default_image

4 weeks ago

May 25, 2024

अमेरिकामा पहिलो अभ्यास खेलमा नेपाललाई सफलता

1780 views

0 Bookmark

ह्युस्टन (हाम्रो खेलकुद) – आगामी टि-२० विश्वकपको तयारीका लागि अमेरिकाको ह्युस्टन सहर पुगेको नेपाली राष्ट्रिय क्रिकेट टोलीले पहिलो अभ्यास खेलमा जित दर्ता गरेको छ । ह्युस्टन स्थित प्रेरी भ्यू क्रिकेट कम्प्लेक्समा ह्युस्टन हरिकेन्स विरुद्ध भएको खेलमा नेपाल ६ रनले विजयी भएको हो ।

नेपालले दिएको १४७ रनको मध्यम लक्ष्य पछ्याएको घरेलु टोलीले निर्धारित २० ओभरमा १४० रन मात्र बनाउन सक्यो । ह्युस्टनका लागि लाहिरु मिलान्थाले २२ बल खेल्दै सर्वाधिक ३३ रनको इनिङ खेले । यस्तै अलि शेखले २३, स्मित पटेलले १९ तथा आकर्षित गोमेलले १८ रन बनाए ।

नेपालका लागि सोमपाल कामीले ४ ओभरमा ३३ रन खर्चिदै २ विकेट लिए । यस्तै करन केसीले ३ ओभरमा २७ रन दिएर २ विकेट नै लिए । रोहित पौडेल, अविनाश बोहोरा, सागर ढकाल र कुशल भुर्तेलले १-१ विकेट लिए ।

त्यसअघि टस हारेर ब्याटिङ गरेको नेपालले निर्धारित २० ओभरमा ८ विकेट गुमाएर १४६ रन बनाएको थियो । नेपालका लागि अनिल साहले ३८ बलमा ३ चौका र २ छक्का प्रहार गर्दा सर्वाधिक ४७ रन बनाएका थिए । यस्तै कप्तान रोहित पौडेलले १८ बलमा २३ रन जोडे । ओपनरद्वय कुशल भुर्तेल र आशिफ शेख सस्तैमा पेभेलियन फर्किएपछि अनिल र रोहित मिलेर तेस्रो विकेटका लागि ५१ रन जोडेका थिए ।

यस्तै नेपालका लागि सन्दिप जोराले २१ तथा गुलशन झाले २० रन बनाए। कुशल मल्लले १२ र करन केसीले १० रन जोडे ।

ह्युस्टनका लागि उसमान शिनवारी र इमरान खान जूनियरले २-२ विकेट लिए भने जोश ट्रोम्प, अलि शेख र जिया शेहजादले १-१ विकेट लिए ।

खेलमा विजयी भएपनि विश्वकपका लागि तयारीमा निम्ति खेलपश्चात सुपर ओभर समेत खेलाईएको थियो । सो सुपर ओभरमा पनि नेपाल नै विजयी भएको थियो ।

ह्युस्टनमा शनिबार अभ्यास खेलपछि नेपाली टोली ड्यालस जानेछ । त्यहाँ क्यानाडासँग‌ मे २७ र अमेरिकासँग मे ३० मा वार्मअप म्याच खेल्नेछ। त्यसपछि सोही स्थानमा नेपालले जुन ४ मा टि ट्वान्टी विश्वकपको आफ्नो पहिलो खेलमा नेपालले नेदरल्याण्ड्सको सामना गर्नेछ ।

आउँदो टि-२० विश्वकपका आफ्ना दुई खेल हुने स्थान सेन्ट भिन्सेन्ट एण्ड द ग्रेनाडिन्समा विन्डवार्ड भोल्क्यानोज विरुद्ध टिम अभ्यास खेल खेलेर ह्युस्टन प्रस्थान गरेको थियो । सो तीन खेलको शृंखलामा नेपाल २-१ ले विजयी भएको थियो ।

June 23, 2024

इङ्ल्यान्ड टि ट्वान्टी विश्वकपको सेमिफाइनलमा

एजेन्सी – अमेरिका विरुद्ध सानदार जित दर्ता गर्दै इङ्ल्यान्ड आइसिसी टि ट्वान्टी विश्वकप २०२४ को सेमिफाइनलमा प्रवेश गर्ने पहिलो टोली बनेको छ । इङ्ल्यान्डले आइतबार अमेरिकालाई १० विकेटले हराउँदै अन्तिम चारको यात्रा तय गरेको हो । अमेरिकाले दिएको १ सय १६ रनको लक्ष्य इङ्ल्यान्डले ९.४ ओभरमै कुनै विकेट नगुमाई भेटायो । इङ्ल्यान्डको जितमा कप्तान जस […]

June 23, 2024

अष्ट्रेलियाविरुद्ध अफगानिस्तानको पहिलो जित

एजेन्सी – अष्ट्रेलिया माथि सानदार जित दर्ता गर्दै अफगानिस्तानले आइसिसी टि-ट्वान्टी विश्वकपको सेमिफाइनलमा पुग्ने सम्भावना कायम राखेको छ । आफ्नो इतिहासमा अष्ट्रेलिया विरुद्ध पहिलो जित दर्ता गर्ने क्रममा अफगानिस्तानले शनिबार २१ रनको जित हासिल गरेको हो । अफगानिस्तानको जित पछि सुपर एट समूह १ बाट सेमिफाइनल पुग्ने दौड रोचक बनेको छ । भारतको २ खेलबाट […]

June 22, 2024

बंगलादेशलाई हराउँदै भारत सेमिफाइनल नजिक

एजेन्सी – भारत आइसिसी टि-२० विश्वकपको सेमिफाइनलको निकै नजिक पुगेको छ । सुपर एट चरण अन्तर्गत बंगलादेश माथि ५० रनको फराकिलो जित दर्ता गर्दै भारत सेमिफाइनलको निकै नजिक पुगेको हो । आईतवार बिहान अष्ट्रेलियाले अफगानिस्तान माथि जित दर्ता गरेका भारतको सेमिफाइनलमा स्थान पक्का हुनेछ । सो नतिजा आएमा भारत र अष्ट्रेलिया बीचको खेलले समूह विजेता […]

Success

Thank you for your time.