काठमाडौं(हाम्रो खेलकुद) – पहिलो संस्करणको सिद्धार्थ बैंक नेपाल प्रिमियर लिग(एनपिएल) को समूह चरणको अन्तिम खेलमा सुदूरपश्चिम रोयल्सले कर्णाली याक्सविरुद्ध टस जितेको छ ।

टियु क्रिकेट मैदानमा भएको टस जितेर सुदूरपश्चिमका कप्तान दीपेन्द्रसिंह ऐरीले बलिङ रोजेका हुन् । प्लेअफमा स्थान बनाउन कर्णालीलाई यो खेल सामान्य अन्तरको जित आवश्यक छ । यदी सामान्य अन्तरले पराजित भए पनि कर्णालीले प्लेअफमा स्थान बनाउँने छ ।

आइतवार विराटनगर किंग्ससँग विजयी सुदूरपश्चिमले टोलीमा कुनै परिवर्तन गरेको छैन ।

सुदूरपश्चिम रोयल्सको प्लेइङ-११

दीपेन्द्रसिंह ऐरी, हर्मित सिंह, विनोद भन्डारी(विकेटकिपर), ब्रेन्डन मक्मेलन, सेफ जेब, आरिफ शेख, इशान पान्डे, स्कट कुगेलेन, नरेन साउद, अभिनाष बोहोरा र नरेश बुढाऐर।

कर्णाली भने शुक्रवार लुम्बिनी लायन्ससँग खेलेको टोलीमा १ परिवर्तन गरेको छ । कर्णाली युनिश विक्रम सिंह ठकुरीले बेन्चमा रहँदा रित गौतमले खेलमा मौका पाएका छन् ।

कर्णाली याक्सको प्लेइङ-११

सोमपाल कामी, बाबर हायात, चाडविक वाल्टन(विकेटकिपर), विलियम बासिस्टो, जिशान मक्सुद, अर्जुन घर्ती, देव खनाल, विपिन शर्मा, गुलशन झा, रित गौतम, नन्दन यादव