काठमाडौँ (हाम्रो खेलकुद) – धनगढी क्रिकेट एकेडेमी (डीसीए) र सुदूरपश्चिमाञ्चल एकेडेमी (एसपीए) को संयुक्त आयोजनामा चैत ५ देखि १९ सम्म हुने धनगढी प्रिमियर लिगले जगशक्ति टि.एम.टि बार को साथ पाएको छ।
आज काठमाडौँमा आयोजित पत्रकार सम्मेलनमा जगदम्बा इन्टरप्राइजेज प्रा.लि. को उत्पादन जगशक्ति टि.एम.टिले डिपिएललाई नगद रु. ७ लाख प्रायोजन गर्ने जानकारी दिइयो। यससंगै अब प्रतियोगिताको नाम “सगरमाथा सिमेन्ट धनगढी प्रिमिएर लिग पावोर्ड बाइ जगशक्ति टिएमटि बार” हुनेछ।
यससंगै प्रतियोगिताको प्रत्यक्ष प्रशारण डीश होम टेलिभिजनले गर्ने पनि घोषणा गरियो। प्रतियोगिताको खेलहरु अन्चल प्रहरी कार्यालयको धनगढीस्थित मैदानमा सञ्चालन गर्ने बताइएको छ । प्रतियोगितामा १९ खेल हुनेछन् । प्रतियोगिताको अनुमानित बजेट रु. १ करोड ६० लाख रहेको छ।
धनगढी प्रिमियर लिग टिम र कप्तानहरु:
सीवाईसी अत्तरिया – ज्ञानेन्द्र मल्ल
विराटनगर किङ्स – शरद भेषावकर
काठमाडौं गोल्डेन्स – वसन्त रेग्मी
रुपन्देही च्यालेन्जर्स – शक्ति गौचन
कन्चनपुर आइकोनिक – विनोद भण्डारी
टिम चौराहा धनगढी – पारस खड्का
