एजेन्सी – मुम्बई इण्डियन्सले इन्डियन प्रिमियर लिग (आइपिएल) मा दिल्ली क्यापिटल्सलाई १ सय ८१ रनको लक्ष्य दिएको छ।

दिल्लीले टस जितेर फिल्डिङ रोजेको थियो। मुम्बईले‌ पहिला ब्याटिङ गर्दै सूर्यकुमार यादवको अर्धशतकमा १ सय‌ ८० रन बनाएको छ।

५८ रन जोड्दा ३ विकेट गुमाई सकेको मुम्बईका‌ लागि सूर्यकुमार र तिलक बर्माले उकासेका थिए। उनीहरुले चौथो विकेटका लागि ५५ रनको साझेदारी गरे। ४३ बल‌ खेलेका सूर्यकुमारले ७ चौका र ६ चौकामा नटआउट सर्वाधिक ७४ रन बनाए ।

तिलकले २७, ओपनर रायन रिकिल्टनले २५, अर्का ओपनर रोहित शर्माले‌ ५ , कप्तान हार्दिक पाण्डेयले ३ रन जोडे। नमन धिरले नटआउट २७ रन बनाए ।

दिल्लीका मुकेश कुमारले २, दुस्मान्ता चामेरा, मुस्ताफिजुर रहमान र कुलदीप यादवले समान १ विकेट लिए।

प्ले अफमा पुग्नका लागि दुबैका‌ लागि आजको खेलको नतिजा अर्थपूर्ण छ। मुम्बई १४ अंकसहित चौथो र दिल्ली १३ अंक लिएर पाँचौं स्थानमा छ।

गुजरात (१८), समान १७ अंक जोडेका रोयल च्यालेन्जर्स बैगलुरु र पन्जाब किंग्स प्ले अफमा पुगिसकेका छन् । छनोट हुने बाँकी अन्तिम टोलीका लागि मुम्बई र दिल्लीबीच प्रतिस्पर्धा छ।

मुंबईले आज दिल्ली लाई हरायो प्लेअफमा प्रवेश गर्नेछ । तर यदि पराजित भएमा, त्यसपछि बाँकी २ खेलको नतिजामा निर्भर हुनुपर्नेछ। पहिलो दिल्लीको पञ्जाबसँगको खेल र त्यसपछि मुंबईको पञ्जाबसँगको अन्तिम खेल कुर्नुपर्ने छ ।