एजेन्सी – वेष्टइण्डिजका विकेटकिपर तथा आक्रामक ब्याटर निकोलस पुरनले अन्तर्राष्ट्रिय क्रिकेटबाट अप्रत्याशित सन्न्यासको घोषणा गरेका छन् । सामाजिक सञ्जाल मार्फत सन्न्यासको घोषणा गरेका हुन् । २९ वर्षीय पुरनले वेष्टइण्डिजबाट ६१ ओडीआई र १०६ टी२० आई खेल खेलेका छन् । उनले टी२० आईमा २०१६ मा पाकिस्तानविरुद्ध तथा ओडीआईमा २०१९ मा इंग्ल्याण्डविरुद्ध डेब्यू गरेका थिए ।

पुरन अन्तर्राष्ट्रिय फ्रेन्चाइज लिगमा बढी ब्यस्त हुँदा राष्ट्रिय टोलीमा विश्वकप वा छनोटका खेलहरु बढी खेल्दै आएका थिए । वर्तमान विश्व क्रिकेटका एक उत्कृष्ट टी२० ब्याटर उनको सन्न्यास क्रिकेट बोर्डसँग केही असन्तुष्टिको कारण हुनसक्ने बुझिएको छ । वेष्टइण्डिज इंग्ल्यान्ड भ्रमणमा तीन टी२० आई सिरिज खेल्न आएको छ । तीन खेलको सिरिज वेस्टइण्डिजले एक खेल अगावै गुमाएको छ ।

पछिल्लो समय आफ्नो स्तर खस्किएपछि वेष्टइण्डिजले आफ्ना सबै स्टार खेलाडीलाई नियमित सिनियर टोलीबाट खेल्न आग्रह गरेको थियो । तर पुरनले आईपीएल सम्पन्नपछि पनि अस्वीकार गर्दै इंग्ल्यान्डविरुद्ध थिएनन्् । वेष्टइण्डिज क्रिकेट बोर्डले देशलाई दिएको सेवाको बारे धन्यावाद दिर्दै सन्न्यासको पुष्टि गरेको छ ।

२०२३ को एकदिवसीय विश्वकप छनोटमा नेपाललाई हराउन पुरनले ९४ बलमा १० चौका र ४ छक्कासहित १ सय १५ रनको शतकीय इनिंग खेलेका थिए । अघिल्लो साता सम्पन्न इन्डियन प्रिमियर लिग (आईपीएल) मा लखनऊ सुपर जायन्सट्सबाट खेल्दै पुरनले १४ खेलमा ४ सय २४ रन बनाउँदै उत्कृष्ट प्रदर्शन गरेका थिए ।

ओडीआईमा पछिल्लो पटक विश्वकप छनोटमा सन् २०२३ मा पुरनले श्रीलंकाविरुद्ध खेलेका थिए । नेदरल्याण्ड्ससँग स्तब्ध भएको वेष्टइण्डिज २०२४ को विश्वकपमा पुग्न सकेको थिएन । टी२० आई उनले २०२४ डिसेम्बरमा बंगलादेशविरुद्ध खेलेका थिए । पुरनले २०२१ र २०२२ मा वेष्टइण्डिजको नेतृत्व गरेका थिए । उनको कप्तानीमा वेष्टइण्डिजले टी२० आईमा २३ खेलमा ८ खेल जित्दा १४ खेल हारेको थियो ।

पुरनको जीवनी पढ्नुहोस् : डरलाग्दो दुर्घटना देखि फिल्डिङको ‘बेन्चमार्क’ सम्म