काठमाडौं ( हाम्रो खेलकुद) – दीपेन्द्र सिंह ऐरीको कप्तानीमा नेपालले पूर्वी एसिया स्तरीय एसीसी यू–१९ क्रिकेट प्रतियोगितामा प्रतिस्पर्धा गर्ने भएको छ । यसअघि यू १९ को कप्तानी सन्दीप लामिछानेले गर्दै आएका थिए ।

 

पल्सर स्पोर्टस अवार्ड २०७३ को पिपुल्स च्वाइस अवार्डको मनोनयनमा परेका दीपेन्द्रको कप्तानीमा १४ सदस्यीय नेपाली टोलीको आइतबार घोषणा भएको छ । ४ जनालाई टोलीको वैकल्पिक खेलाडीका रुपमा राखिएको छ ।

मलेसियामा भदौ २२ देखि असोज १ गते सम्म हुने प्रतियोगिताका लागि नेपाली टोलीको छनोट सिनियर राष्ट्रिय टिमका प्रशिक्षक जगत टमाटा र यू–१९ टिमका मुख्य प्रशिक्षक विनोद कुमार दासले गरेका हुन् ।

प्रतियोगितामा नेपाल समूह ‘ए’ मा रहेको छ । नेपाल सम्मिलित समूहमा सिंगापुर, थाइल्याण्ड र भुटान रहेका छन् । यस्तै समूह ‘बी’ मा आयोजक मलेसियासहित हङकङ, चीन र म्यानमार छन् । फाइनलमा पुग्ने दुई टोली एसीसी एसिया कपको लागि छनोट हुनेछ । यस प्रतियोगिताको खेल तालिका भने सार्वजनिक हुन बाँकी छ ।

प्रतियोगितामा नेपालको नेतृत्व गरेर मलेसिया जानु पर्ने भएपछि भदौं २६ गते राजधानीमा हुने पल्सर स्पोर्ट अवार्डमा भने दीपेन्द्रको उपस्थिति नरहने भएको छ ।

यू १९ नेपाली टोली
१.दिपेन्द्र सिंह ऐरी ९कप्तान०
२.सन्दीप लामिछाने
३.मोहम्मद आसिफ शेख
४.सन्दिप सुनार
५.प्रनित थापामगर
६.अनिल कुमार शाह
७.पवन सर्राफ
८.रोहित कुमार पौडेल
९. किशोर महतो
१०.शाहव आलम
११.नन्दन यादव
१२.बिक्रम कुमार भुषाल
१३.सन्दिप जोरा
१४.सुमित महर्जन

वैकल्पिक खेलाडी
१.कमल सिंह ऐरी
२.ललित नारायण राजवंशी
३.प्रकाश केसी
४.रिजन ढकाल