मस्कट (हाम्रो खेलकुद) – गत संस्करणको उपविजेता युएई ओमनमा जारी एसिसि प्रिमियर कपको सेमिफाइनलमा प्रवेश गरेको छ । समूह चरणको अन्तिम खेलमा कम्बोडिया माथि ९ विकेटको जित निकाल्दै युएई अन्तिम चारमा पुग्न सफल भएको हो ।

कम्बोडियाले दिएको ७७ रनको झिनो लक्ष्य युएईले ५.१ ओभरमै १ विकेट मात्र गुमाएर भेटायो । सो नतिजा सहित युएईको ४ खेलमा ६ अंक भएको छ भने नेट रनरेट ओमान र कुवेत भन्दा राम्रो हुन पुगेको छ । ओमानको ६ अंक छ भने कुवेतको ४ अंक छ ।

ओमान र कुवेत बीच समूह चरणको अन्तिम खेलमा जारी छ । सो खेलमा ओमानले जित हासिल गरे ओमान समूह विकेट बन्नेछ भने कुवेतले जित हासिल गरे ओमानलाई उछिन्दै समूह उपविजेता बन्ने प्रवल सम्भावना छ ।

कुवेतले कुवेत सामु २०१ रनको लक्ष्य पेश गरेको छ । कुवेतले १९.३ ओभर पश्चात जित हासिल गरेमा कुवेत बाहिरिँदै ओमान नेट रनरेटका आधारमा दोस्रो हुनेछ ।

यस समूहको विजेताले सेमिफाइनलमा हङकङ विरुद्ध खेल्नेछ भने समूह उपविजेताले फाइनल प्रवेशका लागि नेपाल विरुद्ध खेल्नेछ ।

कम्बोडिया विरुद्ध युएईका लागि कप्तान मुहम्मद वासिमले १८ बलमा ७ चौका र २ छक्का सहित ४८ रन बनाए । यस्तै आलिशान शराफुले १० बलमा २१ रन बनाएर अविजित रहे । आशिफ खान ५ रनमा नटआउट रहे ।

कम्बोडियाका लागि एकमात्र वले राम शरणले लिए ।

त्यसअघि अल अमेरात टस जितेर ब्याटिङ गरेको कम्बोडिया १९ ओभरमा अलआउट हुदै ७६ रन मात्र बनाउन सक्यो । कम्बोडियाका लागि श्रवण गोदाराले १८ बलमा सर्वाधिक २४ रन बनाए । यस्तै उदय हाथिन्जरले ११ रन बनाए भने लुकमन बटले १० रन जोडे । अन्य ब्याटरले दोहोरो अंक छुन सकेनन् ।

युएईका लागि आयन अफजल खानले ३ विकेट तथा आखिफ राजा र मुहम्मद फरूकले २-२ विकेट लिए । ओमिद रहमान र अलि नासिरले १-१ विकेट लिए ।

प्रतियोगितामा सेमिफाइनल खेलहरु शुक्रबार हुनेछन् भने फाइनल आईतवार हुनेछ ।