4 months ago
April 12, 2024
मस्कट (हाम्रो खेलकुद) – ओमनमा आजदेखि सुरु भएको एसिसि प्रिमियर कप २०२४ मा घरेलु टोलीले विजयी सुरुवात गरेको छ । समूह बी अन्तर्गतको खेलमा ओमानले बहराइन माथि ३ विकेटको जित हात पारेको छ ।
ओमानले दिएको १७८ रनको लक्ष्य पछ्याएको बहराइनले निर्धारित २० ओभरमा ८ विकेट गुमाएर १७४ रन मात्र बनाउन सक्यो । अन्तिम ओभरमा ११ रन चाहिएकोमा ओमानका बिलाल खानले ७ रन मात्र दिए ।
सबै ६ बल खेलेका अहमेर बिनले पहिलो बलमा चौका प्रहार गरेका थिए भने दोस्रो र तेस्रो बलमा कुनै रन बनाउन सकेनन् । चौथो बलमा २ रन प्रहार गरेपनि उनले पाँचौं बलमा पुनः रन बनाउन सकेनन् । अन्तिम बलमा ५ रन चाहिएपनी उनले १ रन मात्र बनाउन सके ।
बहराइनका लागि इमरान अलिले ३४ बलमा ५० रन प्रहार गरे । यस्तै कप्तान हैदर बटले २७ बलमा ४७ रन बनाउँदा अहमर विन नासिरले ३८ रन जोडे ।
ओमानका लागि बिलाल खान, शकील अहमद, फयाज बट र एकिन इलयासले समान २-२ विकेट लिए ।
त्यसअघि अल अमेरत क्रिकेट मैदानमा टस हारेर पहिले ब्याटिङ गरेको ओमानले २० ओभरमा मात्र ३ विकेट गुमाएर १७७ रन बनायो । ओमानका लागि अकिब इलयासले ५३ बलमा सर्वाधिक ६२ रन बनाए ।
यस्तै कप्तान जिशन मक्सुदले २५ बलमा ४५ रन बनाएर नटआउट रहे । कश्यप प्रजापतिले ३८ रन बनाएका थिए ।
बहराइनका अलि दावुद, रिजवान बट र अब्दुल माजिदले समान १-१ विकेट लिए ।
आज नै भएको समूह बी अन्तर्गतको खेलमा युएईले कुवेत माथि ७ विकेटको जित निकाल्यो ।
प्रतियोगितामा आज नै थप दुई खेल हुँदै छन् । नेपाली समय अनुसार ४:१५ बजे नेपाल र मलेसिया भिड्दा कतार र हङकङ पनि भिड्नेछन् । यस समूहमा साउदी अरब पनि रहेको छ । समूह बी मा युएई, कुवेत, ओमान, बहराइन र कम्बोडिया रहेका छन् ।
दुवै समूहबाट शीर्ष २ टोलीले सेमिफाइनलमा स्थान बनाउनेछन् । प्रतियोगिताको विजेता मात्र एसिया कपका लागि छनोट हुनेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]