3 months ago
May 8, 2024
एजेन्सी – दिल्ली क्यापिटल्सले राजस्थान रोयल्समाथि जित दर्ता गर्दै इंडियन प्रिमियर लिग (आईपिएल) मा प्लेअफ पुग्ने आशा कायम राखेको छ । राजस्थान माथि २० रनको जित दर्ता गर्दै दिल्लीले प्लेअफ पुग्ने सम्भावना कायम नै राखेको छ ।
दिल्लीले दिएको २ सय २२ रनको विशाल लक्ष्य पछ्याएको राजस्थानले निर्धारित २० ओभरमा ८ विकेटको क्षतिमा २ सय १ रन मात्र बनाउन सक्यो ।
राजस्थानका लागि कप्तान सञ्जु स्यामसनले ४६ बलमा ८ चौका र ६ छक्का सहित ८६ रन बनाएपनि हार टार्न सकेनन् । राजस्थानका लागि दोस्रो ठूलो स्कोर रियान परागले बनाएको २७ रन रहेको थियो ।
दिल्लीको जितमा खलिल अहमद, मुकेश कुमार र कुलदीप यादवले २-२ विकेट लिए भने अक्षर पटेल र रशिख सलामले १-१ विकेट लिए ।
त्यसअघि घरेलु मैदान अरुण जेट्ली स्टेडियममा टस हारेर ब्याटिङ गरेको दिल्लीले २० ओभरमा ८ विकेट गुमाउँदै २ सय २१ रन जोड्यो । दिल्लीका लागि ओपनर अभिषेक पोरेलले ३६ बलमा ७ चौका र ३ छक्काको मद्दतमा ६५ रन बनाए । अर्का ओपनरले २० बलमा ७ चौका र ३ छक्का प्रहार गर्दै ५० रन जोडे ।
ट्रिस्टन स्टब्सले २० बलमा समान ३ चौका र ३ छक्का सहित ४१ रन बनाए ।
राजस्थानका रविचन्द्रण आश्विनले ३ विकेट लिँदा ट्रेन्ट बोल्ट, सन्दिप शर्मा र युजभेन्द्र चहलले १-१ विकेट लिए ।
जित पछि १२ खेलमा १२ अंक सहित दिल्ली पाँचौं स्थानमा उक्लिएको छ । राजस्थान ११ खेलमा १६ अंक सहित दोस्रो स्थानमा छ । पहिलो स्थानमा रहेको कोलकत्ताको ११ खेलमा १६ अंक नै रहेको छ । तेस्रो स्थानमा आसिन चेन्नाई, चौथो स्थानको हैदराबाद र छैठौं स्थानको लखनऊको समान ११ खेलमा समान १२ अंक नै रहेको छ ।
आईपिएलना बुधवार हुने एकमात्र खेलमा सनराईजर्स हैदराबाद र लखनऊ सुपर जाएन्ट्स भिड्ने छन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]