काठमाडौं(हाम्रो खेलकुद) – लुम्बिनी प्रदेश टिबी साह मेमोरियल यु१६ क्रिकेट प्रतियोगितामा दोस्रो जितका साथ तालिकाको शीर्ष स्थानमा उक्लिएको छ ।

तेस्रो खेलमा दोस्रो जित हासिल गर्ने क्रममा शुक्रवार लुम्बिनीले कर्णाली प्रदेशलाई ८ विकेटले पराजित गर्यो । ९३ रनको सामान्य लक्ष्य लुम्बिनीले १४.५ ओभरमा २ विकेट गुमाएर पूरा गर्यो ।

लुम्बिनीको जितमा आरिफ खानले १९ बलमा ७ चौकाको सहयोगमा अविजित रहँदै ३६ रन जोडे । ओपनर केशव विष्ट ४५ बलमा ४ चौकाको सहयोगमा २८ रनमा नट आउट रहे । ओपनर समिर अली मुसलमान १९ बलमा ३ चौका र २ छक्कासहित २७ रनमा आउट भए ।

त्यसअघि कालिन्चोक क्रिकेट मैदान सुर्खेतमा टस जितेर ब्याटिङको गरेको कर्णाली ३१.१ ओभरमा ९२ रनमा अल आउट भयो ।

कर्णालीका लागि अघिल्लो खेलमा अर्धशतक बनाएका रोशन शाहीले सर्वाधिक ३३ रन जोडे । ओपनर कस्तुप खड्का १७ तथा विजय शाही १३ रनमा आउट भए । कर्णालीका अन्य ब्याटरले दोहोरो अंकमा रन बनाउन सकेनन् ।

पहिलो खेलमा जित, दोस्रो पराजित लुम्बिनी तेस्रो खेल जित्दै ४ अंक सहित तालिकाको शीर्ष स्थानमा उक्लिएको छ । पहिलो खेलमा हार र त्यसपछिका २ खेल जितेको कर्णाली ४ अंकमा रहेको छ ।

सिंगल राउन्ड रोविनमा हुने प्रतियोगितामा ७ प्रदेश सहभागी छ । शीर्ष दुई टोलीले जेठ ३१ गते फाइनल खेल्नेछन् ।

यो प्रतियोगिता एसिसी मेन्स यु १६ इष्ट जोन कप २०२५ का लागि छनोटका रुपमा समेत रहेको छ ।