default_image

1 month ago

April 17, 2024

हङकङको जितसँगै कतार बाहिरियो

854 views

0 Bookmark

मस्कट (हाम्रो खेलकुद) – हङकङले मलेसिया माथि सानदार जित दर्ता गरेसँगै कतार ओमनमा जारी एसीसी प्रिमियर कपबाट बाहिरिएको छ । हङकङले बुधबार मलेसिया विरुद्ध ७ विकेटको जित संगै कतार बाहिरिएको हो ।

मलेसियाले दिएको १ सय ४१ रनको मध्यम लक्ष्य हङकङले १२.१ ओभरमै ३ विकेट मात्र गुमाएर भेटायो ।

४ खेलमा ४ अंक भएको हङकङको नेट रनरेट -०.१२८८ पुगेको छ । कतारको नेट रनरेट -०.४५३ रहेको छ ।

अहिले जारी नेपाल र साउदी अरेबिया बीचको खेलमा साउदीले जित हासिल गर्न नसकेमा हङकङ दोस्रो रहँदै सेमीफाइनलमा प्रवेश गर्नेछ । साउदीको ३ खेलमा २ अंक छ । साउदीको जित पश्चात पनि नेट रनरेटका आधारमा दोस्रो स्थानको टुंगो लाग्नेछ ।

नेपाल यसअघि नै समूह विजेता बन्दै सेमिफाइनलमा प्रवेश गरिसकेको छ । मलेसिया भने २ अंक सहित समूहको पुछारमा रहँदै प्रतियोगिताबाट बाहिरिएको छ ।

हङकङलाई जिताउन बबर हयातले ३५ बलमा २ चौका र ९ छक्का सहित ८३ रनको उत्कृष्ट इनिङ खेले । यस्तै कप्तान निजाकत खानले २६ बलमा ४ चौका र २ छक्का प्रहार गर्दै ४७ रनमा अविजित रहे । ओपनर मार्टिन काेट्जीले ५ र अंशुमन रथ ७ रनमा आउट भएका थिए ।

मलेसियाका लागि पवनदिप सिंहले २ तथा खीजार हायातले १ विकेट लिए ।

त्यसअघि अल अमेरात क्रिकेट मैदानमा टस हारेर पहिले ब्याटिङ गरेको मलेसियाले २० ओभरमा ९ विकेट गुमाउँदै १ सय ४० रन बनायो । मलेसियाका लागि अहमद फैजले ३२ बलमा सर्वाधिक ३२ रन बनाए ।

यस्तै अकिल वाहिदले ३०, शर्विन मुनियाण्डीले १८ तथा साएद अजिजले १६ रन जोडे । विजय उन्निले १५ रन बनाए ।

हङकङका लागि आयुष शुक्लाले ३ तथा अतिक इकबाल र ऐजाजले २-२ विकेट लिए । यस्तै एहसान खान र यासिम मुर्ताजाले १-१ विकेट लिए ।

यस्तै जारी साउदी अरब र नेपाल बीचको खेल ८-८ ओभरमा घटाएर खेलाईएको छ । साउदी अरब पहिले ब्याटिङ गर्दैछ । समूह बी अन्तर्गत थप दुई खेल आज ४:१५ बजे हुँदै छन् ।

May 18, 2024

एपिएफ अपराजित रहँदै च्याम्पियन 

काठमाडौँ (हाम्रो खेलकुद) – नेपाल एपिएफ क्लब अपराजित रहँदै चौथो संस्करणको ललितपुर मेयर्स महिला टि-२० च्याम्पियनसिप २०८१ को उपाधि जितेको छ । शनिवार भएको फाइनलमा सुदुरपश्चिम प्रदेश माथि २ रनको रोमान्चक जित दर्ता गर्दै एपिएफले चौथो संस्करणमा चौथो पटक नै उपाधि जितेको हो । अन्तिम दुई ओभरमा २९ रन चाहिएको अवस्थामा सुदुरकी कविता जोशीले राजमती […]

May 17, 2024

सुदुरपश्चिम ललितपुर मेयर्स कपको फाइनलमा

काठमाडौं (हाम्रो खेलकुद) – सुदुरपश्चिम प्रदेश ललितपुर मेयर्स महिला टि-२० च्याम्पियनशिपको फाइनलमा प्रवेश गर्ने दोस्रो टोली बनेको छ । लिग चरणको अन्तिम खेलमा बागमती प्रदेश विरुद्ध १०९ रनको फराकिलो जित दर्ता गर्दै सुदुरपश्चिमले एपिएफ क्लब विरुद्धको उपाधि भिडन्त पक्का गरेको हो । सुदुरपश्चिमले दिएको १५८ रनको विशाल लक्ष्य पछ्याएको बागमती १६.१ ओभरमा ४८ रनमा समेटियो […]

May 17, 2024

बुद्धशान्तिका युवा क्रिकेटरलाई बर्खा स्मृति प्रतिष्ठानले दियो खेल सामग्री

हिमाल खरेल, बिर्तामोड बुद्धशान्तिको बर्खा स्मृति प्रतिष्ठानले बुद्धशान्तिका युवा क्रिकेट खेलाडीलाई खेल सामग्री प्रदान गरेको छ । झापाको बुधबारेमा आयोजित एक कार्यक्रमका बीच प्रतिष्ठानले पालिकाबाट प्रतिनिधित्व गर्ने युवा क्रिकेटरलाई आवश्यक सामग्री प्रदान गरिएको अध्यक्ष मदन प्रसाईंले बताए । प्रसाईंका अनुसार खेलाडीहरुलाई अभाव रहेको ब्याट, लेदर बल, स्टम्प, ग्लोभ्सलगायत खेल सामग्री हस्तान्तरण गरिएको छ । खेल […]

Success

Thank you for your time.