एजेन्सी – अफगानिस्तान आइसिसी टि ट्वान्टी विश्वकपको सुपर ‘एट’ मा पुगेको छ । ट्रिनिडाडको टरुबामा शुक्रबार भएको समूह सीको खेलमा पपुवा न्युगिनी (पिएनजी) लाई ७ विकेटले हराउँदै ६ अंकका साथ अफगानिस्तान समूहको शीर्षस्थानमा रहेको छ ।

सह आयोजक वेस्ट इन्डिज समान अंकका साथ दोस्रो स्थानमा छ । २ अंक जोडेको युगान्डा न्युजिल्यान्ड र पिएनजी समूह चरणबाटै बाहिरिएका छन् । ९६ रनको लक्ष्य पछ्याएको अफगानिस्तानले मात्र ३ विकेटको क्षेतिमा २९ बल अघि नै १ सय १ रन बनाएर खेल जितेको हो ।

टोलीलाई जित हिालउन गुलबदिन जइबले नटआउट सर्वाधिक ४९ रन बनाए । उनले ३७ बलमा ४ चौका र २ छक्का प्रहार गरे । मोहम्मद नाबीले २३ बलमा १ चौकासहित नआउट १६ रन जोडे । ओपनर रहमानदुल्लाह गुरबाजले ११, अजमतुल्लाले १३ रन जोडे । अर्का ओपनर इब्राहिम जार्डन शुन्यमा आउट भए । पपुवा न्युगिनीका लागि अलिइ नाओ, सेमो कमेइ र नोर्मान भानाउले समान १ विकेट लिए ।

त्यसअघि टस जितेर अफगानिस्तानले पपुवा न्युगिनीलाई पहिले ब्याटिङका लागि निम्ता दिएको थियो । पहिले बलिङको निर्णयलाई सहि साविक गराउने क्रमममा फजलहक फारुकीले ४ ओभरमा १६ रन खर्चेर ३ विके टलिए । नभिन उल हकले २.५ ओभरमा मात्र ४ रन दिएर २ विकेट लिए भने नुरु अहमले १ विकेट लिए ।

पपुवा न्युगिनीले १९.५ ओभरमा सबै विकेट गुमाएर ९५ रन बनाएको थियो । टोलीका लागि क्लिपिन डोरिगाले सर्वाधिक २७ रन बनाए । अलिइ नओले १३ र टोनी उराले ११ रन बनाए । अन्य ब्याटरले दोहोरो अंकमा रन जोडेनन् । ३ ब्याटरले रनको खाता पनि खोल्न सकेनन् । अफगानिस्तान र वेस्ट इन्डिजबीचको खेलले समूह विजेताको टुंगो लाग्नेछ ।