default_image

7 years ago

May 25, 2017

निरिह पूर्वान्चल बन्यो पुलिसको दोश्रो शिकार

काठमाडौँ (हाम्रो खेलकुद) – किर्तिपुरस्थित टि.यु अन्तर्राष्ट्रिय क्रिकेट मैदानमा जारी प्रधानमन्त्री कप एकदिवसीय क्रिकेट प्रतियोगिता २०७४को समुह ‘बी’को तेश्रो खेलमा नेपाल पुलिस क्लबले पूर्वान्चललाई ९ विकेटले पराजित गरेको छ। टस जितेर फिल्डीङ रोजेको पुलिसले उत्कृष्ट बलिङ प्रदर्शन गर्दै ३७.१ ओभरमा अलआउट गर्न सफल रह्यो। महबुब आलमको ४० रनको मद्दतले पुर्वान्चलले १ सय ४ रन जोड्न […]

29 views

0 Bookmark

काठमाडौँ (हाम्रो खेलकुद) – किर्तिपुरस्थित टि.यु अन्तर्राष्ट्रिय क्रिकेट मैदानमा जारी प्रधानमन्त्री कप एकदिवसीय क्रिकेट प्रतियोगिता २०७४को समुह ‘बी’को तेश्रो खेलमा नेपाल पुलिस क्लबले पूर्वान्चललाई ९ विकेटले पराजित गरेको छ

टस जितेर फिल्डीङ रोजेको पुलिसले उत्कृष्ट बलिङ प्रदर्शन गर्दै ३७.१ ओभरमा अलआउट गर्न सफल रह्यो। महबुब आलमको ४० रनको मद्दतले पुर्वान्चलले १ सय ४ रन जोड्न सफल रह्यो। महबुब आलमले ४७ बलमा २ चौका र ३ चक्काको मद्दतले ४० रन जोडे भने ओपनर अमल दासले १३ रन बनाए। अन्य कुनै ब्याट्सम्यानले दोहोरो अंक छुन सकेनन्। अमल नवौं ओभरमा पुष्प थापासँग १ रन लिन खोज्दा असमझदारी भएपछि रनआउट भएका थिए।

पुलिसका लागि सिद्धान्त लोहनीले ३ विकेट लिएका थिए। ३४औं ओभरको पहिलो २ बलमा जुगल चौधरी र मुकुन्द यादवको विकेट लिएपछि सिद्धान्तलाई ह्यात्री ह्याट्रिक गर्ने मौका मिलेको थियो। तर तेश्रो बलमा अनिल यादवको पहिलो स्लिपमा आएको क्याच दिपेन्द्र सिंह ऐरीले छुटाएपछि सिद्धान्त ह्याट्रिक गर्नबाट चुकेका थिए। सुशील कँडेल र ललित सिंह भण्डारीले २/२ विकेट लिंदा कप्तान मन्जित श्रेष्ठ र योगेन्द्र सिंह कार्कीको नाममा १/१ विकेट रह्यो।

क्याच छुटाएपछि दिपेन्द्र सिंह ऐरी

जवाफी ब्याटिङमा उत्रिएको नेपाल पुलिस क्लबले १७.१ ओभरमा १ विकेट गुमाउँदै लक्ष्य पुरा गर्यो। सुनिल धमला र अमित श्रेष्ठले सुरुआती विकेटको लागि ८ ओभरमा ४५ रन जोडेका थिए। अमित ७ रन बनाउँदै बिधान गोस्वामीको बलमा आउट भएपछि दिलिप नाथ र सुनिलले टोलीलाई जितसम्म पुर्याएका थिए। म्यान अफ द म्याच घोषित सुनिलले ४९ बलमा ३ चौका र ३ छक्काको मद्दतले ५२ रन जोडेका थिए। दिलीपले ३३ बलमा ६ चौका प्रहार गर्दै ३६ रनको अविजित पारी खेले।

यस जितसँगै पुलिसको २ खेलमा ४ अंक भएको छ दोश्रो स्थानमा रहेको आर्मीको १ खेलमा २ अंक छ भने पुर्वान्चल र सुदुरपश्चिमले खाता खोलेका छैनन्

प्रतियोगितामा तीन विभागीयसहित सहभागी आठ टिमको सहभागिता रहेको छ । समूह ‘ए’ मा नेपाल एपिएफ क्लब, मध्यमाञ्चल बिकास श्रेत्र, मध्यपश्चिमाञ्चल बिकास क्षेत्र र पश्चिमाञ्चल बिकास क्षेत्र रहेका छन् यस्तै समूह ‘बी’ मा त्रिभुवन आर्मी क्लब, नेपाल पुलिस क्लब, पूर्वाञ्चल बिकास क्षेत्र र सुदुरपश्चिमाञ्चल बिकास क्षेत्र रहेका छन् । प्रतियोगिताको विजेताले २० लाख तथा उपविजेताले १० लाख रुपैयाँ पुरस्कार पाउनेछन् । त्यस्तै सेमिफाइनलमा पुग्ने टोलीले ५० हजार र प्रत्येक लिग खेलमा जित्ने टोलीले २५ हजार रुपैयाँ पुरस्कार पाउनेछन् । यस्तै प्रतियोगिताको म्यान अफ दी सिरिजले एक लाख रुपैया र उत्कृष्ट ब्याट्सम्यान र बलरले समान ५०–५० हजार रुपैयाँ पुरस्कार पाउनेछन् ।

प्रतियोगितामा शुक्रबार समूह ‘बी’ अन्तर्गत पूर्वाञ्चल र सुदुरपश्चिमका बीच खेल हुनेछ ।

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

Success

Thank you for your time.