एजेन्सी – मुम्बई इण्डियन्सका ब्याटर सूर्यकुमार यादवइण्डियन प्रिमियर लिग (आइपिएल) मा सर्वोत्कृष्ट खेलाडी भएका छन् ।

मुम्बईलाई दोस्रो क्वालिफायर्ससम्म पुर्याउन सूर्यकुमारले ब्याटिङ महत्वपूर्ण भूमिका खेलेका थिए । उनले १६ खेलमा ५ अर्धशतकको सहयोगमा ७ सय १७ रन बनाएका थिए । आइपिएलको सर्वाधिक रनकर्ताको सुचीमा दोस्रो स्थानमा रहेका थिए ।

यस्तै, सर्वाधिक रनकर्ताको शीर्ष स्थानमा रहने खेलाडीले प्राप्त गर्ने ओरेन्ज क्याप गुजरात टाइटन्सका खेलाडी साई सुदर्शनले प्राप्त गरेका छन् ।

सुदर्शनले १५ खेलमा १ शतक र ६ अर्धशतक सहित ७ सय ५९ रन बनाएका थिए । उनले ८८ चौका र २१ छक्का प्रहार गरेका थिए ।

सुदर्शनले यस संस्करणमा सर्वाधिक चौका प्रहार गर्ने खेलाडीको अवार्ड समेत प्राप्त गरे। सुदर्शनले यस संस्करणमा ८८ चौका प्रहार गरेका थिए ।

यो संस्करणमा सर्वाधिक छक्का प्रहार गर्ने खेलाडीको अवार्ड लखनउ सुपर जायन्ट्सका निकोलस पुरनले प्राप्त गरे । उनले प्रतियोगिताभर ४० छक्का प्रहार गरेका थिए ।

सर्वाधिक विकेट लिने खेलाडीको शीर्ष स्थानमा रहँदै पर्पल क्याप प्रसिद्ध कृष्णाले प्राप्त गरे । उनले गुजरात टाइटन्सका लागि २५ विकेट लिएका थिए ।

साइ सुदर्शनले सिजनको इमर्जिङ प्लेयर अफ द सिजनको अवार्डसमेत हात पारे । राजस्थानबाट खेले वैभव सूर्यवंशीले २ सय ७ को स्ट्राइक-रेटका साथ सिजनको सुपर स्ट्राइकर अवार्ड जिते ।

सिजनको फेयर प्ले अवार्ड चेन्नई सुपर किंग्सले जित्यो । उत्कृष्ट पिच र ग्राउन्ड अवार्ड दिल्ली क्रिकेट संघले जित्न सफल भयो । सिजनको उत्कृष्ट क्याच सनराइजर्र्स हैदराबादका कामिन्दु मेन्डिसले डेवाल्ड ब्रेभिस क्याचमा पाए ।

फाइनल खेलको प्लेयर अफ द म्याच भने च्याम्पियन टोलीका कुर्नाल पाण्ड्या भए । उनले २ महत्वपुर्ण विकेट लिएका थिए ।

मंगलवार राति सकिएको यस संस्करणमा १८ वर्षको इतिहासमा पहिलो पटक रोयल च्यालेन्जर्स बेंगलुरु(आरसिबी) आइपिएल च्याम्पियन भएको थियो । आरसिबीले फाइनलमा पञ्जाब किंग्सलाई ६ रनले पराजित गरेको थियो ।

आइपिएल २०२५ – पुरस्कारहरुको पूर्ण सूची

आइपिएल २०२५ च्याम्पियन – रोयल च्यालेन्जर्स बेंगलुरु

आइपिएल २०२५ उपविजेता – पञ्जाब किंग्स

उत्कृष्ट पिच र ग्राउन्ड अवार्ड – दिल्ली क्रिकेट संघ

सर्वोत्कृष्ट खेलाडी: सूर्यकुमार यादव

ओरेन्ज क्याप – साई सुदर्शन (७५९ रन)

पर्पल क्याप विजेता – प्रसिद्ध कृष्ण (२५ विकेट)

फेयर प्ले अवार्ड – चेन्नई सुपर किंग्स

उत्कृष्ट क्याच: कामिन्दु मेन्डिस

धेरै डट बलहरू फ्याक्ने : मोहम्मद सिराज (१५१ डट)

सबैभन्दा धेरै चौका – साई सुदर्शन (८८ चौका)

धेरै छक्का – निकोलस पूरन (४० छक्का)

सुपर स्ट्राइकर -वैभव सूर्यवंशी (२०७)

उदयीमान खेलाडी- साई सुदर्शन