default_image

5 months ago

January 14, 2024

पिएमकपमा १६ शतक प्रहार गर्ने १५ खेलाडीहरु

6392 views

0 Bookmark

काठमाडौं (हाम्रो खेलकुद) – प्रधानमन्त्री कप एकदिवसीय राष्ट्रिय प्रतियोगिता छैटौं संस्करण सुरु भएको छ । पाँच संस्करणका एकदिवसीय पिएमकप सकिँदा हालसम्म १६ शतक बनेका छन् । नेपाल पुलिस क्लबका दीपेन्द्रसिंह ऐरी पिएमकपमा दुई शतक हान्ने एक्लो खेलाडी हुन् ।

पिएम कपमा १५ खेलाडीले शतक हानेका छन् । ओपनिङ देखी सातौं नम्बरसम्म आएर शतक सम्भव भएको छ । १६ मध्य ११ शतक तीन विभागीय टोलीका खेलाडीको नाममा छ । सर्वाधिक छिटो शतक विनोद भण्डारी र सुस्त गतीमा बनेको शतक सुनिल धमलाको नाममा छ । पिएमकपमा हालसम्म शतक प्रहार गर्ने खेलाडीहरु, प्रदर्शन र ब्याटिङ प्रदर्शन यस प्रकार छ ।

१. हासिम अन्सारी (मध्यामञ्चल) – छैटौं नम्बर

मधेश प्रदेशका पूर्वकप्तान हासिम अन्सारीले तत्कालिन मध्यामञ्चलबाट २०१७ को पिएमकपमा एपीएफविरुद्ध छैटौं नम्बरमा शतक हानेका थिए । पिएमकपमा छैटौं नम्बरमा शतक हान्ने एक मात्रै खेलाडी उनले १ सय २४ बलमा १२ चौका र १ छक्कासहित १ सय १ रनको शतकीय इनिङ खेलेका थिए ।

२.प्रदीप ऐरी (एपिएफ) – तेस्रो नम्बर

एपीएफका प्रदीप ऐरीले २०१८ को प्रधानमन्त्री कपमा तत्कालिन प्रदेश २ (मधेश प्रदेश) विरुद्ध १ सय ३५ बलमा १३ चौका र ८ छक्कासहित १ सय ५८ रनको शतकीय इनिङ खेलेका थिए । उनले तेस्रो नम्बरमा ब्याटिङ गर्दै पिएमकप इतिहासकै एकै खेलमा सर्वाधिक रन बनाएका थिए ।

३.सुवास खकुरेल (एपिएफ) – ओपनिङ

एपीएफको ओपनर सुवास खकुरेलले ओपनिङ गर्दै २०१८ को प्रधानमन्त्री कपमा मधेशविरुद्ध १ सय ३० बलमा ७ चौका र २ छक्कासहित १ सय ३ रनको शतकीय इनिङ खेलेका थिए ।

४.सागर पुन (आर्मी) – ओपनिङ

त्रिभुवन आर्मी क्लबबाट २०१८ मा सागर पुनले सेमिफाइनल खेलमा ओपनिङ गर्दै तत्कालिन प्रदेश ५(लुम्बिनी) विरुद्ध १ सय ४२ बलमा १० चौका र ४ छक्कासहित १ सय १८ रनको शतकीय इनिङ खेलेका थिए ।

५.हरि चौहान (गण्डकी प्रदेश) – चौथो नम्बर

युवा ब्याटर हरि चौहानले २०१८ को पिएमकपमा प्रदेश नम्बर १ (कोशी) विरुद्ध चौथो नम्बरमा ब्याटिङ गर्दै १ सय १५ बलमा ८ चौका र १ छक्कासहित १ सय रनको इनिङ खेलेका थिए । उक्त खेलमा उनले ह्याट्रिकसहित पाँच विकेट लिएका थिए । एकै खेलमा शतक र ह्याट्रिक लिने पिएमकपको एक्लो खेलाडी हुन् ।

६.ज्ञानेन्द्र मल्ल (बागमती) – पाँचौं नम्बर

नेपालका पूर्वकप्तान ज्ञानेन्द्र मल्लले बागमतीबाट २०१९ मा एपीएफविरुद्ध पाँचौं नम्बरमा शतक हानेका थिए । उक्त खेलमा उनले १ सय ११ बलमा ८ चौका र ५ छक्कासहित १ सय १७ रनको शतकीय इनिङ खेलेपनि टोलीलाई जिताउन भने सकेका थिएनन् । उनी पाँचौं नम्बरमा शतक हान्ने पिएमकपका एक्लो खेलाडी हुन् ।

७. अनिल गुरुङ (गण्डकी)– ओपनिङ

गण्डकी प्रदेशका ओपनर अनिल गुरुङले २०१९ को पिएमकपमा लुम्बिनी प्रदेशविरुद्ध १ सय ५२ बलमा ५ चौका र १ छक्कासहित १ सय १५ रनको शतकीय इनिङ खेलेका थिए । गण्डकीबाट पिएमकपमा शतक हान्ने उनी पहिलो र एक्लो खेलाडी हुन् ।

८.अमित श्रेष्ठ(पुलिस) – (तेस्रो नम्बर)

नेपाल पुलिसका शीर्षक्रमका ब्याटर अमित श्रेष्ठले २०१९ को पिएमकपमा प्रदेश १ विरुद्ध तेस्रो नम्बरमा खेल्दै शतक हानेका थिए । उनले उक्त खेलमा १ सय १८ बलमा १५ चौका र १ छक्कासहित १ सय ६ रनको शतकीय इनिङ खेलेका थिए ।

९.विनोद भण्डारी (आर्मी) – चौथो नम्बर

त्रिभुवन आर्मीका कप्तान विनोद भण्डारीले २०२१ को प्रधानमन्त्री कपमा टियु मैदानमा चौथो नम्बरमा खेल्दै शतक हानेका थिए । गण्डकी प्रदेशविरुद्ध उनले ७६ बलमा ९ चौका र ५ छक्कासहित १ सय ११ रनको शतकीय इनिङ खेलेका थिए । उक्त खेलमा उनले ७३ बलमा शतक हानेका थिए । जुन पिएमकप इतिहासकै सर्वाधिक छिटो शतक हो ।

१०.सुनिल धमला (पुलिस) – ओपनिङ

नेपाल पुलिसका ओपनर सुनिल धमलाले २०२१ को पिएमकपमा लुम्बिनी प्रदेशविरुद्ध १ सय ४५ बलमा ७ चौका र १ छक्कासहित १ सय ४ रनको शतकीय इनिङ खेलेका थिए । उक्त खेलमा १ सय ४२ बलमा शतक पूरा गरेका थिए । पिएम कपको सबैभन्दा सुस्त शतक पनि हो ।

११.दीपेन्द्रसिंह ऐरी (पुलिस) – चौथो नम्बर

नेपाल पुलिसका कप्तान दीपेन्द्र सिंह ऐरीले २०२२ को पिएमकपमा आर्मीविरुद्ध चौथो नम्बरमा ब्याटिङ गर्दै शतक हानेका थिए । उनले उक्त खेलमा १ सय २५ बलमा ११ चौका र ५ छक्कासहित १ सय ४० रनको शतकीय इनिङ खेलेका थिए ।

१२.आसिफ शेख (एपिएफ) – ओपनर

नेपाल एपिएफ क्लबका ओपनर आसिफ शेखले २०२२ को पिएमकपमा कर्णालीविरुद्ध १ सय ३६ बलमा १५ चौका र १ छक्कासहित १ सय ३० रनको शतकीय इनिङ खेलेका थिए ।

१३.अंकित सुवेदी (कोशी) – ओपनर

कोशी प्रदेशका कप्तान अंकित सुवेदीले २०२२ को पिएमकपमा बागमती प्रदेशविरुद्ध १ सय ३४ बलमा १२ चौका र १ छक्कासहित १ सय १० रनको शतकीय इनिङ खेलेका थिए ।

१४.दीपेन्द्र सिंह ऐरी (पुलिस) – चौथो नम्बर

दीपेन्द्र पिएमकपमा दुई शतक हान्ने एक्लो खेलाडी हुन् । २०२२ मै उनले चौथो नम्बरमा ब्याटिङ गर्दै बागमतीविरुद्ध ८२ बलमा ११ चौका र ४ छक्कासहित १ सय ८ रनको सानदार शतकीय इनिङ खेलेका थिए ।

१५. राशिद खान (पुलिस) – सातौं नम्बर

नेपाल पुलिस क्लबका अलराउन्डर राशिद खानले बागमतीविरुद्ध सातौं नम्बरमा ब्याटिङ गर्दै १ सय १२ बलमा ९ चौका र ६ छक्कासहित १ सय ६ रनको इनिङ खेलेको थिए ।

१६. सन्दीप जोरा (एपिएफ) – पाँचौं नम्बर

नेपाल एपीएफ क्लबका ब्याटर सन्दीप जोराले बागमतीविरुद्ध पाँचौं नम्बरमा आउँदै १ सय १७ बलमा ७ चौका र ५ छक्कासहित १ सय १२ रन बनाउँदै करिअरकै पहिलो शतक हानेका थिए ।

June 25, 2024

अफगानिस्तान टि-ट्वान्टी विश्वकपको सेमिफाइनलमा

एजेन्सी – बंगलादेशलाई हराउँदै अफगानिस्तान पहिलो पटक आइसिसी टि-ट्वान्टी विश्वकपको सेमिफाइनलमा प्रवेश गरेको छ । वर्षाले प्रभावित भएको सोमबारको खेलमा अफगानिस्तानलाई डकवर्थ लुइसका आधारमा ८ रनले हराएको हो । अफगानिस्तान सेमिफाइनलमा पुग्दा अष्ट्रेलिया भने प्रतियोगिताबाट बाहिरिएको छ । अफगानिस्तान र भारतसँग पराजित अष्ट्रेलिया सुपर एट चरण बाट नै बाहिरिएको हो । समूह १ मा भारत […]

June 25, 2024

भारत सेमिफाइनलमा, अष्ट्रेलियाले अफगानिस्तानको नतिजा कुर्नुपर्ने

एजेन्सी – अष्ट्रेलिया माथि जित हात पर्दै भारत आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा भारतले २४ रनको जित दर्ता गर्दै सेमिफाइनलमा स्थान पक्का गरेको हो । उता अष्ट्रेलियाले भने सेमिफाइनलमा पुग्नका लागि अफगानिस्तान र बंगलादेशबीचको खेलको नतिजामा भर पर्नुपर्ने भएको छ । समूह १ मा […]

June 24, 2024

वेस्ट इन्डिजलाई हराउँदै दक्षिण अफ्रिका सेमिफाइनलमा

एजेन्सी – वेस्ट इन्डिज माथि जित दर्ता गर्दै दक्षिण अफ्रिका आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा सोमबार ३ विकेटको जित निकालेको दक्षिण अफ्रिका समूह विजेता बन्दै सेमिफाइनलमा प्रवेश गरेको हो । डकवर्थ लुइसका आधारमा १७ ओभरमा १ सय २३ रनको लक्ष्य दक्षिण अफ्रिकाले ५ बल […]

Success

Thank you for your time.