2 months ago
May 21, 2024
एजेन्सी – इंडियन प्रिमियर लिग (आईपिएल) २०२४ को फाइनल प्रवेश गर्ने पहिलो टोली बन्ने लक्ष्य सहित क्वालिफायर १ मा आज कोलकत्ता नाईट राइडर्स र सनराईजर्स हैदराबाद आज भिड्दै छन् । खेल नेपाली समय अनुसार बेलुका ७:४५ बजे अहमदाबादमा सुरु हुनेछ ।
यी दुई टोली लिग चरणमा शीर्ष दुई स्थानमा रहँदै प्लेअफका लागि छनोट भएका थिए । कोलकत्ता लिग चरणका १४ खेलमा ९ जित, ३ हार र २ रद्द खेल सहित २० अंक बटुल्दै शीर्ष स्थानमा रहन सफल रह्यो ।
उता हैदराबादले १४ खेलमा ८ जित, ५ हार र १ रद्द खेल सहित १७ अंक बटुल्दै दोस्रो स्थान हासिल गर्यो । लिग चरणको अन्तिम खेलमा राजस्थान र कोलकत्ता बीचको खेल वर्षाका कारण रद्द भएपछि हैदराबादको दोस्रो स्थान पक्का भएको थियो ।
यी दुई टोली लिग चरणमा एक पटक मात्र भिडेका थिए । सो खेल कोलकत्ता ४ रनले जितेको थियो । कोलकत्ताले दिएको २०९ रनको लक्ष्य पछ्याएको हैदराबादले २०४ रन मात्र बनाउन सक्यो ।
कोलकत्ता दुई पटकको आईपिएल विजेता हो । कोलकत्ताले २०१२ र २०१४ मा उपाधि जिएको थियो । उता हैदराबादले २०१६ मा एकमात्र उपाधि उचालेको थियो ।
आजको विजेता सिधै फाइनल प्रवेश गर्नेछ भने पराजित टोलीले फाइनल पुग्नका लागि दोस्रो अवसर प्राप्त गर्नेछ । सो अवसर तेस्रो र चौथो स्थान हासिल गरेका राजस्थान र बेंगलूरु बीचको एलिमिनेटर खेलको विजेता विरुद्ध हुनेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]