6 months ago
June 7, 2025
एजेन्सी – घरेलु टोली इङ्ग्ल्याण्डले वेस्ट इण्डिजसँगको पहिलो टि ट्वान्टी आईमा जित हासिल गरेको छ ।
शनिबार बिहान सम्पन्न खेलमा घरेलु टोलीले वेस्ट इण्डिजलाई २१ रनले पराजित गरेको हो । १ सय ८९ रनको लक्ष्य पछ्याएको पाहुना टोली २० ओभरमा ९ विकेटको नोक्सानीमा १ सय ६७ रन मात्र बनाउन सक्यो ।
वेस्ट इण्डिजका लागि ओपनर इभन लुईसले २३ बलमा ३ चौका र ३ छक्काको सहयोगमा सर्वाधिक ३९ रन जोडे । रोस्टन चेस २४, जोनसन चार्ल्स १८, रोमारियो शेफर्ड १६, आन्द्रे रसल १५ तथा रोभमन पावेल १३ रनमा आउट भए ।
घरेलु टोलीका लागि लिम ड्वासनले ४, जोकेब बेथहेल र म्याथु पोट समान २ तथा आदिल राशिदले १ विकेट लिए ।
त्यसअघि इङ्ग्ल्याण्डको रिभरसाइड क्रिकेट मैदानमा टस जितेर घरेलु टोलीले ब्याटिङ रोजेकोमा निर्धारित २० ओभरमा ६ विकेट गुमाएर १ सय ८८ रन बनायो । घरेलु टोलीका लागि जोस बटलरले ५९ बलमा ६ चौका र ४ छक्काको सहयोगमा सर्वाधिक ९६ रन जोडे ।
जेमी स्मिथ ३८ र विल ज्याक्स ९ रनमा आउट हुँदा जोकब बेथहेल २३ रनमा नट आउट रहे । वेस्ट इण्डिजका लागि रोमारियो शेफर्डले २ तथा रोस्टन चेस, आन्द्रे रसल र अल्जारी जोसेफले समान १ विकेट लिए ।
दुईबीचको ३ खेलको ओडिआई सिरिजमा घरेलु टोलीले क्लिन स्विप गरेको थियो । दुईबीचको दोस्रो टि ट्वान्टी खेल आइतबार भएको छ ।
December 6, 2025
काठमाडौं (हाम्रो खेलकुद)- पोखरा एभेन्जर्सले पाँचौं स्थानमा रहँदै नेपाल प्रिमियर लिग (एनपिएल) दोस्रो सिजनको अन्त्य गरेको छ। पोखराले ७ मध्ये तेस्रो जित निकाल्दै एनपिएलको यात्राको अन्त्य गरेको हो। एडम रोसिङ्गटन र अर्जुन कुमालको शतकीय साझेदारीमा पोखराले चितवन राइनोजलाई ८ विकेटको फराकिलो अन्तरमा हरायो। जितको लागि १ सय २१ रनको सामान्य लक्ष्य पोखराले १९.४ ओभरमा पूरा […]
December 6, 2025
काठमाडौं (हाम्रो खेलकुद)- दोस्रो संस्करणको नेपाल प्रिमियर लिग (एनपिएल) मा चितवन राइनोजले पोखरा एभेन्जर्सलाई जितको लागि १ सय २१ रनको चुनौती दिएको छ। टस जितेर ब्याटिङ गरेको चितवनले २० ओभरमा ६ विकेट गुमाउँदै १ सय २० रन बनायो। जारी एनपिएलमा पहिले ब्याटिङ गरेर बनेको यो सबैभन्दा कम योगफल हो। यसअघि जनकपुरले काठमाडौं गोर्खाजविरुद्ध १ सय […]
December 6, 2025
काठमाडौं (हाम्रो खेलकुद)- दोस्रो नेपाल प्रिमियर लिग (एनपिएल) मा चितवन राइनोज र पोखरा एभेन्जर्सबीच खेल हुँदैछ। टस जितेर चितवनले पहिले ब्याटिङ रोजेको छ। चितवन र पोखरा दुवै टिम लिग चरणबाट बाहिरिसकेकोले आजको खेलको नतिजाले कुनै असर गर्दैन। त्यसैले यो खेल दुवै टोलीको लागि प्रतिष्ठाको लडाई मात्र हो। चितवन र पोखराको यो सातौं तथा अन्तिम खेल […]
