3 months ago
April 29, 2024
काठमाडौं (हाम्रो खेलकुद) – लुम्बिनी प्रदेशले पहिलो वीर गणेशमान सिंह राष्ट्रिय टि-२० क्रिकेट प्रतियोगिताको उपाधि जितेको छ । मुलपानी माथिल्लो क्रिकेट मैदानमा सोमबार भएको फाइनल खेलमा कर्णाली प्रदेशलाई २१ रनले हराउँदै लुम्बिनी च्याम्पियन बनेको हो।
लुम्बिनीले दिएको १ सय १७ रनको सामान्य लक्ष्य पछ्याएको कर्णाली १५.३ ओभरमा ८५ रनमै समेटियो । कर्णालीका लागि विपिन शाहीले २८ रन र विपिन रावतले २३ रन बनाउनु बाहेक अन्य ब्याटरले सम्झनलायक प्रदर्शन गर्न सकेनन् । यी दुई बाहेक दीपेन्द्र रावतले मात्र दोहोरो अंक छुन सके । अन्य ब्याटर एकल अंकमा आउट हुन पुगे ।
लुम्बिनीको जितमा अभिषेक गौतम एक्लैले ५ विकेट लिए । यस्तै नर सार्कीले २ तथा देव खनाल र निर्मल गुरुङले समान १ विकेट लिए ।
त्यसअघि टस जितेर पहिले ब्याटिङ रोजेको लुम्बिनी प्रदेशले निर्धारित २० ओभरमा ९ विकेटको क्षतिमा १ सय १६ रन बनायो । लुम्बिनीका लागि म्रिनाल गुरुङले ३० बलमा ३ चौका सहित सर्वाधिक २७ रन बनाए । यस्तै विराट भण्डारीले २३ बलमा २६ रन जोडे । कृष्ण कार्कीले २२ रन बनाए । अन्य ब्याटरले दोहोरो अङ्क छुन सकेनन् ।
कर्णालीका लागि युनिस ठकुरीले ३ विकेट लिए । दिनेश अधिकारी र दिवन पुनले २-२ विकेट तथा प्रकाश जैसीले १ विकेट लिए ।
लिग चरणमा लुम्बिनी, कर्णाली र बागमती प्रदेशले समान ८ अंक जोडेका थिए । नेट रनरेटका आधारमा लुम्बिनी शीर्षस्थानमा र कर्णाली दोस्रो स्थानमा रहँदै फाइनलमा पुगेका थिए ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]