default_image

1 week ago

May 12, 2024

एपिएफको विजयी सुरुवात 

299 views

0 Bookmark

काठमाडौँ (हाम्रो खेलकुद) – नेपाल एपिएफ क्लबले तेस्रो संस्करणको ललितपुर मेयर्स कप २०८१ महिला क्रिकेट प्रतियोगितामा विजयी सुरुवात गरेको छ । टियु क्रिकेट मैदानमा वर्षाका कारण ढिलो सुरु भएर ५ ओभरमा घटाइएको खेलमा एपिएफले कोशी प्रदेश विरुद्ध २४ रनको जित दर्ता गर्दै विजयी सुरुवात गरेको हो । 

टस हारेर पहिला ब्याटिङ गरेको एपिएफले इन्दु वर्माको विष्फोटक इनिङको मद्दतमा निर्धारित ५ ओभरमा ३ विकेटको क्षतिमा ५६ रन बनायो । इन्दुले १५ बल खेल्दै ५ चौका र २ छक्का प्रहार गर्दै ३८ रनमा अविजित रहिन् । ओपनर ममता चौधरीले १० बल खेल्दै २ चौका सहित ९ रन जोडिन् । रोमा थापाले ५ तथा कप्तान सिता राना मगरले २ रन बनाइन् ।

कोशी प्रदेशका लागि एलिशा खडिया र हिरणमाए रोयले समान १-१ विकेट लिए ।

जवाफमा कोशीले ५ ओभरमा २ विकेट गुमाएर ३२ रन मात्र बनाउन सक्यो । कोशीका लागि नियमित कप्तान रुबिना क्षेत्रीको अनुपस्तिथिमा कप्तानी गरिरहेकी अप्सरी बेगम २० बल खेल्दै २ चौका सहित २५ रन बनाएर अविजित रहिन् । 

ओपनर काजल श्रेष्ठले ४ रन बनाउँदा सानु राजवंशीले २ रन बनाइन् । एपिएफकी कप्तान सिता राना मगरले एक विकेट लिइन् । 

आज भएको पहिलो खेलमा ललितपुर मेयर्स-११ सुदुरपश्चिम प्रदेश विरुद्ध डकवर्थ-लुइस-स्टाइन पद्दतिका आधारमा १६ रनले पराजित भएको थियो । यसअघि शनिवार भएको पहिलो खेलमा ललितपुरले बागमती प्रदेश विरुद्ध ७ विकेटको जित दर्ता गरेको थियो ।    

प्रतियोगितामा सोमबार दुई खेल हुँदै छन् । बिहान ९:३० बजे सुरु हुने खेलमा बागमती प्रदेशले एपिएफ विरुद्ध खेल्नेछ भने दिनको १:३० बजे हुने खेलमा सुदुरपश्चिम प्रदेशले कोशी प्रदेशको सामना गर्नेछ । 

प्रतियोगिता सिंगल राउन्ड रोबिनमा हुनेछ भने शीर्ष २ टोलीले उपाधिको लागि फाइनलमा प्रतिस्पर्धा गर्नेछन् । 

May 20, 2024

कोलकत्ता र राजस्थान बीचको खेलमा वर्ष बाधक

एजेन्सी – इंडियन प्रिमियर लिग (आईपिएल) सिजनको राउण्ड रोबिन चरण अन्तर्गतको अन्तिम खेलमा वर्षा बाधक बनेको छ । कोलकत्ता नाईट राइडर्स र राजस्थान रोयल्स बीचको खेल वर्षाका कारण एक बल पनि नखसिकन रद्द भएपछि राजस्थानले तेस्रो स्थानमा चित्त बुझाउनु पर्नेछ छ । कोलकत्ताले यस खेल अघि शीर्ष स्थानमा रही प्लेअफमा स्थान बनाइसकेको थियो । तर […]

May 19, 2024

एनसीसीएस भ्याली कप क्रिकेट यसै महिना

काठमाडौं (हाम्रो खेलकुद) – भक्तपुर जिल्ला क्रिकेट संघले एनसीसी आमन्त्रित उपत्यकाव्यापी टि ट्वान्टी क्रिकेट प्रतियोगिता आयोजना गर्ने भएको छ । महिला र पुरुषको छुट्टाछुट्टै प्रतिस्पर्धा हुनेछ । शैक्षिक संस्था एनसीसीएस समूहसँग मिलेर भक्तपुरले जेठ १२ देखि १९ गते सम्म आयोजना गर्ने प्रतियोगितामा पुरुषतर्फ ६ एकेडेमी र महिलातर्फ ३ जिल्लाले सहभागिता रहने आइतबार पत्रकार सम्मेलनमार्फत जानकारी […]

May 19, 2024

पञ्जाबलाई हराउँदै हैदराबाद दोस्रो स्थानमा

एजेन्सी – लिग चरणको आफ्नो अन्तिम खेलमा जित दर्ता गर्दै सनराईजर्स हैदराबाद इंडियन प्रिमियर लिग (आईपिएल) को तालिकाको दोस्रो स्थानमा उक्लिएको छ । पञ्जाब विरुद्ध ४ विकेटको जित दर्ता गर्दै हैदराबाद दोस्रो स्थानमा उक्लिएको हो । पञ्जाबले दिएको २१५ रनको विशाल लक्ष्य हैदराबादले ५ बल बाँकी छँदा ६ विकेट गुमाएर भेटायो । हैदराबादका लागि अभिषेक […]

Success

Thank you for your time.