एजेन्सी – भारतमा जारी इण्डियन प्रिमियर लिग(आइपिएल) को पहिलो क्वालिफायर खेलमा रोयल च्यालेन्जर्स बेंगलुरु(आरसिबी) ले पञ्जाब किंग्सविरुद्ध टस जितेको छ ।

न्यु चण्डिगढमा रहेको महाराज योद्धाभिन्द्र सिंह अन्तर्राष्ट्रिय क्रिकेट स्टेडियममा आरसिबीका कप्तान रजत पाटीदारले टस जितेर बलिङ रोजेका हुन् ।

आइपिएलको लिग चरणको शीर्ष टोली पञ्जाब र दोस्रो भएको आरसिबीबीच पहिलो क्वालिफायरमा भेट हुन लागेको हो ।

यो सिजमा पञ्जाब र आरसिबीबीच हुन लागेको तेस्रो भेट हो । यसअघिको भेटमा पञ्जाब र आरसिबीले समान १ खेल जितेका थिए । दुवै टोली अबे खेलमा जित हात पारेका थिए ।

पञ्जाबको घरेलु मैदानमा हुन लागेको यो खेलमा आरसिबीलाई बलियो मानिएको छ । यो सिजनमा खेलेका ७ अबे खेलमा नै आरसिबीले जित हासिल गरेको छ ।

पञ्जाब र आरसिबीबीचको खेलको विजेताले आइपिएलको फाइनलमा स्थान बनाउँने छ । पराजित ह टोलीले फाइनल प्रवेशका लागि फेरि मौका पाउने छ । आज पराजित हुने टोलीले शुक्रवार हुने इलिमिनेटर खेलको विजयी टोलीसँग दोस्रो क्वालिफायर खेल्नेछ ।

शुक्रवार हुने इलिमिनेटर खेलमा गुजरात टाइटन्सले मुम्बई इण्डियन्सको सामना गर्नेछ । आरसिबी र पञ्जाबबीच हालसम्म ३५ खेल भएका छन् । पञ्जाबले १८ खेलमा जित हात पार्दा १७ खेलमा आरसिबी विजयी भएको छ ।