3 weeks ago
September 18, 2024
काठमाडौं (हाम्रो खेलकुद) – विश्वकप लिग टु अन्तर्गतको क्यानडामा जारी त्रिकोणात्मक ओडिआई सिरिजको दोस्रो खेलमा ओमानविरुद्ध नेपालले खराब सुरुवात गरेको छ ।
नेपालले १४ ओभरको समाप्तीमा ३ विकेट गुमाएर ३२ रन बनाएको छ । नेपालका दुवै ओपनर अर्जुन साउद र आसिफ शेख तथा भीम सार्की आउट भएका छन् । साउद चौथो ओभरको पहिलो बलमा आउट भएका थिए ।
करिब १५ महिना पछि नेपाली टिममा फर्किएका अर्जुन साउद १२ बलमा ५ रन बनाउँदै आउट भएका हुन् । अर्जुन कलिमुल्लाहको बलमा फैयज बटबाट क्याच भएका थिए ।
अर्का ओपनर आसिफ शोयब खानको बलमा ११ औ ओभरको तेस्रो बलमा ११ रन बनाउँदै आउट भए । तेस्रो विकेटका रुपमा भीम फैयज बटको बलमा ११ रन बनाउँदै आउट भएका हुन् । नेपालले टस हारेर पहिले ब्याटिङ गरिरहेको छ । क्रिजमा कप्तान रोहित पौडेल र आरिफ शेख छन् ।
ओमानविरुद्धको खेलमा नेपाली टोलीमा तीन खेलाडीले परिवर्तन गरिएको थियो। सोमवार क्यानडासँगको खेलमा टोलीमा रहेका कुशल भुर्तेल, कुशल मल्ल र दीपेन्द्र सिंह ऐरी बेन्चमा छन् । उनीहरुको स्थानमा अर्जुन साउद, अनिल कुमार शाह र आरिफ शेखले मौका पाएका हुन् । पहिलो खेलमा नेपाल क्यानडासँग पराजित भएको थियो।
October 9, 2024
एजेन्सी – स्कटल्यान्ड युएईमा जारी रहेको महिला टि ट्वान्टी विश्वकपबाट बाहिरिने पहिलो राष्ट्र बनेको छ । बुधवार समूह बी अन्तर्गतको खेलमा दक्षिण अफ्रिकासँग ८० रनको अन्तरमा पराजित भएसँगै स्कटल्यान्ड यस विश्वकपबाट बाहिरिने पहिलो टोली बनेको हो । दक्षिण अफ्रिकाले दिएको १ सय ६७ रनको लक्ष्य पछ्याएको स्कटल्यान्डले १७.५ ओभरमा अल आउट हुदै ८६ रन मात्र […]
October 9, 2024
काठमाडौं(हाम्रो खेलकुद) – आगामी महिना हुने १९औं संस्करणको द हङकङ क्रिकेट सिक्सेसमा बलियो नेपाली टोलीले सहभागीता जनाउने भएको छ । नेपालको मुख्य टिम अमेरिकामा विश्वकप लिग टुको खेलमा व्यस्त रहने हुँदा दोस्रो रोजाइको बलियो नेपाली टोली प्रतियोगिताका लागि जाने नेपाल क्रिकेट संघ(क्यान) का प्रवक्ता छुम्बी लामाले बताए । ‘हाम्रो मुख्य टोली त्यस समयमा अमेरिकामा हुने […]
October 9, 2024
एजेन्सी – पाकिस्तानविरुद्ध इङ्ग्ल्यान्डले पहिलो टेस्टको पहिलो इनिङमा बलियो चुनौती पेश गरेको छ । ३ खेलको टेस्ट सिरिजका लागि इङ्ग्ल्यान्ड पाकिस्तान भ्रमणमा छ । घरेलु टोली पाकिस्तानले पहिलो इनिङमा ५ सय ५६ रनको योगफल तयार गरे पछि आफ्नो इनिङको सुरुवात गरेको पाहुना टोलीले तेस्रो दिनको समाप्तीमा ३ विकेट गुमाएर ४ सय ९२ रन जोडेको छ […]
