बुवाको मृत्युपछि पनि मैदान उत्रिदै वेलालागे

एजेन्सी – श्रीलंकाका युवा अलराउण्डर दुनिथ वेलालागेका आफ्नो बुबाको मृत्युको दुईदिनपछि एसीसी ट् टीवान्टी एसिया कपमा बंगलादेशविरुद्ध खेल्दैछन् । सुपर फोरको खेलमा दुबई क्रिकेट रंगशालामा श्रीलंकाले टस हारेर पहिला ब्याटिंग गर्दैछ ।

बिहीबार समूह चरणमा अफगानिस्तानविरुद्ध खेल खेलाएको टोलीलाई नै निरन्तरता दिएको चरिथले टसमा जानकारी दिएका छन् । दुनिथ पनि श्रीलंकाको प्लेइङ ११ मा छन् ।

बुबाको मृत्युपछि उनी शुक्रबार कोलोम्बो गएका थिए । शनिबार बिहान नै उनी श्रीलंका टोलीमा जोडिएका थिए । अफगानिस्तान र श्रीलंकाबीचको खेल चलिरहदा उनका बुबा सुरुंगाको ५४ वर्षको उमेरमा ह्दयघातको कारण मृत्यु भएको थियो ।

श्रीलंकाको प्लेइङ ११ : पाथुम निसांका, कुशल मेन्डिस, कामिल मिषरा, कुशल परेरा, चरिथ असंलका, दासुन शानका, कामिन्दु मेन्डिस, वानिन्दु हसरंगा, दुनिथ वेलालागे, दुश्मन्था चामिरा र नुवान थुषरा ।

छोराले लगातार ५ छक्का खाएपछि बुवाको हृदयघातले मृत्यु !