6 years ago
November 11, 2017
काठमाडौं (हाम्रो खेलकुद) – सिभिल बैंक चौथो संस्करणको सेञ्चुरी बैंक कर्पाेरेट सुपर सिक्सेस क्रिकेट प्रतियोगिताको च्याम्पियन बनेको छ । कीर्तिपुरस्थित त्रिवि क्रिकेट मैदानमा शनिबार भएको फाइनल खेलमा सिभिल बैंकले आइसीएफसी फाइनान्समाथि ३ रनको रोमाञ्चक जित निकाल्दै च्याम्पियन बन्न सफल भएको हो । ८१ रनको लक्ष्य पछ्याएको आइसीएफसीले निर्धारित ५ ओभरमा ६ विकेट गुमाएर ७७ रनमात्र बनाउन […]
काठमाडौं (हाम्रो खेलकुद) – सिभिल बैंक चौथो संस्करणको सेञ्चुरी बैंक कर्पाेरेट सुपर सिक्सेस क्रिकेट प्रतियोगिताको च्याम्पियन बनेको छ । कीर्तिपुरस्थित त्रिवि क्रिकेट मैदानमा शनिबार भएको फाइनल खेलमा सिभिल बैंकले आइसीएफसी फाइनान्समाथि ३ रनको रोमाञ्चक जित निकाल्दै च्याम्पियन बन्न सफल भएको हो ।
८१ रनको लक्ष्य पछ्याएको आइसीएफसीले निर्धारित ५ ओभरमा ६ विकेट गुमाएर ७७ रनमात्र बनाउन सक्यो । आइसीएफसीका लागि सागर निधि तिवारीले २५, अरविन रानाले २१ तथा समिर थापाले १५ रन बनाए पनि टिमलाई जित दिलाउन सकेनन् । सिभिल बैंकका निशेष केसी र भोला विष्टले समान २–२ विकेट लिए । यस्तै राजन खड्कीले एक विकेट आफ्नो नाममा लेखाए ।
यसअघि टस जितेर पहिले ब्याटिङ गरेको सिभिल बैंकले निर्धारित ५ ओभरमा ३ विकेट गुमाएर ८० रन बनाएको थियो । सिभिलका लागि भोला विष्टले २३ रन बनाए भने मनिष सिंह १९ तथा निशेष केसी १४ रनमा अविजित रहे । आइसीएफसीका रिमेश रेग्मीले एक विकेट हात पारेका थिए ।
सिभिल बैंकले सेञ्चुरी बैंकलाई तथा आइसीएफसीले एन आइसी एसिया बैंकलाई पराजित गर्दै फाइनमा स्थान पक्का गरेका थिए । सेञ्चुरी बैंकका सुरज तिमल्सिना म्यान अफ दि सिरिज घोषित भए ।
आइसीएफसीका अरविन राना बेष्ट ब्याट्सम्यान, सिभिल बैंकका भोला विष्ट बेष्ट बलर, सेञ्चुरीका सुवास शर्मा बेष्ट विकेट किपर, सेञ्चुरीकै केशर रावल बेष्ट फिल्डर र सेञ्चुरी बैंककै सुरज तिमल्सिना प्रतियोगिता सर्वाधिक छक्का प्रहार गर्ने खेलाडी घोषित भए ।
कात्तिक २१ गतेबाट सुरु भएको प्रतियोगितामा विभिन्न २४ कर्पाेरेट हाउसहरुले सहभागिता जनाएका थिए ।
April 20, 2024
मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले टस जितेको छ । नेपालका कप्तान रोहित पौडेलले टस जितेर ब्याटिङ रोजेका छन् । नेपालले युएई विरुद्ध सेमिफाइनल खेलमा हार बेहोरेको प्लेइङ-११मा कुनै पनि परिवर्तन नगरी सोही टोली उतार्ने भएको छ । नेपालको प्लेइङ ११: कुशल भुर्तेल, आसिफ शेख, रोहित पौडेल […]
April 20, 2024
काठमाडौं (हाम्रो खेलकुद) –सुदूर पश्चिमप्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमा पहिलो जित हासिल गरेको छ। सुदूरले गण्डकी प्रदेशलाई ९ विकेटको फराकिलो अन्तरमा हराउँदै अंकको खाता खोलेको हो। सुदूरको जितमा अभिषेक पालले ४९ रन जोडे। उनी अर्धशतकबाट मात्र १ रनले चुके। जितको लागि १ सय १८ रनको सहज विजय लक्ष्य सुदरले १९ ओभरमा मात्र १ […]
April 20, 2024
काठमाडौं (हाम्रो खेलकुद)- राष्ट्रिय महिला क्रिकेट टोलीकी कप्तान इन्दु बर्मासहित ६ क्रिकेटरले मलेसियाको सुपर वुमेन्स कप खेल्ने भएका छन्। नेपाल क्रिकेट संघ (क्यान)का अनुसार इन्दुसहित पूर्व कप्तान रूबिना क्षेत्री, सिता राना मगर, पुजा महतो, कविता कुँवर र अश्मिना कर्माचार्यले मलेसियाको सुपर वुमेन्स कप खेल्ने भएका हुन्। मलेसिया क्रिकेट संघले अप्रिल २४ देखि मे ५ सम्म […]
