काठमाडौं(हाम्रो खेलकुद) – नेपाल प्रिमियर लिग (एनपिएल) को ८ टोलीका मार्की खेलाडी हरेकको मुल्य २० लाख रुपैयाँ तोकिएको छ।

नेपाल क्रिकेट संघ(क्यान) ले शुक्रवार राष्ट्रिय क्रिकेट टोलीका कप्तान रोहित कुमार पौडेलसहित टोलीका अन्य सदस्य दीपेन्द्र सिंह ऐरी, सन्दीप लामिछाने, सोमपाल कामी, करण केसी, आसिफ सेख, कुशल भुर्तेल र कुशल मल्ललाई मार्की खेलाडीका रुपमा घोषणा गरेको हो ।

शनिवार आयोजित पत्रकार सम्मेलनमा क्यानका सचिव पारस खड्काले मार्की खेलाडी हरेकको २० लाख रुपैयाँ तोकिएको जानकारी दिए।

पछिल्लो समयको प्रदर्शन हेरेर खेलाडीको घोषणा गरिएको क्यानले जनाएको थियो।

यस संस्करणको एनपिएल मंसिर १५ देखि पुस ६ सम्म आयोजना हुँदैछ हुदैछ । केही दिन अघि एनपिएलमा सहभागी रहने ८ फ्रेन्चाइजीलाई विभिन्न व्यापारिक घरानाहरुले आफ्नो स्वामित्वमा लिएका थिए ।

क्यानले शनिबार पत्रकार सम्मेलनको‌ आयोजना गर्दै गोलाप्रथाका आधारमा मार्कीको टोली छनोट गरेको थियो।

टिम – मार्की खेलाडी
काठमाडौं – करण केसी
पोखरा – कुशल भुर्तेल
चितवन – कुशल मल्ल
विराटनगर – सन्दीप लामिछाने
लुम्बिनी – रोहित पौडेल
जनकपुर – आसिफ शेख
कर्णाली – सोमपाल कामी
सुदूरपश्चिम – दीपेन्द्र सिंह ऐरी