default_image

2 weeks ago

June 7, 2024

स्कटल्यान्डले नामिबियालाई हरायो

779 views

0 Bookmark

एजेन्सी – स्कटल्यान्डले आइसीसी टि२० विश्वकपको समूह चरणमा बिहीबार नामिबियालाई ५ विकेटले हराएको छ । ब्रिजटाउनमा १ सय ५६ रनको लक्ष्य पछ्याएको स्कटल्यान्डले १८.३ ओभरमा ५ विकेट गुमाएर १ सय ५७ रन बनाउँदै जित निकालेको हो ।

स्कटल्यान्डका लागि कप्तान रिची बेरिंग्टनले ३५ बलमा २ छक्का र २ चौका साथ नटआउट ४७ रन बनाए । माइकल लिस्कले १७ बलमा ४ चौकाका साथ ३५ रन बनाए ।

ओपनर माइकल जोन्सले ३ चौका र १ छक्कासाथ २६, ब्रान्डन म्याकमलले १७ बलमा २ चौकासहित १९ रन जोडेका थिए । नामिबियाका हेरार्ड एरास्मस २, रेविन ट्रम्पलम्यान, टानगेनी लुन्गामेनी र बर्नार्ड स्कोल्जले समान १ विकेट लिएका थिए ।

त्यसअघि नामिबियाले टस जितेर पहिले ब्याटिङ गदैै ९ विकेटको क्षेतिमा १ सय ५५ रन बनाएको थियो । नामिबियाका कप्तान एरास्मसले अर्धशतक बनाएका थिए । ३१ बल खेलेका उनले ५ चौका र २ छक्कासहित ५२ रन बनाएका थिए । जेन ग्रिनले २८, निकोलस डाभिनले २०, डेभिड विसेले १४ र जान फ्रेलिन्कले १२ जोडे । स्कटल्यान्डका ब्राड ह्विलले ३, ब्रेड करीले २ तथा क्रिस सोल, क्रिस ग्रिभ्स र माइकल लिस्कले समान १-१ विकेट लिएका थिए ।

स्कटल्यान्ड २ खेलमा ३ अंकसहित समूह बीको शीर्षस्थानमा छ । अष्ट्रेलियाले १ खेलमा १ जित र नामिबियाले २ खेलमा १ खेल जित्दै समान २ अंक जोडेका छन् । स्कटल्यान्डसँगको खेल वर्षाका कारण रद्द भएपछि इंग्ल्यान्डले अंक बाडेको थियो । ओमानले २ खेलमा अंक जोड्न सकेको छैन ।

June 23, 2024

इङ्ल्यान्ड टि ट्वान्टी विश्वकपको सेमिफाइनलमा

एजेन्सी – अमेरिका विरुद्ध सानदार जित दर्ता गर्दै इङ्ल्यान्ड आइसिसी टि ट्वान्टी विश्वकप २०२४ को सेमिफाइनलमा प्रवेश गर्ने पहिलो टोली बनेको छ । इङ्ल्यान्डले आइतबार अमेरिकालाई १० विकेटले हराउँदै अन्तिम चारको यात्रा तय गरेको हो । अमेरिकाले दिएको १ सय १६ रनको लक्ष्य इङ्ल्यान्डले ९.४ ओभरमै कुनै विकेट नगुमाई भेटायो । इङ्ल्यान्डको जितमा कप्तान जस […]

June 23, 2024

अष्ट्रेलियाविरुद्ध अफगानिस्तानको पहिलो जित

एजेन्सी – अष्ट्रेलिया माथि सानदार जित दर्ता गर्दै अफगानिस्तानले आइसिसी टि-ट्वान्टी विश्वकपको सेमिफाइनलमा पुग्ने सम्भावना कायम राखेको छ । आफ्नो इतिहासमा अष्ट्रेलिया विरुद्ध पहिलो जित दर्ता गर्ने क्रममा अफगानिस्तानले शनिबार २१ रनको जित हासिल गरेको हो । अफगानिस्तानको जित पछि सुपर एट समूह १ बाट सेमिफाइनल पुग्ने दौड रोचक बनेको छ । भारतको २ खेलबाट […]

June 22, 2024

बंगलादेशलाई हराउँदै भारत सेमिफाइनल नजिक

एजेन्सी – भारत आइसिसी टि-२० विश्वकपको सेमिफाइनलको निकै नजिक पुगेको छ । सुपर एट चरण अन्तर्गत बंगलादेश माथि ५० रनको फराकिलो जित दर्ता गर्दै भारत सेमिफाइनलको निकै नजिक पुगेको हो । आईतवार बिहान अष्ट्रेलियाले अफगानिस्तान माथि जित दर्ता गरेका भारतको सेमिफाइनलमा स्थान पक्का हुनेछ । सो नतिजा आएमा भारत र अष्ट्रेलिया बीचको खेलले समूह विजेता […]

Success

Thank you for your time.