा बस्नेछ । त्यो समय निर्णय हुन सक्छ । त्यहिँ समय आइसिसीको टोली पनि नेपाल आउने सम्भावना छ’, चन्दले हाम्रो खेलकुदसँग भने ।

त्यसैमा उनले थपे, ‘अर्को निर्णय नहुनसम्म सबै काममा हुन्छन् । अर्को बोर्ड बैठकबाट कि हटाउने कि थप्ने हुन्छ । उनको निरन्तरता हुन्छ ।’

दास सन् २०२० डिसेम्बरमा क्यानको म्यानेजरमा नियुक्त भएका थिए । तर अपेक्षा अनुसार काम गर्न नसक्दा आलोचना भने खेप्दै आएका छन् । विशेषगरि घरेलु क्रिकेट चलायमान बनाउन नसक्दा आलोचानमा पर्दै आएका छन् । नेपालका पूर्वकप्तान तथा बलर दासले २०१६ देखी २०१९ सम्म नेपाली यू१९ टोलीको मुख्य प्रशिक्षकको जिम्मेवारी दिएका थिए ।

सन् १९९७ देखि यू१९ टोलीबाट नेपाली क्रिकेट टोलीको यात्रा गरेका दासले सन् २००० मा राष्ट्रिय टोलीमा संयुक्त अरव इमिरेट्स (यूएई) विरुद्ध डेब्यू गरेका थिए । २००५ देखि २००८ सम्म राष्ट्रिय टोलीको कप्तानी गरेका थिए । सन् २०१२ सम्म राष्ट्रिय टोलीमा खेलेका थिए ।

उनको प्रशिक्षकमा नेपालले २०१७ मा यू१९ एसिया कपमा भारतलाई पहिलो पटक हराएको थियो । २०१९ मा राष्ट्रिय महिला टोलीको प्रशिक्षकको रुपमा काम गरेका थिए ।

दासले क्यानको जनरल म्यानेजरमा पनि आवेदन दिएका छन् । तर क्यानको नयाँ नेतृत्वले ७ जनाको सर्ट लिष्ट भई सकेको अवस्थाबाट पुन जनरल म्यानेजरको आवेदन माग गरेसँगै उनलाई त्यो पदमा नराख्ने पक्का जस्तै देखिन्छ ।

क्यानका पछिल्ला दुबै जनलर म्यानेजर रौनक मल्ल र वृतान्त खनाल काम गर्न नसकेका कारण बाहिरिएका थिए । क्यान ६ महिनादेखि जनरल म्यानेजर विहीन छ । खनालले राजीनामा दिएपछि नयाँ नियुक्ती भएको छैन । दुई पटक खुल्ला आवेदन माग भइसकेको छ ।

विनोद दासको पूरा क्रिकेट करिअर पढ्नुहोस् : विनोद दास – ‘क्रिकेटले जे दियो, त्यो फर्काउन लागेको छु’

February 25, 2024

लिग-२ मा नेपालको तेस्रो हार

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत त्रिकोणात्मक सिरिजमा नेपालले तेस्रो खेलमा हार बेहोरेको छ । टियु क्रिकेट मैदानमा नेपालले नेदरल्यान्ड्समाथि ८ विकेटको जित दर्ता गरेको हो । नेपालले जितका लागि प्रस्तुत गरेको १ सय ७३ रनको लक्ष्य नेदरल्यान्ड्सले ३८ औं ओभरमा २ विकेट गुमाएर पूरा गरेको हो । नेदरल्यान्ड्सका लागि सिरिजको पहिलो […]

February 25, 2024

प्रिमियर कपमा नेपाल र हङकङ एकै समूहमा

काठमाडौं (हाम्रो खेलकुद) – ओमानमा अप्रिल तेस्रो साता सुरु हुने एसीसी प्रिमियर कपको समूह विभाजन सार्वजनिक भएको छ । एसियाली क्रिकेट परिषद (एसीसी) ले आइतबार सार्वजनिक गरेको खेल तालिका अनुसार समूह ए मा नेपाल, हङकङ, मलेसिया, कतार र साउदी समूह ए मा रहेका छन् । समूह बी मा यूएई, ओमान, कुवेत, बहराइन र कम्बोडिया रहेका […]

February 25, 2024

नेदरल्यान्ड्सलाई नेपालको सामान्य लक्ष्य

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत अन्तिम खेलमा नेपालले नेदरल्यान्ड्ससमक्ष १ सय ७३ रनको सामान्य लक्ष्य प्रस्तुत गरेको छ । टियु क्रिकेट मैदानमा पहिलो ब्याटिङको निम्तो पाएको नेपालले ४९.३ ओभरमा अलआउट हुनुअघि १ सय ७२ रन जोड्यो । नेपालका लागि कुशल भुर्तेलले अर्धशतक जोड्दै महत्त्वपूर्ण इनिङ खेले । तल्लोक्रममा करण केसीले आक्रामक […]

Success

Thank you for your time.