7 months ago
January 5, 2024
काठमाडौं (हाम्रो खेलकुद)- प्रधानमन्त्री कप एकदिवसीय छनोट प्रतियोगिताको खेल्ने चितवन जिल्लाको सिनियर पुरुष टोलीको नयाँ जर्सी सार्वजनिक गरेको छ ।
भरतपुरस्थित निर्माणाधिन रंगशालाको नमुना मैदानमा शुक्रबार चितवन जिल्ला क्रिकेट संघले कार्यक्रम गरी जर्सी सार्वजनिक गरिएको हो ।
जर्सीको मुख्य प्रायोजकको रुपमा काठमाडौंस्थित प्राइमो सेक्युरिटिज प्रा. लि. र सह-प्रायोजकको रुपमा नारायणगढस्थित सेन्ट्रल कलेज अफ भोकेसनल ट्रेनिङ सेन्टर प्रा. लि. छन् ।
चितवन जिल्ला संघलाई प्राइमोले ३ लाख र सेन्ट्रल कलेजले १ लाख ५० हजार रुपैयाँमा २ वर्षका लागि सम्झौता गरेको बताइएको छ ।
त्यसबाहेक पनि सेन्ट्रल कलेजले संघको कार्यालय संचालनका आवश्यक पर्ने कम्प्युटर, प्रिन्टर लगायतका सामग्री सहयोग गर्ने कलेजका प्रिन्सिपल वाइवी पौडेलले बताए ।
प्राइमो सेक्युरिटीज नेपाल धितोपत्र बोर्डबाट मान्यता प्राप्त शेयर कारोबार गर्ने संस्था हो भने सेन्ट्रल कलेज जापान, अष्ट्रेलिया, न्युजील्याण्ड, युरोप लगायतका मुलुकमा विद्यार्थीहरुलाई अध्ययनका लागि शैक्षिक परामर्श दिदै आएको संस्था हो ।
चितवन जिल्लाको क्रिकेट टोलीले खेल्ने हरेक खेलमा प्राइमो सेक्युरिटीज र सेन्ट्रल कलेजको लोगो अंकित जर्सीको प्रयोग गर्नेछ ।
यस्तै प्रभु बैंक लि. ले पनि १ वर्षका लागि ५० हजार रुपैयाँको प्रायोजन ग सम्झौता गरेको छ । हरेक जिल्लाले क्रिकेट गतिविधि निरन्तर गराउन यस्ता किसिमका प्रायोजकन र आन्तरिक श्रोत व्यवस्थापन गर्न आवश्यक रहेको चितवन जिल्ला क्रिकेट संघका अध्यक्ष सुदिप पियाले बताए ।
बागमती प्रदेश अन्तर्गतको छनोटको समुह बीमा रहेको चितवनले अन्तिम खेलमा नुवाकोटलाई ६ विकेटले हराउँदै सेमिफाइनल प्रवेश गरेको छ ।
समूह बीबाट चितवन समुह विजेता र नुवाकोट उप-विजेता बनेका छन् । छनोट प्रतियोगिताका सेमिफाइनल र फाइनल खेलहरु मुलपानी मैदानमा हुने बागमती प्रदेश क्रिकेट संघको तालिका रहेको छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]