7 years ago
June 3, 2017
काठमाडौँ (हाम्रो खेलकुद) – प्रधानमन्त्री कप एकदिवसीय पुरुष राष्ट्रिय क्रिकेट प्रतियोगिता २०७४ अन्तर्गत शनिबार भएको समूह चरणको अन्तिम खेलमा मध्यमाञ्चलका लागि कप्तान हसिम अन्सारीले आफ्नो करियरकै पहिलो शतक प्रहार गरे। हसिमको शतकसँगै पाएको १ सय ८८ रनको लक्ष्य एपीएफले ४ विकेटको क्षतिमा प्राप्त गरेको थियो। १ सय २२ बलमा शतक पुरा गरेका हसिमले आफ्नो पारीमा […]
काठमाडौँ (हाम्रो खेलकुद) – प्रधानमन्त्री कप एकदिवसीय पुरुष राष्ट्रिय क्रिकेट प्रतियोगिता २०७४ अन्तर्गत शनिबार भएको समूह चरणको अन्तिम खेलमा मध्यमाञ्चलका लागि कप्तान हसिम अन्सारीले आफ्नो करियरकै पहिलो शतक प्रहार गरे। हसिमको शतकसँगै पाएको १ सय ८८ रनको लक्ष्य एपीएफले ४ विकेटको क्षतिमा प्राप्त गरेको थियो।
१ सय २२ बलमा शतक पुरा गरेका हसिमले आफ्नो पारीमा १२ चौका र १ छक्का प्रहार गरेका थिए। ७९ बलमा अर्धशतक पुरा गरेका हसिमले टोलीलाई ३४/४को स्थितिबाट उकासेका थिए। उनले सोनु तामाङसँग पाँचौ विकेटका लागि ४१ रनको साझेदारी गरेका थिए। ११ रन बनाएका रशिद खानसँग नवौं विकेटका लागि गरेको ८३ रनको साझेदारीले टोलीलाई सम्मानजनक योगफल तर्फ पुर्याएको थियो। यो जारी प्रतियोगिताकै पहिलो शतक हो।
शतक पुरा गरेसँगै हसिमले आफ्नो प्रदर्शनदेखि एकदम सन्तुष्ट रहेको बताए। “शतक प्रहार गर्दा एकदम खुसि छु। मैले टोलीलाई चाहेको बेलामा आफ्नो तर्फबाट सक्दो प्रयास गरेको थिएँ। आफुले खेलेको हिसाबले रन बन्यो र टोलीलाई योगदान दिन सकें।”
उनले मध्यमाञ्चलले प्रतियोगितामा राम्रो प्रदर्शन गर्न नसक्नु ब्याडलक रहेको बताए। “हामीले पहिलो खेल मध्यपश्चिमविरुद्ध वर्षाका कारण अंक बाँड्नु पर्यो। त्यो खेल रद्द हुनु हाम्रो लागि ठुलो बेफाइदा भयो। दोश्रो खेलमा पश्चिमाञ्चलसँग शीर्ष श्रेणीका ब्याट्सम्यानहरु नचल्दा हार व्येहोर्नु पर्यो। त्योसँगै हामीले प्रतियोगिताबाट चाडैं बाहिरिनु पर्यो।”
उनले आफ्नो पारीको सुरुवातमा ब्याटिङ गर्न केहि असहज भएको बताए। “बिहान सुरुमा ब्याटिङ गर्न केहि गार्हो थियो। तर दिन बित्दै जाँदा ब्याटिङ सजिलो हुँदै गयो र मेरो योजना अनुसार रन बन्यो।”
उनले आफ्नो गुरुलाई सदा हौसला र साथका लागि आभार व्यक्त गरे। “मेरो गुरुले मलाई सधैं हौसला प्रदान गर्नुभयो। उहाँले सधैं मलाई आफुमा सम्भावना रहेको र मिहेनत गर्न प्रोत्साहन गर्नुहुन्छ।”
April 19, 2024
एजेन्सी – नेपाली क्रिकेट टोलीले एसीसी इमर्जिङ टिम्स एसिया कपमा छनोट हुनका लागि शनिबार हङकङसँग प्रतिस्पर्धा गर्ने भएको छ । एसीसी प्रिमियर कपको दोस्रो सेमिफाइनलमा घरेलु टोली ओमानसँग शुक्रबार ५ विकेटले पराजित भएपछि हङकङको नेपालसँगको भेट पक्का भएको हो । फाइनल पुगेको ओमानले भने एसिया कपमा पुग्नको लागि आइतबार संयुक्त अरब इमिरेट्स (युएई)को सामना गर्नेछ […]
April 19, 2024
एजेन्सी – संयुक्त अरब इमिरेट्स (युएई) ले एसीसी प्रिमियर कपको उपाधिका घरेलु टोली ओमानको सामना गर्ने भएको छ । दोस्रो सेमिफाइनलमा शुक्रबार हङकङलाई ५ विकेटले हराउँदै ओमानले युएईसँगको फाइनल भेट पक्का गरेको हो । त्यसअघि नेपाललाई ६ विकेटले हराउँदै युएई फाइनलमा पुगेको थियो । हङकङविरुद्ध १ सय ३१ रनको लक्ष्य पछ्याएको ओमानले ४ बल बाँकी […]
April 19, 2024
मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]