7 months ago
May 14, 2025
काठमाडौं (हाम्रो खेलकुद) – नेपाली राष्ट्रिय क्रिकेट टोलीका स्पिनर सन्दीप लामिछानेले नेपाल क्रिकेट संघ (क्यान) को केन्द्रिय सम्झौता हस्ताक्षर नगर्ने भएका छन् ।
सामाजिक संजाल फेसबुकमार्फत सन्दीपले केन्द्रिय सम्झौतालाई निरन्तरता नदिने निर्णय घोषणा गरेका हुन् । उनले क्रिकेट र राष्ट्रबाट टाढिएको नभएर व्यक्तिगत र व्यावसायिक रुपमा अघि बढ्न यो कदम चालेको बताएका छन् । उनले क्यानलाई निरन्तर साथका लागि धन्यवाद समेत व्यक्त गरेका छन् । सन्दीपले आफू नेपालबाट भने निरन्तर खेल्ने प्रष्ट पारेका छन् ।
नेपाल क्रिकेट संघ (क्यान) का प्रवक्ता छुम्बी लामाले सन्दीपको यो निर्णयबारे क्यानलाई जानकारी आएको र छलफलपछि मात्र निर्णय लिने बताए ।
केन्द्रिय सम्झौता नगर्दा क्यानको नियम मान्ने वा नमान्ने भन्ने प्रष्टता हुँदैन । त्यसो त सन्दीप अन्तर्राष्ट्रिय क्रिकेटको निलम्बनबाट फर्कंदा पनि केन्द्रिय सम्झौता बेगर नै अन्तर्राष्ट्रिय क्रिकेट खेलेका थिए । त्यस्तै नयाँ खेलाडीले पनि सम्झौता नहुँदा खेलेको उदाहरण छ ।
सन्दीप आज नै स्कटल्याण्ड भ्रमण गर्ने टोलीमा भने समावेश छन् । आज विहान मात्र क्यानको केन्द्रिय कार्यालयमा आयोजित बिदाइ कार्यक्रममा सन्दीप उपस्थित रहेका थिए ।
क्यानले गत फागुनमा सार्वजनिक गरेको ग्रेड विभाजनमा सन्दीप शीर्ष ग्रेडमा रहेका थिए । उनीसँगै कप्तान रोहितकुमार पौडेल, उपकप्तान दीपेन्द्रसिंह ऐरी, सोमपाल कामी र आसिफ शेखले मासिक १ लाख रुपैयाँ पाउने प्रावधान थियो । पुरूषतर्फ ग्रेड ‘ए’ मा रहनेले मासिक १ लाख, ग्रेड ‘बी’ मा रहनेले ७० हजार, ग्रेड ‘सी’ मा रहनेले ५५ हजार, ग्रेड ‘डी’ मा रहनेले ३५ हजार र इमर्जिङ खेलाडीले २५ हजार रूपैयाँ तलब पाइरहेका छन् ।
केन्द्रीय सम्झौतामा रहन क्यानले सार्वजनिक गरेको खेलाडी सूची
ग्रेड ‘ए’ – रोहितकुमार पौडेल, दिपेन्द्रसिंह ऐरी, सन्दीप लामिछाने, सोमपाल कामी र आशिफ शेख
ग्रेड ‘बी’ – कुशल भुर्तेल, गुलशनकुमार झा, करण केसी, ललितनारायण राजवंशी र अनिलकुमार साह
ग्रेड ‘सी’ – सन्दीप जोरा, आरिफ शेख, भीम सार्की र कुशल मल्ल
ग्रेड ‘डी’ – सागर ढकाल, लोकश बम, साहब आलम, आकाश चन्द, विवेक यादव, सूर्य तामाङ, रिजन ढकाल, देव खनाल, बसिर अहमद, प्रतिश जिसी, अविनाश बोहरा र मयन यादव
इमर्जिङ – दिपेश कँडेल (कोशी), रूपेशकुमार सिंह (मधेस), शुभ कंसाकार (बागमती), अर्जुन कुमाल (गण्डकी), सन्तोष यादव (लुम्बिनी), अर्जुन घर्ती (कर्णाली) र हेमन्त धामी (सुदूरपश्चिम)
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]
December 15, 2025
काठमाडौं (हाम्रो खेलकुद) – नेपाली युवा क्रिकेट टोलीले आज १२ औं एएफसी यु-१९ एसिया कपमा साविक विजेता बंगलादेशको सामना गर्दैछ। खेल नेपाली समयअनुसार बिहान १०:४५ बजे सुरु हुनेछ। एएफसी यु १९ प्रिमियर कपको उपविजेता बन्दै नेपाल एसिया कपका लागि छनोट भएको थियो। जारी एसिया कपको पहिलो खेलमा नेपाली टोली ८ विकेटले पराजित भएको थियो। नेपालले २८.५ […]
December 13, 2025
काठमाडौं (हाम्रो खेलकुद)- लुम्बिनी लायन्स पहिलो पटक नेपाल प्रिमियर लिग (एनपिएल) च्याम्पियन बनेको छ। एनपिएल सिजन २ को फाइनलअघि एक मात्र खेल हारेर सुदूरपश्चिमलाई लुम्बिनीले यसपटकको फाइनलमा निरिह बनायो। सुदूरपश्चिमलाई ६ विकेटले माथ दिंदै लुम्बिनी दोस्रो संस्करणको च्याम्पियन बनेको हो। फाइनलमा आज लुम्बिनीको बलिङ नै जितको प्रमुख आधार बन्यो। कप्तान रोहित पौडेलले ह्याट्रिक सहित लिंदा […]
