काठमाडौं (हाम्रो खेलकुद)- नेपाल क्रिकेट संघ (क्यान) ले नेपाली राष्ट्रिय पुरुष क्रिकेट टोलीका खेलाडीहरूको वार्षिक सेन्ट्रल कन्ट्रयाक्ट सार्वजनिक गरेको छ।

कुल पुरूष खेलाडीलाई क्यानले मासिक पारिश्रमिक दिने भएको छ। जसमा ५ खेलाडीले मासिक १ लाख प्राप्त गर्नेछन्।

५ श्रेणीमा ३३ खेलाडीलाई वर्गीकरण गरिएको छ। जहाँ श्रणी अनुसार १ लाख देखि २५ हजार नगद खेलाडीहरूले प्राप्त गर्नेछन्।

खेलाडीहरूलाई उनीहरूको प्रदर्शन र योगदानका आधारमा विभिन्न श्रेणीमा वर्गीकरण गर्दे पारिश्रमिक तोकेको छ।

ग्रेड ‘ए’ खेलाडी (मासिक पारिश्रमिक – १ लाख रुपैयाँ)

ग्रेड ‘ए’ मा कप्तान रोहित पौडेल, दिपेन्द्र ऐरी, सन्दीप लामिछाने, सोमपाल कामी, र आसिफ शेख परेका छन्। उनीहरुले मासिक १ लाख रुपैयाँ प्राप्त गर्नेछन्।

ग्रेड ‘बी’ खेलाडी (मासिक पारिश्रमिक – ७० हजार रुपैयाँ)

यस श्रेणीमा करण केसी, कुशल भुर्तेल, गुल्शन झा, ललित राजवंशी, र अनिल साह छन्। यी खेलाडीहरूले मासिक ७० हजार प्राप्त गर्नेछन्।

ग्रेड ‘सी’ खेलाडी (मासिक पारिश्रमिक – ५५ हजार रुपैयाँ)

सन्दीप जोरा, आरिफ शेख, भीम सार्की, र कुशल मल्ल ‘सी’ ग्रेडमा परेका छन्। उनीहरूले मासिक ५५ हजार प्राप्त गर्नेछन्।

ग्रेड ‘डी’ खेलाडी (मासिक पारिश्रमिक – ३५ हजार रुपैयाँ)

यस श्रेणीमा सागर ढकाल, लोकेश बम, सहाब आलम, आकाश चन्द, विवेक यादव, सुर्य तामाङ, रिजन ढकाल, देव खनाल, बसीर अहमद, प्रतिस जिसी, अभिनाश बोहरा, र मयन यादव जस्ता युवा खेलाडीहरू समेटिएका छन्। उनीहरूले मासिक ३५ हजार प्राप्त गर्नेछन्।

इमर्जिङ खेलाडी (मासिक पारिश्रमिक – रु २५,०००)

भविष्यका खेलाडीहरूलाई प्रोत्साहन गर्ने उद्देश्यसहित ‘इमर्जिङ’ श्रेणी पनि सार्वजनिक गरिएको छ। यस श्रेणीमा अर्जुन घर्ती, हेमन्त धामी, दिपेश कंडेल, रुपेश सिंह, अर्जुन कुमाल, सुभ कंसाकार, र सन्तोष यादव समावेश छन्। उनीहरूले २५ हजार पादनेछन्।