8 months ago
November 2, 2024
काठमाडौं(हाम्रो खेलकुद) – दीपक सेरलाको ५ विकेटको सहयोगमा बागमती प्रदेशले विराटनगरमा जारी नरेश मेमोरियल यु १९ राष्ट्रिय क्रिकेट प्रतियोगितामा कोशी प्रदेशलाई पराजित गरेको छ ।
चौथो खेलमा दोस्रो जित निकाल्ने क्रममा शनिवार बागमतीले कोशीलाई ७० रनले पराजित गर्यो ।
१ सय ८२ रनको लक्ष्य पछ्याएको कोशीले २९.५ ओभरमा अल आउट हुँदै १ सय ११ रन मात्र बनायो ।
कोशीका सोनु अन्सारीले सर्वाधिक ३० तथा कृतिक कामतले २६ रन बनाए । बागमतीका लागि दिपकले १० ओभरमा २० रन खर्चिएर ५ विकेट लिए । दयानन्द मण्डल र राजेश बोहराले समान २ तथा संगम सेढाईले १ विकेट लिए ।
त्यसअघि गिरिजाप्रसाद कोइराला क्रिकेट स्टेडियममा टस जितेर पहिले ब्याटिङ गरेको बागमतीले ४८.३ ओभरमा अल आउट हुँदै १ सय ८१ रन जोडे । बागमतीका कप्तान उत्तम थापा र सार्थक धितालले समान ३५ तथा अथर्भ पौडेलले २३ रन जोडे ।
४ खेलमा ४ अंकका साथ बागमती चौथो स्थानमा छ । ५ खेलमा २ अंक जोडेको कोशी छैठौं स्थानमा छ ।
कात्तिक २१ सम्म चल्ने प्रतियोगितामा ७ प्रदेशको सहभागिता छ । सिङ्गल राउण्ड रोविनमा हुने प्रतियोगिताको शीर्ष २ टोली फाइनल खेल्नेछन् ।
June 18, 2025
एजेन्सी – अस्ट्रेलियाको बिग बास लिग(बिबिएल) को ड्राफ्टमा नेपालका ६ क्रिकेटर अटाएका छन् । बिबिएलको १५औं संस्करणमा नेपालका ६ खेलाडी समावेश भएका बिबिएलले जनाएको छ । यस संस्करणको बिबिएल ड्राफ्ट बिहिबार हुनेछ । बिबिएल ड्राफ्टमा सन्दीप लामिछाने, देव खनाल, शेर मल्ल, अर्जुन साउद, विपिन शर्मा र आरिफ शेख रहेका छन् । नेपालबाट सन्दीपले मात्र बिबिएल […]
June 17, 2025
काठमाडौं (हाम्रो खेलकुद) – नेपाली राष्ट्रिय पुरुष क्रिकेट टोलीले त्रिकोणात्मक टि२०आई सिरिजको तेस्रो खेलमा घरेलु टोली स्कटल्याण्डलाई २ विकेटले हराएको छ । सिरिजमा नेपालको यो पहिलो जित हो । स्कटल्याण्डले प्रस्तुत गरेको ९८ रनको लक्ष्य नेपालले ८ विकेटको क्षतिमा अन्तिम ओभरमा पूरा गरेको हो । यस जितसँगै नेपाल अंक तालिकाको दोस्रो स्थानमा उक्लेको छ । […]
June 17, 2025
काठमाडौं (हाम्रो खेलकुद) – नेपालले स्कटल्याण्डमा जारी त्रिकोणात्मक टि२०आई सिरिजको तेस्रो खेलमा घरेलु टोलीबाट ९८ रनको सामान्य लक्ष्य प्राप्त गरेको छ । नेपालका लागि बलरहरुले उत्कृष्ट प्रदर्शन गरेपछि स्कटल्याण्ड १९.४ ओभरमा मात्र ९७ रनमा अलआउट भएको हो । लेग स्पिनर सन्दीप लामिछानेले ४ ओभरमा १ मेडनसहित ११ रन मात्र खर्चिए । सन्दीपले पावरप्लेमा अन्य बलरले […]
