default_image

1 month ago

May 18, 2024

एपिएफ अपराजित रहँदै च्याम्पियन 

636 views

0 Bookmark

काठमाडौँ (हाम्रो खेलकुद) – नेपाल एपिएफ क्लब अपराजित रहँदै चौथो संस्करणको ललितपुर मेयर्स महिला टि-२० च्याम्पियनसिप २०८१ को उपाधि जितेको छ । शनिवार भएको फाइनलमा सुदुरपश्चिम प्रदेश माथि २ रनको रोमान्चक जित दर्ता गर्दै एपिएफले चौथो संस्करणमा चौथो पटक नै उपाधि जितेको हो ।

अन्तिम दुई ओभरमा २९ रन चाहिएको अवस्थामा सुदुरकी कविता जोशीले राजमती ऐरीको १९औ ओभरमा ३ छक्का सहित २३ रन बनाएपछि सुदुर जिततर्फ लम्किएको थियो ।

तर अन्तिम ओभरमा सुदुर चुक्न पुग्यो । रेखा रावलको अन्तिम ओभरमा ६ रनको आवश्यकता रहेको थियो । पहिलो बल डट रहन पुग्यो । दोस्रो बलमा कविताले १ रन लिईन् । तेस्रो र चौथो बलमा लक्ष्मी साउदले कुनै रन बनाउन सकिनन् भने पाचौ बलमा १ रन लिइन् । अन्तिम बलमा कविताले जित्नका लागि चौका प्रहार गर्नु पर्ने थियो । तर उनले १ रन मात्र बनाउन सकेपछि एपिएफ च्याम्पियन बन्न पुग्यो ।

कविता ४५ बलमा ७ चौका र ३ छक्का सहित ६७ रन बनाएर अविजित रहिन् । लक्ष्मी साउदले ३५ बलमा २९ रन जोडिन् । ४९-५ को अवस्थाबाट यी दुई मिलेर सुदुरलाई जितको निकै नजिक पुर्याएका थिए ।

कप्तान विन्दु रावलले १९ रन बनाउँदा सावित्री धामीले १२ तथा सम्झना खड्काले १० रन बनाइन् ।

एपिएफका लागि करुणा भण्डारीले २ विकेट लिइन् भने १ विकेट सुमन विष्टको नाममा रह्यो ।      

त्यसअघि टियु क्रिकेट मैदानमा टस जितेर पहिला ब्याटिङ गरेको एपिएफले निर्धारित २० ओभरमा ४ विकेटको क्षतिमा १५५ रन खडा गर्यो । एपिएफका लागि दुवै ओपनरले अर्धशतक पुरा गरे । कप्तान सिता राना मगरले ५५ बलमा ८ चौका सहित सर्वाधिक ७४ रन जोडिन् । अर्की ओपनर राजमती ऐरीले ४६ बलमा ७ चौका प्रहार गर्दै ५० रन बनाइन् ।

ममता चौधरी १० रन बनाएर अविजित रहिन् । इन्दु वर्माले ९, रोमा थापाले ६ र सरिता मगरले १ रन बनाइन् ।

सुदुरपश्चिमका लागि ऋतु कनोउजिया, विन्दु रावल र राधिका पुजाराले समान १-१ विकेट लिए ।

यसअघिको तीनै संस्करण पनि एपिएफले नै जितेको थियो । एपिएफ प्रतियोगिता इतिहासमा २० खेल मध्य २० खेल नै जित्न सफल रहेको छ । पहिलो संस्करणमा कोशी प्रदेश फाइनलमा पराजित भएको थियो भने पछिल्लो दुई संस्करणमा सुदुरपश्चिमले नै फाइनलमा हार बेहोरेको थियो ।  

एपिएफले राउण्ड रोबिन चरणमा सबै चार खेलमै जित दर्ता गरेको थियो । सुदुरपश्चिमले भने एपिएफ विरुद्ध हार बेहोरेपानी अन्य तीन खेल जितेको थियो ।

यी दुई टोलीबाहेक प्रतियोगितामा आयोजक ललितपुर मेयर्स-११, बागमती प्रदेश र कोशी प्रदेशको सहभागिता रहेको थियो ।            

June 23, 2024

इङ्ल्यान्ड टि ट्वान्टी विश्वकपको सेमिफाइनलमा

एजेन्सी – अमेरिका विरुद्ध सानदार जित दर्ता गर्दै इङ्ल्यान्ड आइसिसी टि ट्वान्टी विश्वकप २०२४ को सेमिफाइनलमा प्रवेश गर्ने पहिलो टोली बनेको छ । इङ्ल्यान्डले आइतबार अमेरिकालाई १० विकेटले हराउँदै अन्तिम चारको यात्रा तय गरेको हो । अमेरिकाले दिएको १ सय १६ रनको लक्ष्य इङ्ल्यान्डले ९.४ ओभरमै कुनै विकेट नगुमाई भेटायो । इङ्ल्यान्डको जितमा कप्तान जस […]

June 23, 2024

अष्ट्रेलियाविरुद्ध अफगानिस्तानको पहिलो जित

एजेन्सी – अष्ट्रेलिया माथि सानदार जित दर्ता गर्दै अफगानिस्तानले आइसिसी टि-ट्वान्टी विश्वकपको सेमिफाइनलमा पुग्ने सम्भावना कायम राखेको छ । आफ्नो इतिहासमा अष्ट्रेलिया विरुद्ध पहिलो जित दर्ता गर्ने क्रममा अफगानिस्तानले शनिबार २१ रनको जित हासिल गरेको हो । अफगानिस्तानको जित पछि सुपर एट समूह १ बाट सेमिफाइनल पुग्ने दौड रोचक बनेको छ । भारतको २ खेलबाट […]

June 22, 2024

बंगलादेशलाई हराउँदै भारत सेमिफाइनल नजिक

एजेन्सी – भारत आइसिसी टि-२० विश्वकपको सेमिफाइनलको निकै नजिक पुगेको छ । सुपर एट चरण अन्तर्गत बंगलादेश माथि ५० रनको फराकिलो जित दर्ता गर्दै भारत सेमिफाइनलको निकै नजिक पुगेको हो । आईतवार बिहान अष्ट्रेलियाले अफगानिस्तान माथि जित दर्ता गरेका भारतको सेमिफाइनलमा स्थान पक्का हुनेछ । सो नतिजा आएमा भारत र अष्ट्रेलिया बीचको खेलले समूह विजेता […]

Success

Thank you for your time.